Сепидруд

Википедия — ирекле энциклопедия мәғлүмәте
Перейти к навигации Перейти к поиску
Сепидруд
Нигеҙләү датаһы 1968
Дәүләт Flag of Iran (1964–1980).svg Иран
Лигала уйнай Iran Football's 2nd Division[d]
Домашний стадион Shahid Dr. Azodi Stadium[d]
Спорт төрө Футбол
Хужаһы Карими, Али[d]
Рәсми сайт sepidroodclub.com
Commons-logo.svg Сепидруд Викимилектә

Сепидруд Решт СК(фарс. باشگاه فوتبال سپیدرود رشت) — Ирандың Гилян провинцияһы үҙәге Решт ҡалаһының футбол клубы. Команда өйҙәге матчтарын яҡынса 15 000 тамашасыны һыйҙырған Джангала Сардар стадионында үткәрә[1]. 2017 йылдан алып клуб Ирандың Про-лигаһында сығыш яһай.

Тарих[үҙгәртергә | вики-тексты үҙгәртергә]

«Сепидруд Решт» төньяҡ Ирандың иң боронғо һәм Решт ҡалаһының беренсе спорт клубы, уға 1968 йылда нигеҙ һалына. Йылға Решт ҡалаһынан бер нисә саҡрымда аҡҡан Сефидруд йылғаһының исеме спорт клубына бирелә. Команда 1979 йылғы Ислам революцияһынан һуң бер нисә тапҡыр 1983, 1986 һәм 2003 йылдарҙа Гилян провинция лигаһының чемпионы була.

2010 йылдың 15 майында «Сепидруд Решт» 11 йыл эсендә беренсе тапҡыр Азадеган лигаһында сығыш яһау хоҡуғы ала, ләкин ошо уҡ йыл миҙгелендә үҙ төркөмөндә һуңғы урынды биләй һәм кире Икенсе дивизионға сыға[2]. 2013/14 миҙгелдә команда уйындан сығыу финишы зонаһында була һәм Өсөнсө дивизионға китергә тейеш була, әммә клуб шул уҡ Гилян провинцияһының «Ленгерудтан Шахрдари» клубы лецензияһын һатып ала, шулай итеп клуб Икенсе дивизионында тороп ҡала. 2016 йылда «Сепидруд Решт» финалда еңә һәм алты йыл үткәс үҙенең Азадеган-лигаһына кире ҡайта[3].

Команда 2016/17 чемпионатында бик яҡшы старт ала, турнирҙың беренсе яртыһынан һуң лидер булып тора. Унан алдағы турҙа «Сепидруд Решт» ҡунаҡта үҙенең төп дәғүәсеһе булған «Гол Гохарҙан» еңелә[4] һәм Про-лигаға сығырға хоҡуҡ биргән икенсе урынын хәүеф аҫтына ҡуя. Әммә һуңғы турҙа «Сепидруд Решт» өйҙәге ярышта «Нассаджи Мазандаранды» еңә һәм 49 йыл эсендә беренсе тапҡыр үҙ тарихында Ирандың төп лигаһына инә[5].

Бөтә был уңыштар ике йыл эсендә Икенсе дивизиондан Про-лигаға күсеүҙе команда Решт ҡалаһында тыуған баш тренер Али Назармохаммади етәкселеге аҫтында башҡара, әммә 2017 йыл аҙағында «Сепидруд Решт» яңынан лиганан сығыу зонаһына эләгә, шунлыҡтан баш тренер эштән сығарыла. 2018 йылға уның вазифаһынан Али Кәрими биләй, ул клубты дебют сезоны йомғаҡтары буйынса түбән төшөрөүҙән һаҡлап ҡала. Клуб Азадеган лигаһында үҙ урынында ҡала. Шул уҡ йылдың июлендә Кәримиҙе Ходадад Азими алмаштыра, ләкин ай ярымдан һуң Кәрими элекке вазифаһына кире ҡайта.

Ҡаҙаныштар[үҙгәртергә | вики-тексты үҙгәртергә]

  • Азадеган лигаһы:
    • 2 урын (1): 2016/17

Символикаһы[үҙгәртергә | вики-тексты үҙгәртергә]

Үҙенең нигеҙләнгән ваҡытынан алып « Сепидруд Решт» аҡ һәм ҡыҙыл төҫтәр ҡуллана. Үҙ көйәрмәндәре араһында ул Ҡыҙыл армия тигән исем йөрөтә.

Дәғүәселәре[үҙгәртергә | вики-тексты үҙгәртергә]

«Сепидруд Рештың» иң принципиаль дәғүәсеһе — шул уҡ Гилян провинцияһының «Малаван» клубы.«Малаван» һәм «Сепидруд» йәки «Дамаш» алыштарын йыш ҡына Эль Гиляно тип йөрөтәләр.

Сығыштар тарихы[үҙгәртергә | вики-тексты үҙгәртергә]

Миҙгел Лига Урын Иран Кубогы
2005/06 Икенсе дивизион 5 2 раунд
2006/07 13
2007/08 3
2008/09 4
2009/10 2nd
2010/11 Азадеган Лигаһы 14-е 4 раунд
2011/12 Икенсе дивизион 10-сы 1 раунд
2012/13 4
2013/14 12- 4 раунд
2014/15 2
2015/16 1
2016/17 Азадеган Лигаһы 2
2017/18 Про-лига 13 Өсөнсө раунд
2018/19

Иҫкәрмә[үҙгәртергә | вики-тексты үҙгәртергә]

  1. Sardar Jangal Stadium. soccerway. 6 ноября 2018 тикшерелгән.
  2. Azadegan League. 2010/2011. Group B.. soccerway. 6 ноября 2018 тикшерелгән.
  3. جدول ليگ دو (جام آزادگان)لیگ دسته دو مرحله ۲ گروه ۲. iranleague.ir. 6 ноября 2018 тикшерелгән.
  4. Gol Gohar 3–2 Sepidrood. soccerway. 6 ноября 2018 тикшерелгән.
  5. Sepidrood 3–2 Nassaji Mazandaran. soccerway. 6 ноября 2018 тикшерелгән.

Һылтанмалар[үҙгәртергә | вики-тексты үҙгәртергә]