Стәрлетамаҡ — Белорет трактындағы әбей батша күперҙәре

	Ташкүпер
	; Кәтеринә күперенең таш нигеҙе
	Географик координаталар: 54°42′36″ с. ш. 55°57′17″ в. д.HGЯO
Файҙаланыу өлкәһе	Автомобилдәр һәм; йәйәүлеләр өсөн
Киҫешә	Оло Нөгөш
Урынлашыу урыны	Бөрйән районы Берәтәк ауылы
Эксплуатация
Асылыу ваҡыты	1769

Ташкүпер (Әбей батша күпере, Кәтерина күпере) — Башҡортостан Республикаһының Бөрйән районы Берәтәк ауылы эргәһендә Оло Нөгөш йылғаһы аша һалынған күпер. Ул Екатерина II осоронда Стәрлетамаҡ — Белорет трактында (халыҡ телендә «Екатерина юлы») XVIII быуатта төҙөлгән күперҙәрҙең береһе.

Төҙөлөү тарихы

Берәтәк ауылы менән Ишембай районының Һәйет ауылы араһында ике күпер бар: береһе ағастан (1975 йылда яңынан төҙөлә), икенсеһе таштан. Таш күпер тәү төҙөлгән килеш тиерлек һаҡланған һәм әле лә сафта.

Күперҙәрҙең төҙөлөү тарихы тураһында:

Брәтәк ауылы Белорет — Стәрлетамаҡ трактында урынлашҡан. Был бик боронғо юл. Был юл халыҡ телендә «Екатерина юлы» тип тә йөрөтөлә. Юл һалыу тарихы Әүжән-Петровск заводы менән бәйле булырға тейеш. Берг-коллегияның 1753 йылдың 16 ноябрендәге указына ярашлы Әүжән йылғаһы буйында купец К. Матвеев тарафынан заводҡа нигеҙ һалына. 1755 йылда завод эшләй башлай. Ҡағы заводы 1769 — йылда Демидов тарафынан төҙөтөлә. Егәҙе ауылы һәм заводы 1890 йылда барлыҡҡа килә

, — тип яҙа Вәли Ғүмәров^[1].

Катерина юлы, күперҙәр тураһында викидәреслектән уҡығыҙ^[2]

Шулай уҡ ҡарағыҙ

Фотолар

Кәтеринә күперенең таш нигеҙе
Оло Нөгөш аша Кәтерина күпере

Сығанаҡтар

Таң гәзите. 2013 йыл, 5 март, шишәмбе, № 27 (9505) (Рафаэль Атауллин. Брәтәк ауылы)
Ғүмәров В. Ғ.Брәтәк ауылы тарихы

Иҫкәрмәләр

[1] Брәтәк ауылы тарихы

[2] Катерина юлы, Таш күпер (Бөрйән районы)

[1]

[2]