Варжанаули күпере

Википедия — ирекле энциклопедия мәғлүмәте
Перейти к навигации Перейти к поиску
Варжанаули күпере
Дәүләт Flag of Georgia official.svg Грузия
Мираҫ статусы Культурные памятники национального значения Грузии[d]
Варжанаули күпере

Варжанаули күпере - Грузияның Кобулети муниципалитетындағы Варжанаули ауылындағы күпер.

Географияһы[үҙгәртергә | вики-тексты үҙгәртергә]

Күпер Грузияның Аджария Автономниялы Республикаһы төбәгендә, муниципалитет үҙәге Кобулетиҙан 20 километр ғына алыҫлыҡта урынлашҡан, Кинтриши йылғаһы аша һалынған.

Тасуирламаһы[үҙгәртергә | вики-тексты үҙгәртергә]

Күпер ярайһы ҙур, киң, бейек. Ул ҡаяташтарға ултыртып, тәбиғи ташҡа эзбизлы иҙелмә һылап, дуғаландырып төҙөлгән. Таштар тигеҙ итеп юнылып, бер-береһенә вертикаль рәүештә беркетеп һалынған , улар шундай ныҡ береккән, хатта монолит киҫәктән һалынған кеүек тойола.

Шул уҡ ваҡытта күперҙең конструкцияһы бик еңел кеүек тойола, нәфис һыҙатланышлы.Бик төҙөк пропорциялы. Тирә-яҡтағы тәбиғәт мөхитендә матурлыҡ тыуҙыра, бер бөтөнлөк хасил итә һәм ҡарарға килгән кешеләрҙә яҡшы тәьҫир ҡалдыра.

Күперҙең үҙ горизонталь оҙонлоғо 14,6 м, тигеҙ ергә төшкәнсе дөйөм оҙонлоғо 28,1 м, уртаһындағы киңлеге - 2,6 м, ярҙан күпергә күтәрелгән убасығы - 3,5 м.

Күперҙең аркаһының бейеклеге һыу кимәленән - 7,9 м, күперҙең өҫтөнә сыҡҡансы - 8,6 м.

2008 йылда күперҙә консервация эштәре башланған.

Ҡомартҡы[үҙгәртергә | вики-тексты үҙгәртергә]

2006 йылда ил президенты указы менән Грузияның милли әһәмиәткә эйә күсемһеҙ мәҙәниәт ҡомартҡылары реестрына индерелгән [1].

Шулай уҡ ҡара[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

Сығанаҡтар[үҙгәртергә | вики-тексты үҙгәртергә]

  • Кахидзе А., Мамуладзе Ш., Археологические памятники Аджарии, Tb., 2016, с. 112