Фәлсәфәүи психология
| Фәлсәфәүи психология | |
 Фәлсәфәүи психология Викимилектә |
Фәлсәфәүи психология — кеше «психе»һын (бор. грек ψυχή — душа) һәм шәхесен эмпирик, клиник һәм теоретик ҡарашҡа нигеҙләнеп, төрлө яҡлы өйрәнеү. Был дисциплина, танып белеүҙең был формалары нигеҙендә ятҡан этик һәм дини традицияларын да үҙ эсенә алып,[1] Фәлсәфәүи антропологиия һәм теологик антропология элементтарын берләштерә. Фәлсәфәүи психологияны 1963 йылда булдырылған һәм хәҙерге ваҡытта 500-ҙән ашыу ағзанан торған «Теоретик һәм фәлсәфәүи психология йәмғиәте» исеме аҫтындағы Америка Психология Ассоциацияһының 24-се бүлеге (Society for Theoretical and Philosophical Psychology)[2] үҫтерә. Был дисциплина сиктәрендә психологик теориялар, шулай уҡ фән һәм фәлсәфәнең үҙ-ара йоғонтоһо менән бәйле мәсьәләләр өйрәнелә һәм тикшерелә[3]. Америка Психология Ассоциацияһының 24-се бүлегенә төрлө психологик субдисциплиналар вәкилдәре инә. Уларҙы фән фәлсәфәһенә һәм психологияға ҡыҙыҡһыныу берләштерә. Теоретик һәм фәлсәфәүи психология йәмғиәте кварталға бер үҙенең «The Journal of Theoretical and Philosophical Psychology» фәнни журналын сығара. Был журналдағы баҫмалар психология сиктәрендә онтологик эпистемологик, этик һәм тәнҡит темаларына ҡағылалар[4]. Фәлсәфә һәм психология фәненең үҙ-ара йоғонтоһона бәйле мәсьәләләр, шулай уҡ дисциплина-ара «Philosophical Psychology» (йылына 6 тапҡыр сыға) журналында яҡтыртыла. Психологтар һәм философтарҙан тыш, уның авторҙары һәм уҡысылары булып лингвисттар, биологтар, социологтар, антропологтар, психиатрҙар, иҫәпләү техникаһы һәм нейрофән[5].белгестәре тора
Иҫкәрмәләр[үҙгәртергә | сығанаҡты үҙгәртеү]
- ↑ Craig Steven Titus. Philosophical Psychology: Psychology, Emotions, and Freedom. Catholic University of America Press (инг.)баш., 2009. ISBN 0977310361, ISBN 9780977310364
- ↑ Chamberlin, Jamie. Think again. A new book by Div. 24 members challenges its readers to critique psychology’s long-held assumptions. Monitor Staff. February 2005, Vol 36, No. 2. Print version: page 82.
- ↑ Society for Theoretical and Philosophical Psychology / American Psychological Association
- ↑ What is the Society for Theoretical and Philosophical Psychology? 2012 йыл 12 август архивланған.
- ↑ Philosophical Psychology 2019 йыл 3 июль архивланған.
