Лога (парк)

«Лога» паркы
«Лога» паркы
	; Паркка инеү урыны
Төп мәғлүмәт
Нигеҙләнгән ваҡыты	2012 йылда
	logapark.ru
Урынлашыуы
	48°21′06″ с. ш. 40°17′43″ в. д.HGЯO
Ил	Рәсәй Федерацияһы;
РФ субъекты	Ростов өлкәһе
[[административ бүленеше Рәсәй\|Район]]	Каменский районы
	«Лога» паркы
	«Лога» паркы
	Лога Викимилектә

«Лога» паркы — Ростов өлкәһенең Иҫке Станица утарындағы ландшафтлы парк. Исемен Лога тар күленән алған, ул уның һыу баҫа торған туғайында урынлашҡан.

Тарихы һәм эшмәкәрлеге

Ростов өлкәһенең Каменский районында урынлашҡан «Престиж-Холдинг» лак-буяу предприятиеһы хужаһы — эшҡыуар Сергей Александрович Кушнаренко, Иҫке Станица утары эсендә (ҡоролоҡло дала ерендә) «Лога» ландшафтлы паркын («Бәләкәй Швейцария» тигән рәсми булмаған исем алған) төҙөй^[1]. Был парк хәҙерге баҡса-парк сәнғәте өлгөһө булып тора. 2012 йылда^[2] в элекке утар сүплеге урынында европа стилендә төҙөлгән. Башта 16 гектар территорияны биләй, аҙаҡ майҙан 22 гектарға тиклем киңәйтелә^[2], унда йөҙҙән артыҡ скульптура, йорт ҡуяны өңө, боҙоп күрһәткән көҙгөләр, таштар баҡсаһы, күперҙәр һәм беседкалар, һыу тирмәне, йылға, күл, шарлауыҡтар, тере боландар, аҡҡоштар, тауистар, ағастар һәм сәскәләрҙең күп төрҙәре урынлашҡан^[3].

Парк хәҙерге ваҡытта ла үҫеүен дауам итә — уның территорияһы киңәйә, яңы ландшафт объекттары төҙөлә, ресторандар һәм кафе төҙөлә, аквапарк һәм ҡунаҡханалар төҙөү планлаштырыла. 2013 йылда парк территорияһында Преподобный Сергий Радонежский православие ҡорамын төҙөү башлана, 2015 йылда төҙөлөп бөтә. 2016 йылда паркта Ростов өлкәһе губернаторы Голубев Василий Юрьевич була^[4], ул паркка ярҙам һәм М4 «Дон» автомобиль трассаһынан уға айырым юл төҙөүҙе вәғәҙә итә^[5].

Парк тәүлек әйләнәһенә эшләй, автомобиль парковкаһы бар. Паркка инеү «Дон» трассаһынан автомобиль юл саты аша Иҫке Станицаға күрһәткесе буйынса үтә.