Акхо мәсете

Акхо мәсете — Аджария Автономиялы Республикаһының Кеда муниципалитетында ысын мәғәнәһендә милли әһәмиәттәге мәҙәни ҡомартҡы.

Акхо ауылында боронғо ваҡытта христиан часовняһы, ағас сиркәү булған. XV быуатта ғосмандар баҫып алғандан һуң ҡорам һүтеп алына, ә сиркәү мәсет менән алмаштырыла. Риүәйәт буйынса мәсет төҙөгәндә сиркәү таштары ҡулланыла. Мәсет архитектураһы бында сиркәү булғанлығын раҫлай.

Акхо мәсетен 1817-1818 йылдарҙа һөнәрсе Хөсәйен төҙөй. Ул ике ҡатлы була, беренсе ҡатында подвал, ә икенсе ҡатында ғибәҙәт залы урынлаша. Мәсет 8,8 х 9,3 м ҙурлығында була. Ҡыйығына плитка һалына. Үҙәк бинаның түшәме эстән майлы буяу менән буялған. Мәсеттең дүрт яғында ла яндауырҙар була, көньяҡ яғы декорация менән биҙәлә. Төньяҡ яғында ҙур булмаған ярым түңәрәк балкон урынлаша.

Интерьерында биҙәлгән мөнбәре, кафедраһы һәм хоры иғтибарға лайыҡ. Ағас орнаменттары биҙәлгән. Акхо мәсетенең төньяҡ-көнбайыш өлөшөндә манараһының аҫҡы өлөшө һаҡланған. Мәсет бында урынлашҡан мәсеттәрҙең иң боронғоһо булып тора. Ул әле лә эшләй.

2006 йылда Грузия президенты указына ярашлы Акхо мәсете милли әһәмиәттәге мәҙәни ҡомартҡылар исемлегенә индерелә

Шулай уҡ ҡарағыҙ

• ეროვნული მნიშვნელობის კატეგორიის კულტურის უძრავი ძეგლების სია

Һылтанмалар

• საქართველოს პრეზიდენტის ბრძანებულება № 665 კულტურის ზოგიერთი უძრავი ძეგლისათვის ეროვნული მნიშვნელობის კატეგორიის მინიჭების შესახებ, საქართველოს საკანონმდებლო მაცნე, თბილისი, 07.11.2006.
• ქედის კულტურული მემკვიდრეობის გზამკვლევი, keda Cultural Heritage Guidebook, გვ, 30-31. 2018.
• სოფელი ახო (ქედა). ერთი დღე სოფელში - ნათია თავდგირიძესთან ერთად. 15 მარტი, 2015.