Ҡаһирә университеты
| Ҡаһирә университеты | |
 | |
| Исеме |
ғәр. جامعة القاهرة |
|---|---|
| Элекке исеме |
Мысыр университеты |
| Асылған йылы | |
| Тип |
дәүләт |
| Студенттар |
яҡынса 200 000 |
| Урынлашыуы | |
| Сайт | |
Ҡаһирә университеты (ғәр. جامعة القاهرة Gāmiʿat al-Qāhirah; элек Мысыр университеты һәм Фоат университеты) — Мысырҙа европа тибындағы иң элекке университет. Ғәрәп донъяһында иң элекке донъяуи университеттарының береһе булып тора[1]; Әл-Әзһәр университетынан һуң илдең икенсе юғары уҡыу йорто.
Университет составына 20 факультет һәм бер нисә институт керә. Бында яҡынса 200 мең студент белем ала, 12 меңдән ашыу уҡытыусы уҡыта.
Тарихы
[үҙгәртергә | сығанаҡты үҙгәртеү]
Мысыр милли фәнни эшмәкәрҙәр булышлығы менән 1908 йылдың 21 декабрендә шәхси университет булдырыла[1]. Бөйөк Британия уның асыуына ҡамасаулауы билдәле[1]. Был университет ғәрәп донъяһында европа тибындағы тәүге юғары уҡыу йорттарының береһе булып тора, быға тиклем бында дини уҡыу йорттарына өҫтөнлөк бирелә (айырым әйткәндә Ҡаһирәлә Әл-Әзһәр университеты эшләгән).
Университеттың тәүге ректоры колониализмға ҡаршы хәрәкәт эшмәкәре Әхмәт Лотфи Әл-Сәйет була. 1925 йылда дәүләт университеты итеп үҙәгртелә һәм халыҡ мәғарифы министрлығына буйһондорола. Уға король Фоат I исеме бирелә. 1952 йылдан хәҙерге исемен йөрөтә.
Филиалдары
[үҙгәртергә | сығанаҡты үҙгәртеү]1938 йылда Искәндәриә ҡалаһында университеттың филиалы асыла, ул 1942 йылда айырым университет итеп үҙәртелә. 1955 йылда университет филиалы Судандың баш ҡалаһы Хартумда, ә 1962 йылда — Әл-Мансур ҡалаһында асыла.
Бүлектәре
[үҙгәртергә | сығанаҡты үҙгәртеү]
Хәҙерге ваҡытта университет составында 20 факультет һәм бер нисә институт бар:
- Инженерия факультеты
- Медицина факультеты
- Компьютер һәм информацион системалар факультеты
- Фармацевтика факультеты
- Ауыл хужалығы факультеты
- Тәбиғи фәндәр факультеты
- Иҡтисад һәм политология факультеты
- Киң коммуникациялар факультеты
- Археология факультеты
- Сәнғәт факультеты
- Коммерция факультеты
- Махсуслаштырылған мәғариф факультеты
- Шәфҡәт туташы эше факультеты
- Юридик факультет
- Физиотерапия факультеты
- Стоматология факультеты
- Ветеринария медицинаһы факультеты
- Дар Әл-Улум факультеты
- Мәктәпкәсә беле биреү факультеты
- Статистика институты
- Африканистика институты
- Яман шеште тикшереү милли институты
- Региональ һәм граждан планлаштырыу факультеты
- Мәғарифты өйрәнеү институты
- Лазер технологиялары милли институты
- Асыҡ мәғариф үҙәге
Университет ҡарамағында Суэцта Океанография институты, Хургадала биологик станция, Хелуанда астрономик обсерватория һ.б. эшләй.
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 1,2 http://mgimo.ru/upload/iblock/006/00658000be266fc8d4304150c0aba16f.doc 2016 йыл 18 сентябрь архивланған.
Һылтанмалар
[үҙгәртергә | сығанаҡты үҙгәртеү]
|
Ҡаһирә университеты Викимилектә |
|---|