Әмирханова Фаягөл Тимербай ҡыҙы

Әмирханова Фаягөл Тимербай ҡыҙы
Зат	ҡатын-ҡыҙ
Гражданлыҡ	Рәсәй
Тыуған көнө	27 ғинуар 1964({{padleft:1964|4|0}}-{{padleft:1|2|0}}-{{padleft:27|2|0}}) (60 йәш)
Тыуған урыны	Ишембай районы
Һөнәр төрө	уҡытыусы

Әмирханова Фаягөл Тимербай ҡыҙы (урыҫ. Амирханова Фаягуль Тимербаевна) (тыу. 1964 йыл, 27 ғинуар) – педагог, педагогик хеҙмәт ветераны, Башҡортостан Республикаһының Мәғариф алдынғыһы (2000 йыл), Башҡортостан Республикаһының атҡаҙанған уҡытыусыһы (2016 йыл), йәмәғәт эшмәкәре.

Биографияһы

Әмирханова Фаягөл Тимербай ҡыҙы Ишембай районы Ҡарайған ауылында 1964 йылдың 27 ғинуарында ябай колхозсы ғаиләһендә донъяға килә. 1981 йылда Ишембайҙағы 2-се интернат-мәктәпте (хәҙерге Ә.Вәлиди исемендәге 2-се Башҡорт гимназия-интернаты) тамамлағас, 1981 – 1986 йылдарҙа Башҡорт дәүләт университетының филология факультетында уҡый. Педагогик хеҙмәт юлын Ишембай ҡалаһы менән бәйләй,

Хеҙмәт эшмәкәрлеге

1986-1992 йылдар — Ишембай ҡалаһының 11-се мәктәбе;

1992-2005 йылдар — Ишембай ҡалаһының 15-се мәктәбе;

2005-2013 йылдарҙа Республика кадет мәктәп-интернаты;

2013 йылдан Әхмәтзәки Вәлиди исемендәге Башҡорт гимназия-интернаты. .

Хеҙмәттә өлгәшкән ҡаҙаныштары

• "Башҡорт теле һәм әҙәбиәте йыл уҡытыусыһы - 2000" регион-ара конкурсы лауреаты (2000);

• "Башҡорт теле һәм әҙәбиәте йыл уҡытыусыһы - 2016" регион-ара конкурсының абсолют еңеүсеһе ( 2016);

• Мәскәү ҡалаһында уҙған туған тел (шул иҫәптән рус теле) уҡытыусыларының Бөтә Рәсәй конкурсында "Уҡытыусы-оҫта" номинацияһы еңеүсеһе (2016);

.

• 2009, 2017 йылдарҙа “Мәғариф” өҫтөнлөклө милли проекты сиктәренә уҙғарылған "Рәсәй Федерацияһының иң яҡшы уҡытыусылары" конкурсының Грантына лайыҡ була;

• 2007, 2016, 2022 йылдарҙа "Иң яҡшы башҡорт һәм рус телдәре уҡытыусылары" конкурсыһы еңеүсеһе булараҡ, Башҡортостан Республикаһы Хөкүмәтенең дә Грантына лайыҡ була;

• 2016 йылдың 19-21 авгусында Мәскәү ҡалаһында Рәсәй Федерацияһының Премьер-министры Д.А.Медведев ҡатнашлығында үткән Бөтөн Рәсәй педагогтарының Август кәңәшмәһендә ҡатнаша.

Маҡтаулы исемдәре һәм башҡа бүләктәре

• Башҡортостан Республикаһының Мәғариф алдынғыһы (2000 йыл),

• Башҡортостан Республикаһының атҡаҙанған уҡытыусыһы (2016 йыл);

• “Башҡортостан Республикаһының 100 йыллығы” айҡанлы юбилей миҙалы (2018 йыл, мәғариф өлкәһендә өлгәшкән уңыштары өсөн);

• Рәсәй Федерацияһының Мәғариф һәм фән министрлығы Дипломы (2013 йыл);

• Башҡортостан Республикаһы Башлығының Рәхмәт Хаты (“Мәғариф өлкәһендә оҙаҡ йылдар намыҫлы хеҙмәте һәм башҡорт теле һәм мәҙәниәтен, йола һәм ғөрөф-ғәҙәттәрен һаҡлау һәм үҫтереүҙә тос өлөш индергәне өсөн”) (2021);

• Башҡортостан Республикаһы Башлығының Рәхмәт Хаты (2020 йыл);

