Әбдрәшитов Йәғәфәр Мөхәрәм улы

	Йәғәфәр Мөхәрәм улы ; Әбдрәшитов
Тыуған көнө	30 ноябрь 1949 (75 йәш)
Тыуған урыны	Башҡорт АССР-ы, Мәләүез районы, Яңауыл ауыл
Ил	СССР, Россия
Эшләгән урыны	Башҡорт дәүләт университетының З. Биишева исемендәге Стәрлетамаҡ филиалы директоры
Альма-матер	Өфө нефть институты
Ғилми дәрәжәһе	техник фәндәр докторы
	«Өлгөлө хеҙмәт өсөн» миҙалы
	Шаблон: просмотр • обсуждение • править

Википедияла Әбдрәшитов фамилиялы башҡа кешеләр тураһында мәҡәләләр бар.

Әбдрәшитов Йәғәфәр Мөхәрәм улы (30 ноябрь 1949 йыл) — ғалим-инженер‑технолог, хужалыҡ, юғары мәктәп һәм дәүләт эшмәкәре. 1989—2011 йылдарҙа «Каустик» һәм «Полиэф» йәмғиәттәренең генераль директоры, 2011—2017 йылдарҙа Башҡорт дәүләт университетының Стәрлетамаҡ филиалы директоры, бер үк ваҡытта 2011 йылдан — химия һәм химик технологиялар кафедраһы мөдире. Башҡортостан Республикаһының 1-се һәм 2-се саҡырылыш Дәүләт Йыйылышы — Ҡоролтай депутаты. Техник фәндәр докторы (1998). Рәсәй Федерацияһының (1994) һәм Башҡорт АССР-ының (1990) атҡаҙанған химигы. СССР Министрҙар Советы премияһы лауреаты (1989), Дуҫлыҡ ордены (1999) кавалеры.

Биографияһы

Йәғәфәр Мөхәрәм улы Әбдрәшитов 1949 йылдың 30 ноябрендә Башҡорт АССР-ының Мәләүез районы Яңауыл ауылында тыуған.
1978 йылда Өфө нефть институтын тамамлай.
1971—2001 йылдарҙа Стәрлетамаҡ ҡалаһының «Каустик» ябыҡ акционерҙар йәмғиәтендә эшләй, 1989 йылдан генеральный директор.
2001 йылдан алып Благовещен ҡалаһындағы «Полиэф» асыҡ акционерҙар йәмғиәтенең генеральный директоры.
2011 йылдан алып Башҡорт дәүләт университетының З. Биишева исемендәге Стәрлетамаҡ филиалы директоры.

Башҡортостан Республикаһының 1-се һәм 2-се саҡырылыш Дәүләт Йыйылышы — Ҡоролтай депутаты.

Ғилми эшмәкәрлеге

Фәнни-етештереү эшмәкәрлеге винилхлорид, эпихлоргидрин етештереү менән бәйле. Й. М. Әбдрәшитов етәкселегендә «Каустик» ябыҡ акционерҙар йәмғиәтендә суспензион поливинилхлорид алыу процесы үҙләштерелә, дихлорэтан, трихлорэтилен, хлороформ, хлорпарафин, аллилхлорид етештереү технологиялары эшләнә, юғары эҫелектә ҡайнаусы ыҫмалалы, ҡаты ҡалдыҡтарҙы ҡайтанан эшкәртеүҙең яңы процестары индерелә. Й. М. Әбдрәшитов 40-тан ашыу фәнни-хеҙмәт һәм 50 уйлап табыу авторы.

Маҡтаулы исемдәре һәм башҡа бүләктәре

Рәсәй Федерацияһының атҡаҙанған химигы (1992);
БАССР-ҙың атҡаҙанған химигы (1990);
СССР Министрҙар Советы премияһы лауреаты (1989);
Дуҫлыҡ ордены (1999)

Һылтанмалар

Әбдрәшитов Йәғәфәр Мөхәрәм улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 25 ноябрь 2021)