Ҡатын-ҡыҙҙар гимназияһы (Пирятин)

Википедия — ирекле энциклопедия мәғлүмәте
Перейти к навигации Перейти к поиску
Ҡатын-ҡыҙҙар гимназияһы
Рәсем
Дәүләт Flag of Ukraine.svg Украина
Административ-территориаль берәмек Пирятин[d]

Пирятинда ҡатын-ҡыҙҙар гимназияһы — белем биреү учреждениеһы Полтава өлкәһенең Пирятин ҡалаһында 1907 йылда асыла. Ҡатын-ҡыҙҙар гимназияһы бинаһы беҙҙең көндәргә тиклем һаҡланып ҡалған һәм Бородино урамында урынлашҡан, ҡоролманың хәҙерге адресы —Красноармейская, 2а[1][2][3]. Хәҙер унда 4-се һанлы дөйөм белем биреү мәктәбе урынлашҡан[4].

Тарихы[үҙгәртергә | вики-тексты үҙгәртергә]

1907 йылдың 1 сентябрендә Пирятинда ҡатын-ҡыҙҙар гимназияһы эш башлай, унда өс башланғыс һәм бер әҙерлек класы була[1][2][5].

Ваҡыт үтеү менән учреждение 8 класс уҡытыуға балалар ҡабул итә башлай. Һуңғы клас педагогия класы була. Башта гимназия эше өсөн биналар ҡуртымға алына, ә 1914 йылда Бородин урамындағы ике ҡатлы бинаны файҙаланалар, хәҙерге адресы Красноармейская урамы, 2а. Гимназияла яҡты иркен бүлмәләр, спорт залы, физика кабинеттары, китапхана була. Гимназиляа уҡыусылар өсөн фатирҙар ҡаралған. Учреждениеның эшенә хөкүмәт, губерна земствоһы аҡса бүлгән. Уҡыусылар 50 йәки 75 йәки 120 һум йыллыҡ түләү индергән. 1917 йылға ҡарата ҡатын-ҡыҙҙар гимназияһында 434 ҡатын-ҡыҙ уҡыған. Былар дворяндарҙың, почетлы граждандарҙың, чиновниктарҙың, руханиҙарҙың казактарҙың ҡыҙҙары булған. Шулай уҡ мещандарҙың, сауҙагәрҙәрҙең һәм крәҫтиәндәрҙең ҡыҙҙары ла уҡыған. Гимназияла уҡытылған предметтар араһында педагогика, рәсем, әҙәбиәт, Алла ҡанундары, тарих, география, ҡул эштәре, йыр, математика, физика, гимнастика, рус, немец, француз телдәре уҡытылған. Күп уҡыусылар, сифатлы белем алып, уны тамамлағандан һуң Пирятин мәктәптәрендә уҡытыусы булып эшләгән[1][2].

Гимназия бинаһы XIX быуатта төҙөлгән[6].

Пирятин ҡатын-ҡыҙҙар гимназияһы дәүләт белем биреү учреждениеһына ҡараған[7].

Пирятинда егетәргә белем биреү гимназияһы ҡатын-ҡыҙҙар гимназияһынан һуң тик алты йыл үткәс кенә асыла[8].

1989 йылдан Красноармейская урамы, 2а адресы буйынса 4-се һанлы Пирятин дөйөм белем биреү мәктәбе урынлашҡан[9].

Иҫкәрмәләр[үҙгәртергә | вики-тексты үҙгәртергә]