Ишбулатов Рөстәм Хажиәхмәт улы

Википедия — ирекле энциклопедия мәғлүмәте
Перейти к навигации Перейти к поиску
Рөстәм Ишбулатов
Ишбулатов Рөстәм Хажиәхмәт улы.png
Эшмәкәрлек төрө:

хәрби эшмәкәр

Тыуған көнө:

29 октябрь 1905({{padleft:1905|4|0}}-{{padleft:10|2|0}}-{{padleft:29|2|0}})

Тыуған урыны:

Өфө губернаһы, Өфө өйәҙе, Өйҙөрәкбаш ауылы

Вафат булған көнө:

18 апрель 1938({{padleft:1938|4|0}}-{{padleft:4|2|0}}-{{padleft:18|2|0}}) (32 йәш)

Вафат булған урыны:

билдәһеҙ

Атаһы:

Ишбулатов Хажиәхмәт Исхаҡ улы

Әсәһе:

Бибизәйнәп Камалбай ҡыҙы

Ишбулатов Рөстәм Хажиәхмәт улы (документтарҙа рус. Ижбулатов Рустем Ахметович; 29 октябрь 1905 йыл — 18 апрель 1938 йыл) — хәрби эшмәкәр. Ҡара диңгеҙ флотының һыу аҫты кәмәләре дивизионы командиры. 3-сө ранг капитаны.

Биографияһы[үҙгәртергә | вики-тексты үҙгәртергә]

Рөстәм Хажиәхмәт (Әхмәт) улы Ишбулатов1905 йылдың 29 октябрендә Өфө губернаһы Өфө өйәҙе (хәҙерге Башҡортостан Республикаһы Благовар районы) Өйҙөрәкбаш ауылында Ишбулатов Хажиәхмәт Исхаҡ улы ғаиләһендә тыуған. Милләте — башҡорт[1].

Хәрби-диңгеҙ училищеһына уҡырға керә һәм уны 1928 йылда тамамлай.

1934 йылда Севастополь Юғары диңгеҙ команда училищеһын тамамлай.

3-сө ранг капитаны званиеһын ала. Артабан Ҡара диңгеҙ хәрби флотында «Париж Коммунаһы» (рус. «Парижская Коммуна») флагман һыу аҫты кәмәһе башлығындағы һыу аҫты кәмәләре дивизионы менән командалыҡ иткән. Уның экипажы Ҡара диңгеҙ хәрби флоты һынауҙарында еңеү яулаған.

1937 йылдың 21 сентябрендә, армия һәм флотта барған «таҙартыуҙар» барышында, Рөстәм Ишбулатовты 1936 йылдан «хәрби-фашист заговорында» ҡатнашыуҙа һәм «һыу аҫты кәмәләренең хәрби әҙерләүҙә емергес эш алып барыуҙа» ғәйепләйҙәр һәм ҡулға алғандар. СССР Юғары Судының Хәрби Коллегияһы РСФСР Енәйәт кодексының 58-1 «б», 58-8 һәм 50-11 статьялары буйынса уны атыуға, хәрби званиеһынан мәхрүм ителеүгә һәм милкен конфискациялауға хөкөм итә. 1938 йылдың 18 апрелендә атыла. 1967 йылдың 6 июлендә аҡлана.

Ғаиләһе[үҙгәртергә | вики-тексты үҙгәртергә]

Атаһы — Ишбулатов Хажиәхмәт Исхаҡ улы (1851—1921), генерал-майор, Башҡорт айырым корпусы командующийы, 1-се Башҡорт пехота дивизияһы начальнигы.

Әсәһе — Бибизәйнәп, Бохара сауҙагәре Камалбай Ядгаровтың ҡыҙы.

Ағаһы — Сәйетгәрәй (1904—1983), Бөйөк Ватан һуғышында ҡатнашыусы, Өфө моторҙар эшләү заводы хеҙмәткәре.

Һеңлеһе — Миәссәр (1907—1964), Мәскәү медицина институтының ике курсын тамамлай, Ҡырымда йәшәй, 1926 йылда Башҡортостанға ҡайта.

Иҫкәрмәләр[үҙгәртергә | вики-тексты үҙгәртергә]

  1. Книга памяти Республики Башкортостан

Һылтанмалар[үҙгәртергә | вики-тексты үҙгәртергә]