Уҡыусыларын башҡорт теле һәм әҙәбиәте, Башҡортостан тарихы һәм мәҙәниәте буйынса үткәрелгән регион-ара олимпидаларға, фәнни-ғәмәли, фәнни-эҙләнеү конференцияларына, конкурстарға уңышлы әҙерләгәне өсөн төрлө кимәлдәге Маҡтау грамоталарына һәм Рәхмәт хаттарына лайыҡ була:

• Башҡортостан Республикаһының Мәғариф һәм фән министрлығының Рәхмәт хаттары (2019, 2020, 2021 йылдар) (“2018/2019 уҡыу йылында “Башҡорт теле” предметы буйынса Бөтә Рәсәй уҡыусыларының олимпидаһында абсолют еңеүсе әҙерләгәне һәм һәләтле балалар менән эшләүҙә юғары профессионализмы, ижади ҡарашы өсөн");

• Башҡорт дәүләт университетының башҡорт филологияһы, шәрҡиәт һәм журналистика факультетының Рәхмәт хаты.

Китабы һәм матбуғатта баҫылған мәҡәләләре

• Әмирханова Ф.Т. “Башҡорт теле һәм әҙәбиәте дәрестәрен федераль дәүләт белем биреү стандарттарына ярашлы уҡытыу”. - Өфө: БР МҮИ нәшриәте, 2016. - 96 бит.

“Башҡортостан уҡытыусыһы” журналында донъя күргән мәҡәләләре:

• Ислам - иман сығанағы. /"Башҡортостан уҡытыусыһы”. - 1995, № 5.- 40-43-сө бб
• "Ноғман Мусиндың таң менән сыҡ юлдарға" романынан "Кәбир" өҙөгөн өйрәнеү."Башҡортостан уҡытыусыһы". - 1999, № 12. - 40-42-се бб
• "Башҡортостан - минең йөрәгем" (Рәми Ғариповтың "Башҡортостан" шиғырын анализлау / "Башҡортостан уҡытыусыһы". - 2005, № 7. - 42-43-сө бб.
• «Кеше күңеле диңгеҙ бит ул…» (З. Биишеваның «Мөхәббәт һәм нәфрәт» хикәйәтен анализлау/ "Башҡортостан уҡытыусыһы". - 2006. № 10.- 41-43-сө бб.
• Р. Өмөтбаевтың «Әмир баҫыуы» хикәйәһен өйрәнеү/"Башҡортостан уҡытыусыһы" журналы. - 2008. - № 2. - 16-17-се бб.
• Хәл ҡылымдарҙың телмәрҙәге роле /"Башҡортостан уҡытыусыһы" журналы. - 2015. № 4.- 7-9-сы бб.
• Әҙәбиәтте өйрәнеү – халҡыбыҙҙы һаҡлап ҡалыу юлы /"Башҡортостан уҡытыусыһы" журналы, 2016. - № 12.- 41-43-сө бб.
• Шағир менән осрашыу. /"Башҡортостан уҡытыусыһы" журналы.- 2022. - № 6, 38-41-се бб.

* Ф. Т. Тимербаева Ишембай районының "Торатау" гәзите менән әүҙем хеҙмәттәшлек итә.

Ф.Т.Әмирханованың тәжрибәһе төрлө конференция материалдарында, уҡытыу ҡулланмаларында ла донъя күрә:

• Мәскәү ҡалаһындағы Мәғарифты үҫтереү федераль институты үткәргән “Бөтөн Рәсәй туған телдәр (шул иҫәптән рус теле) уҡытыусылары конкурсы”нда күрһәтелгән видеодәрес һылтанмаһы: https://www.youtube.com/watch?v=i51JZt_l5M4.

• Әҙәбиәткә юл – халҡыбыҙҙы һаҡлауға ла юл. “Хәҙерге белем биреү процесы һәм башҡорт теле һәм әҙәбиәтен уҡытыу мәсьәләләре”. Бөтә Рәсәй фәнни-методик конференция материалдары. - Өфө: БДУ.- 2016. - 445-447-се бб.

• Милли мәктәптә Н.Мусин әҫәрҙәрен өйрәнеү. “Ноғман Мусин: Евразия киңлегендә үҙ-ара мәҙәни диалог. Башҡортостан Республикаһының Халыҡ яҙыусыһы Ноғман Мусиндың 85 йәшенә арналған Бөтә Рәсәй (халыҡ-ара ҡатнашлыҡта) ғилми-мәҙәни конференция материалдары”. - Өфө: “Аэрокосмос һәм ноосфера” МҮ, 2016. - 27-31-се бб.

