П. Е. Осипенко исемендәге урам (Таганрог)

П. Е. Осипенко исемендәге урам Таганрог
П. Е. Осипенко исемендәге урам, 2013 й.
Дөйөм мәғлүмәтТаганрогРостов өлкәһеРәсәй
Ил	Рәсәй
Төбәк	Ростов өлкәһе
Ҡала	Таганрог
Район	Таганрог металлургия заводы
Элекке исемдәре	Межевая урамы, Сиверс урамы
Оҙонлоғо	900 м
Почта индексы	347905
картала
Яндекс. Картала
Карта Google-да

П. Е. Осипенко исемендәге урам — Таганрог ҡалаһындағы Таганрог металлургия заводы районындағы урам.

Географияһы

Островский урамы һәм Завод урамы араһында урынлашҡан. Оҙонлоғо 900 м. Өйҙәргә номерҙар ҡуйыу Островский урамынан башлана.

Тарихы

Башта П. Е. Осипенко исемендәге урам Межевой урамы тип атала, сөнки был урам генерал-лейтенант, Таганрог нығытмаһының 3-сө коменданты Иван Петрович Касперов һәм сәнәғәтсе, Таганрог күн заводына нигеҙ һалыусыларҙың береһе булған Иван Амвросиевич Скараманганың ер биләмәләре сиге буйлап үткән. Ҡаланың был райондары XIX быуат аҙағында металлургия һәм күн заводтары эшселәре тарафынан төҙөлгән. Ул райондар шулай тип аталалар ҙа — Касперовка һәм Скараманговка.

Урам көнсығыштан «Колонка» тип аталған районды сикләп тора, унда 1896 йылда төҙөлгән коттедждарҙа металлургия заводының бельгия инженерҙары ғаиләләре йәшәгән.

П. Е. Осипенко исемендәге урамда металлургия заводы янындағы сквер, «металлургия заводы эшселәренең полиция менән бәрелеш урыны булараҡ», тарихи мираҫ булып тора һәм мәҙәни мираҫ объекттары дәүләт реестрына индерелгән.

1920-се йылдарҙа Межевая урамы ҡыҫҡа ғына ваҡыт араһында ҡыҙыл командир Рудольф Сиверс исемен йөрөтә

Урамға Таганрог металлургия заводы директоры, Социалистик Хеҙмәт Геройы Павел Ефимович Осипенко исеме 1998 йылдың декабрендә бирелә. Урам башында П. Е. Осипенко хөрмәтенә иҫтәлекле таҡта ҡуйылған.

П. Е. Осипенко исемендәге урамда күп фатирлы йорттар һәм металлургтарҙың торлаҡ йорттары, шулай уҡ Таганрог ҡалаһы эске эштәр идаралығының 3-сө полиция бүлеге (П. Е. Осипенко исемендәге урам, 64) урынлашҡан.

Иҫтәлекле урындары

• Һәләк булған металлургтарға һәйкәл. Завод урамы һәм П. Е. Осипенко исемендәге урам мөйөшө.
  
• В. И. Ленинисемендәге мәҙәниәт һәм техника һарайы. Завод урамы һәм П. Е. Осипенко исемендәге урам мөйөшө.
  
• «1905 йыл революцияһы иҫтәлегенә һәйкәл». Завод урамы һәм. П. Е. Осипенко исемендәге урам мөйөшө
• 1-се йәшерен большевиктар комитеты урынлашҡан йорт — П. Е. Осипенко исемендәге урам, 42.