Дауалаусы Пантелеимон сиркәүе (Глубокий)

Церковь Пантелеимона Целителя
	Православие ғибәҙәтханаһы
	Церковь Пантелеимона Целителя
	Сиркәү 2017 йылда; Сиркәү 2017 йылда
Ил	Рәсәй
Ҡасаба	Глубокий
Конфессия	Православие
Епархия	Шахты һәм Миллерово епархияһы. Каменский мәнфәғәте.
Бина тибы	кирбес
Бөгөнгө хәле	эшләй

Дауалаусы Пантелеимон сиркәүе (Пантелеимон сиркәүе) — Ростов өлкәһе Глубокий ҡасабаһындағы православие сиркәүе. Ул Шахты һәм Миллерово епархияһы Каменск мәнфәғәтенә ҡарай^[1].

История

Революцияға тиклем ҡасабала икенсе сиркәү булған, һуңыраҡ сиркәү торған Иванково утары Глубокий ҡасабаһы менән тоташып берләшкән. 1888 йылда Иванковола Пантнелеимон сиркәүе төҙөлгән һәм изгеләндерелгән. Сиркәү алдындағы майҙан Сиркәү майҙаны тигән атаманы йөрөткән, шунда уҡ баҙар ҙа булған^[2]. Сиркәү һәм уның ҡыңғырауҙар манараһы ағастан һалынған, улар икеһе лә тимер башлы булған. Ғибәҙәтханала өс тәхет: төп (урта) тәхет — Великомученик Пантелеимон тәхете, көньяғында — Архангел Михаил һәм төньяғында — Изге Николай тәхете булған^[3].

Октябрь революцияһынан һуң Иванковолағы сиркәү емертелгән. Уның урынында башта кинотеатр, һуңыраҡ «Олимп» спорт комплексы урынлашҡан. Совет осоронда мәхәллә ҡасабаның бер урынынан икенсе урынына бер нисә тапҡыр күсерелгән. Һуңынан табыныу йорто өсөн шәхси йортта даими урын тапҡандар. 1985 йылдың 1 сентябрҙә Ростов һәм Новочеркасск митрополиты Владимир Указы менән мәхәллә башлығы итеп иерей (хәҙер — протоиерей) Анатолий Сахно тәғәйенләп ҡуйылған . СССР тарҡалғандан һуң бәләкәй табыныуҙар йортон сиркәүгә әйләндереп төҙөргә рөхсәт иткәндәр. Сиркәүҙә төҙөлөш эштәре башланып киткән, ул ун йыл дауамында барған. Ғибәҙәтхана йорто тыш яҡтан кирбес менән көпләнгән һәм өҫтө күтәртелеп, унда көмбәҙ яһағандар. Сиркәүҙең ҙур булмаған аш бүлмәһе, хужалыҡ ҡоролмалары менән ишек алды бар.

Адресы: Ростов өлкәһе, Каменский районы, Глубокий эшселәр ҡасабаһы, Щаденко урамы , 81-се йорт. Был сиркәүҙә Афон иконалары бар^[4].

Руханийы— протоиерей Анатолий Сахно^[5]