Бикбулатов Мостафа Шаһинур улы

Википедия — ирекле энциклопедия мәғлүмәте
Перейти к навигации Перейти к поиску
Бикбулатов Мостафа Шаһинур улы
Тыуған көнө 1903
Сәйәси фирҡә ағзаһы Советтар Союзы Коммунистар партияһы

Бикбулатов Мостафа Шаһинур улы (1903−?) — ВЛКСМ-дың Башҡортостан өлкә комитетының беренсе секретары (19271929).

Бикбулатов Мостафа Шаһинур улы 1903 йылда Өфө кантоны Удель-Дыуан улусының (хәҙер Мишкә районы[1]) Янағош ауылында тыуған. Удель-Дыуан улусы 1930 йылға тиклем ғәмәлдә була.

1926 йылдан алып — коммунистар партияһы ағзаһы. 1924−1925 йылдарҙа — Бөрө кантоны Йәш пионерҙар бюроһының инструкторы, артабан — бюро рәйесе, 1925−1926 йылдарҙа Бикбулатов ВЛКСМ-дың Бөрө кантонының ойоштороу бүлеге мөдире булып эшләй.

1926—1927 йылдарҙа йәш пионерҙар өлкә бюроһының рәйесе. 1927 йылдың май айында ВЛКСМ-дың Башҡортостан өлкә комитетының яуаплы секретары итеп һайлана, был вазифаны 1929 йылдың март айына тиклем биләй.

1929—1929 йылдарҙа ВКП(б)-ның Өфө ҡала — район комитетының яуаплы секретары булып эшләй[2].

Ҡулъяҙма хоҡуғында баҫтырылып сығарылған «Командно-начальствующий состав Черноморского флота и массовые репрессии в 1937—1938 г.г.» (авторы Горохов В. В.)[3] исемле китабының 9-сы ҡушымтаһында (246 бит) Бикбулатов Мостафа Шаһинур улы телгә алына — өлкән политрук, СЭЦ (социаль-иҡтисади дисциплиналар) уҡытыусыһы, 1937 йылда сәйәси мотивтар буйынса репрессияланған (эштән сығарылған) тигән мәғлүмәт бар. Бикбулатов М. Ш. ЛКСМУ исемендәге Хәрби-диңгеҙ училищеһында хеҙмәт иткән булып сыға. 1934 йылдың 10 июлендә Хәрби-диңгеҙ артиллерия училищеһына ЛКСМУ (Украина йәштәренең Ленин коммунистик союзы) исеме бирелә)[4]. 1936 йылдың ғинуарында училище атамаһынан артиллерия һүҙе төшөрөлөп ҡалдырыла. СЭЦ уҡытыусылары партаппарат вәкилдәре һәм бер үк ваҡытта рота политруктары булалар.

Артабанғы яҙмышы билдәһеҙ.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]