Байкал дәүләт университетының Чита институты
| Байкал дәүләт университетының Чита институты | |
| Нигеҙләү датаһы | 1985 |
|---|---|
 | |
| Дәүләт |
 Рәсәй |
| Административ-территориаль берәмек | Чита |
| Рәсми сайт | bgu-chita.ru/sveden/comm… |
 | |
Байкал дәүләт университетының Чита институты — Читалағы юғары уҡыу йорто. 1985 йылда Чита ҡалаһында Иркутск халыҡ хужалығы институтының филиалы асылғандан алып юғары уҡыу йорто булараҡ эшләй. 2015 йылдан Байкал дәүләт университеты филиалы.
Тулы рәсми атамаһы — «Байкал дәүләт университеты» федераль дәүләт бюджет юғары белем биреү учреждениеһының Чита институты (филиалы) .
Дөйөм мәғлүмәттәр
[үҙгәртергә | сығанаҡты үҙгәртеү]Әлеге ваҡытта юғары уҡыу йортон ойоштороусы — Рәсәй Федерацияһы. Уның функцияларын һәм вәкәләттәрен тормошҡа ашырыу Рәсәй Федерацияһының Фән һәм юғары белем биреү министрлығына йөкмәтелгән.
Уҡыу йорто иҡтисад, менеджмент, дәүләт һәм муниципаль идара итеү, юриспруденция, информатика йүнәлештәре буйынса белгестәр әҙерләүҙе тормошҡа ашыра. .
Институт 1985 йылда ойошторола һәм Иркутск халыҡ хужалығы ын институтының филиалы сифатында сығыш яһай. Әлеге ваҡытта ул — Байкал дәүләт университетының Чита институты.
Уҡытыусылар составы үҙ эштәрендә хәҙерге заман педагогия технологияларын киң ҡуллана: уҡыу дискуссиялары, кейс-ысулдар, эшлекле уйын, лекция-диалогтар, тикшеренеү технологиялары, интерактив ысулдар, түңәрәк өҫтәлдәр үткәреү, индивидуаль ижади заданиены үтәү, алдынғы эксперттарҙы йәлеп итеп оҫталыҡ дәрестәре, проблемаларға арналған лекциялар, дистанциялы уҡытыу һәм башҡалар.
Институт халыҡ-ара хеҙмәттәшлеккә иғтибар бүлә. Институттың юғары уҡыу йорттары-уҙаҡташтар[1]:
- Хэбэй педагогия университеты;
- Шаньдунь бизнес һәм технологиялар институты;
- Харбин инженер университеты;
- Далянь сит ил телдәре университетының ;
- Төньяҡ-Көнсығыш финанс-иҡтисад университеты (г. Далянь);
- Тяньцзинь педагогия университеты.
Юғары уҡыу йорто мәҙәниәт һәм сәнғәт, шулай уҡ спорт әҙерлеге йүнәлештәре буйынса әүҙем эш алып бара. Бында «Кураж» вокал-эстрада төркөмө, әҙәбиәт (театр) клубы, «Слобода» стилләштерелгән йыр ансамбле, «Фиеста» хореография төркөмө, «Анохин, 56» КВН командаһы эшләй .
Тарихы
[үҙгәртергә | сығанаҡты үҙгәртеү]1958 йылда Читала Бөтә Союз ситтән тороп иҡтисад институты уҡыу-консультация пункты булараҡ үҙ эшен башлай.
1961 йылда был белем биреү үҙәген Иркутск финанс-иҡтисади институты составына тапшырырға ҡарар ителә.
1973 йылда белем биреү учреждениеһы Лермонтов урамы, 4-се йорт адресы буйынса урынлашҡан бинаны ҡулланыуға ала, әммә 1976 йылда яңы урынға: Бутин урамы, 21-се йортҡа күсенә.
1984 йыл — Анохин урамындағы 56-сы йортҡа күсенә, әлеге ваҡытта институт шула бинала эшләй.
1985 йылда институт — Иркутск Халыҡ хужалығы институты филиалы статусын ала.
Иҫкәрмәләр
[үҙгәртергә | сығанаҡты үҙгәртеү]- Байкал дәүләт университеты Чита институты (филиалы) колледжы .
Байкад дәүләт университетының Чита институты биналары һәм ҡоролмалары
[үҙгәртергә | сығанаҡты үҙгәртеү]Юғары уҡыу йорто Чита ҡалаһы биләмәһендә бер нисә адрес буйынса урынлаша:
- 672000, Байкал аръяғы крайы, Чита ҡалаһы, Лермонтов урамы, 12;
- 672000, Байкал аръяғы крайы, Чита ҡалаһы, Анохин урамы, 56
- 672000, Байкал аръяғы крайы, Чита ҡалаһы, Кустарный тыҡырығы, 1;
- 672000, Байкал аръяғы крайы, Чита ҡалаһы, Нерчин урамы, 17.
Университеттың структураһы[2]
[үҙгәртергә | сығанаҡты үҙгәртеү]Финанс-иҡтисади факультет
[үҙгәртергә | сығанаҡты үҙгәртеү]- Мәғлүмәт технологиялары һәм юғары математика кафедраһы;
- Донъя иҡтисады, эшҡыуарлыҡ һәм гуманитар дисциплиналар кафедраһы;
- Финанстар һәм идара итеү кафедраһы.
Юридик факультет
[үҙгәртергә | сығанаҡты үҙгәртеү]- гражданлыҡ һәм енәйәт хоҡуҡиәте һәм процесы кафедраһы;
- Теория, тарих һәм дәүләт-хоҡуҡи дисциплиналар кафедраһы
Башҡалар
[үҙгәртергә | сығанаҡты үҙгәртеү]- Сит ил телдәре кафедраһы
- Физик культура һәм спорт кафедраһы
Подразделениелары
[үҙгәртергә | сығанаҡты үҙгәртеү]- ↑ ЧИ БГУ: Читинский институт (филиал) Байкальского государственного университета на Поступи Онлайн. Дата обращения: 3 декабрь 2020.
- ↑ Структура и органы управления образовательной организацией | Читинский институт. Дата обращения: 3 декабрь 2020.
Әҙәбиәт
[үҙгәртергә | сығанаҡты үҙгәртеү]- Л. К. Малакшанов, Базарын Блдбаатар. Себер буйынса диплом менән йәшәй. — Иркутск: изд-во БГУЭП, 2009. — 111 б.
- Малакшанов Л. К., Щербакова Н. И. Беҙ бөтә БГУЭП тыуған. — Иркутск: изд-во БГУЭП, 2008. — 80 с.