«Театр» кафеһы (Таганрог)
| Иҫтәлекле урын | |
«Театр» кафеһы
| |
_88_%D1%84%D0%BE%D1%82%D0%BE_063.jpg)
| |
| Ил | Рәсәй |
| Ҡала | Таганрог |
| Бина тибы | айырым йорт |
| Архитектура стиле | барокко |
| Нигеҙләнгән | XIX быуаттың икенсе сиреге |
| Статус |  Рәсәй Федерацияһының мәҙәни мираҫ объекты № 6101243000
|
«Театр» кафеһы — Таганрогтың тарихи үҙәгендәге кафе. 1976—1990 йылдарҙа ул Петр урамы, 88 адресы буйынса XIX быуаттың икенсе сирегендә төҙөлгән айырым йортта урынлаша. Петр урамындағы иҫке төҙөлөш элекке кафе бинаһы менән бергә төбәк әһәмиәтендәге мәҙәни мираҫ объекты исемлегенә инә[1].
Һүрәтләнеше
[үҙгәртергә | сығанаҡты үҙгәртеү]Йорт архитектураһы бароккоға оҡшатылған. Бай биҙәлешле өс өлөшлө фасадтың һул һәм урта өлөштәре өсәр ярымциркуляр, йөҙлөк һәм таш менән биҙәлгән тәҙрәләргә эйә. Фасад фризы шыма, әммә улар һәм тәҙрә баштары араһындағы стена үҙемлек биҙәктәре менән ҡапланған. Йорттоң алғы яғының һул өлөшө урта тәҙрәнән алып үҙенсәлекле итеп башҡарылған һәм был төҙөлөштә конструктив логика булмауын күрһәтә. Стена пилястралар арҡаһында рельефлы, тәҙрә аҫтары балюстҙар менән тулыландырылған. Кәрнизде тотош фасад буйынса ҙур күләмле аттик тамамлай. Йорттоң алғы яғының урта өлөшө ҡабырға ризалиттары һыҙатына сығарылған еңелсә рәшәткә менән ҡоймаланған[2].
История
[үҙгәртергә | сығанаҡты үҙгәртеү]Йорт XIX быуаттың икенсе сирегендә төҙөлә. 1880 йылда уны сауҙагәр Иван Глобин һатып ала, 1898—1906 йылдарҙа бина присяжный поверенный ҡатыны Анна Ген, ә 1915 йылдан — отставкалағы подъесаул ҡатыны Клавдия Попова милкендә була. Совет власы урынлашҡас, йорт дәүләткә тапшырыла. Бында торлаҡ һәм магазиндар урынлаша, магазин, ә 1976 йылда реставрацияланғандан һуң, «Театр» кафеһы асыла. Бельэтажды төп сауҙа залы һәм аш бүлмәһе биләй. Залда тотош стенаға темпера менән А. П. Чеховтың «Туй» пьесаһы буйынса эшләнгән картина алып тора. Уның авторы — урындағы театрҙың рәссам-декораторы Н. Н. Ливада. Һүрәттәге сағылдырылған ваҡиғаларҙа Таганрог архитектураһы (Прокурор йорто, элекке коммерция йыйылышы, торлаҡ йорттар) антураж булып хеҙмәт итә. Подвалда бар урын ала. 1990 йылдарҙа кафе ябыла һәм әлеге ваҡытта йортто «Райффайзенбанк»тың урындағы бүлексәһенең офисы биләй[3].
Иҫкәрмәләр
[үҙгәртергә | сығанаҡты үҙгәртеү]- ↑ Рәсәйҙең мәҙәниәт министрлығы. № 6101243000 // Сайт «Объекты культурного наследия (памятники истории и культуры) народов Российской Федерации».
- ↑ Стилизация под барокко. Rostov Region. Дата обращения: 5 март 2017.
- ↑ Таганрог социалистический, часть 11. skif_tag. Дата обращения: 5 март 2017.(урыҫ.). skif_tag. 5 март 2017 тикшерелгән.