• Региональ-ара “Ғарипов уҡыуҙары” форумы: “Заманса технологиялар ҡулланылған иң яҡшы башҡорт теле һәм әҙәбиәте дәресе” номинацияһы еңеүсеһе. - Өфө, 30.12.2021й.

Әмирханова Ф.Т. оҙаҡ йылдар мәктәп уҡыусыларын Республика кимәлендә үткәрелгән "Урал батыр" эпосын яттан һөйләүсе йәш сәсәндәр конкурсына әҙерләй. Йылдан-йыл коллегалары менән бергә конкурстың эпосты сәхнәләштереү һәм башҡа турҙары буйынса еңеүсе һәм призер командалар әҙерләй. Ә конкурстың төп туры – мәшһүр эпосты һөйләүселәр турында Ф. Әмирханованың Гран-при яулаған дүрт уҡыусыһы бар:Төхвәтуллин Ислам (2013), Хисмәтуллина Гөлфруз (2016), Шәрипова Гөлсәсәк (2018) һәм Шәрипова Ғәлиә (2022). Башҡорт теле һәм әҙәбиәтенән төбәк-ара олимпиаданың йомғаҡлау этабы еңеүселәре: Хисмәтуллина Гөлфруз (2016й.), Әйүпова Гөлдәр, Сәғәҙиева Ләйсән (2018й.), Шәрипова Гөлсәсәк (2020й.), Шәрипова Ғәлиә, Ниғәмәтуллина Элиза (2022й.), Ниғәмәтуллина Элиза (2023й.).

Ижтимағи эшмәкәрлеге

Фаягөл Тимербай ҡыҙы байтаҡ йылдар “Башҡорт телендә халыҡ-ара диктант” яҙыу акцияһында әүҙем ҡатнаша: диктант яҙыуҙар ойоштора, аудиторияларҙа диктант тексын уҡый, шулай уҡ акцияла ҡатнашыусыларҙың эшен тикшереү комиссияларында ла эшләй. 2019, 2021 йылдарҙа “Башҡорт телендә халыҡ-ара диктант” яҙыу акцияһын ойоштороуҙа әүҙем ҡатнашҡаны өсөн Башҡортостан Республика Башлығының Рәхмәт хаттары менән, Башҡортостан Республикаһының Мәғариф һәм фән министрлығының “Башҡорт телендә халыҡ-ара диктант” халыҡ-ара мәғариф акцияһында эксперт комиссияһы составында актив эшләгәне өсөн” Рәхмәт хаты менән бүләкләнә.

Сығанаҡтар

• Миңзифа Илтенбаева. Йыл уҡытыусыһы конкурсынан. - Башҡортостан, 2000 йыл, 22 март.

• Мөнир Ҡунафин. Йыл уҡытыусыһы лауреаттары.Йәшлек. - 2000 йыл, 18 март.

• Таңсулпан Ибраһимова. Һомай кеүек ҡыҙҙар беҙ, Урал кеүек улдар беҙ. - Йәншишмә, 2016 йыл, 27-се һан, 8 июль.

• Хәйруллина Яҙгөл. Туған теле һөйөүе беҙгә күсә. - Йәншишмә, 2022 йыл, 7-се һан, 18 февраль.

• Эльвира Әлмөхәмәтова. Ишембайҙар үҙ мөғәллимдәре менән ғорурлана. - Торатау, 2007 117-се һан, 9 октябрь.

• Эльвира Әлмөхәмәтова.“Урал батыр” конкурсында йәнә Ишембай йәштәре исеме яңғыраны. - Торатау, 2014 йыл, 54-се һан, 2 июль.

• Резеда Әхмәтгәрәева. Эпосты иң яҡшы һөйләүселәр – Ишембайҙар! - Торатау, 2017 йыл, 32-33-сө һан, 25 апрель.

• Гөлсәсәк Шәрипова. Бөтәбеҙ ҙә миллионер булдыҡ. - Йәншишмә, 2017 йыл,16-сы һан, 21 апрель.

• Резеда Шәңгәрәева. Уҡытыусылар һынауҙы “5”-кә үтте”. - Торатау, 2016 йыл, 14-се һан, 19 февраль.

• Гөлназ Халиҡова. Берҙәм һәм көслө булыуыбыҙҙы раҫланыҡ. - Торатау, 2016 йыл, 27-се һан, 5 апрель.

• Эльвира Әлмөхәмәтова. Гран-при – Ишембай егетендә. - Торатау, 2013 йыл, 76-сы һан, 2 июль.