Троицк татар-башҡорт педагогия училищеһы

Троицк татар-башҡорт педагогия училищеһы (Троицк татар-башҡорт педагогия техникумы) — 1920—1960 йылдарҙа Троицк ҡалаһында урынлашҡан уҡыу йорто.

Тарихы

1920 йылда Троицк ҡалаһында татар-башҡорт педагогия техникумы булараҡ асыла. Ул элекке «Рәсүлиә» мәҙрәсәһенең бинаһында урынлаша.

1930-сы йылдар уртаһында Троицк татар-башҡорт педагогия училищеһы тип үҙгәртелә. Ошо уҡ бинала Троицк мәктәпкәсә педагогия училишеһы урынлашҡан^[1].

1953/54 уҡыу йылында училищеның көндөҙгө бүлегенең 9 төркөмөндә 242 кеше белем алған. Тағы ла 49 студент ситтән тороп уҡыу бүлегендә (шул иҫәптән 6 кеше урта мәктәп нигеҙендәге айырым төркөмдә) уҡыған. Был осорҙа 25 уҡытыусы эшләгән, шуларҙың 14-е — юғары, 4-еһе — тамамланмаған юғары һәм 7-һе урта белемгә эйә булған. Бынан тыш икеһе «атҡаҙанған уҡытыусы» маҡтаулы исемен йөрөткән^[1].

Дәрестәр 9 кабинетта алып барылған, бынан башҡа уҡытыусылар бүлмәһе һәм физик культура залы булған. Шулай уҡ уҡыу корпусының 6 бүлмәһе ятаҡ өсөн файҙаланылған, ятаҡ өсөн 72 кеше иҫәпләнгән айырым бина ла булған. 1955/56 уҡыу йылында ике ятаҡта 160 студент йәшәгән. Был осорҙа училище ҡарамағындағы китапханала 15644 дана китап булған^[1].

1953/54 уҡыу йылынының башында училищела 30 кешегә иҫәпләнгән уҡыу оҫтаханаһы төҙөлгән^[1].

Ситтән тороп уҡыу бүлегендә Силәбе өлкәһе һәм Башҡорт АССР-ының район һәм ҡалалары милли мәктәптәренең уҡытыусылары, тәрбиәселәре, пионервожатыйҙары белем алғандар. Был бүлектә уҡыусыларҙың һаны кәмеү сәбәбе менән ул 1955 йылдың 1 февралендә ябыла^[1].

1956 йылда училище икенсе бинаға күсерелә, ә 1960 йылда ябыла.

Иҫкәрмәләр

↑ ^1,0 ^1,1 ^1,2 ^1,3 ^1,4 Моргунов К. А. Состояние национального образования в Чкаловской и Челябинской областях в 1940–1950-е годы / Этнокультурный и межконфессиональный диалог в Урало-Поволжском полиэтничном пространстве: исторический опыт и современность // Материалы Всероссийской научно-практической конференции. — Оренбург: Издательский центр ОГАУ, 2012. — С. 110. — 224 с. — ISBN 978-5-88838-775-7.

[Моргунов-1] 1,0 ^1,1 ^1,2 ^1,3 ^1,4 Моргунов К. А. Состояние национального образования в Чкаловской и Челябинской областях в 1940–1950-е годы / Этнокультурный и межконфессиональный диалог в Урало-Поволжском полиэтничном пространстве: исторический опыт и современность // Материалы Всероссийской научно-практической конференции. — Оренбург: Издательский центр ОГАУ, 2012. — С. 110. — 224 с. — ISBN 978-5-88838-775-7.

[1]