Текучёв урамы
Дондағы Ростов | |
| Дөйөм мәғлүмәт | |
|---|---|
| Ил |
Рәсәй |
| Төбәк |
Ростов өлкәһе |
| Ҡала | |
| Район |
Пролетарский, Киров, Ленин, Октябрь |
| Элекке исемдәре |
Унынсы урам |
|
картала | |
Текучев урамы — Дондағы Ростовтың иң мөһим магистралдәренең береһе, ҡаланың дүрт районы буйлап үтә[1][2].
Тарихы[үҙгәртергә | сығанаҡты үҙгәртеү]
XX быуат башында «Унынсы урам» тигән исем аҫтында ҡала ситендәге Яңы ауылда барлыҡҡа килә. «Бөтә Дондағы Нахичевань һәм Ростов» белешмәһендә 1914 йылда был урам тураһында мәғлүмәттәр килтерелә — ул Яңы ауылда Беренсе тыҡрыҡтан башлана һәм Никольск тыҡрығы (хәҙерге Халтуринский) янында тамамлана; йорттар бында йоп яғында ғына бар[3].
1908 йылдың сентябрендә Нахичевань сиге эргәһендә (хәҙерге ваҡытта бында Театр проспекты үтә) инженер-технолог П. Ф. Горбачев (1902—1905 йылдарҙа ҡала Башлығы) тарафынан төҙөлгән мал һуйыу урыны барлыҡҡа килә (бөгөн — «Тавр» ит комбинаты). Тыуған яҡты өйрәнеүсе һәм тарихсы А. М. Ильиндың «Дондағы Ростов ҡалаһы тарихы» китабында, 1914 йылғы «Ҡыҫҡа мәғлүмәттәр» бүлегенең береһендә былай тип әйтелә: «Ростовтың 1906—1909 йылдарҙа төҙөлгән, мал һуйыу буйынса бөтә технологик ҡоролмалары һәм ҡулайламалары, ит һаҡлау өсөн һыуытҡыстары булған, өлгөлө мал һуйыу урыны бар…» «Дондағы Ростовтың Бельгия аноним йәмғиәте Ҙур проспекттағы трамваяй юлын оҙайтырға вәғәҙә итә…»
1946 йылда Унынсы урам Ростов халыҡ ополчениеһы полкы ротаһы политругы Текучев Василий Петрович хөрмәтенә (1904—1944) уның исеме менән атала. Ул Дондағы Ростовҡа килеп ингән ерҙәге һуғыштарҙа батырлыҡ күрһәтә. Кавказ өсөн барған һуғышта яралана, 1944 йылдың июлендә Белоруссияны азат итеү өсөн барған һуғышта һәләк була.
.jpg)
1960-сы йылдарҙа Гагарин майҙанынан ҡаланың көнсығышына, XX быуат аҙағына тиклем эшләгән тағы бер трамвай юлы һалына.
Әлеге ваҡытта урам Дондағы Ростов өсөн мөһим транспорт әһәмиәткә эйә. Уның буйынса һәр ваҡыт Таганрогтан, аэропорт яғынан, Төньяҡ торлаҡ массивтан, Ленин проспектынан һәм кирегә автомобилдәр ағымы туҡтамай. Бигерәк тә урамдың автобус һәм троллейбус маршруттары киҫешкән Гагарин майҙаны участкаһындағы өлөшөндә көсөргәнешле. Темерник йылғаһын һәм тимер юлды киҫеп үткән Текучев автомобиль күпере бар[4].
Текучев урамында урынлашҡан:
- Ростов ипподромы
- Йәһүд-татар зыяраты
Иҫкәрмәләр[үҙгәртергә | сығанаҡты үҙгәртеү]
- ↑ Текучева улица на карте г.
- ↑ Улица Василия Текучёва (бывшая Десятая) 2016 йыл 17 сентябрь архивланған.
- ↑ Улица Текучева
- ↑ ТЕКУЧЕВСКИЙ МОСТ, РОСТОВ-НА-ДОНУ. 2017 йыл 25 февраль архивланған.