Әхмәр ауылы бәйете

Әхмәр ауылы бәйете
	Әхмәр ауылы бәйете
Әҫәрҙең теле	башҡортса‎
Нәшер ителеү ваҡыты	2023

«Әхмәр ауылы бәйете» (урыҫса: «Баит деревни Ахмер») — башҡорт халыҡ бәйете. XVIII—XIX быуаттарҙа башҡорттарҙың уңдырышлы һәм төрлө ҡаҙылма байлыҡтарына бай ерҙәрен хәйләләп һатып алыу тураһындағы халыҡтың ауыҙ-тел ижадының социаль-тарихи йүнәлештәге өлгөһө^[1].

Тарихы

Был ауыҙ-тел ижады өлгөһө бик аяныслы хәлдә ҡалған халыҡ бәләһенә ябай ауыл кешеләренең уй-фекерен асып һала. Бәйеттә аҫаба башҡорт ерҙәрен сит-яттарға бик арзан ғына хаҡҡа һатҡан ауыл аҡһаҡалдары ҡарата тәнҡит һүҙҙәре әйтелә.

Бәйет 19 ..й. Башҡортостандың Баймаҡ районында Мөхәмәҙи Янбаевтан яҙып алынған^[1].

Тәүге тапҡыр 1995 йылда «Китап» нәшриәтендә сыҡҡан фольклорсы Риф Сөләймәнов төҙөгән йыйынтыҡта донъя күрә.

Әхмәр ауылы бәйете

Бик шәп өрә Ирәндектең ел-дауылы,

Сирек сәйгә ерен һатҡан Әхмәр ауылы,

Килә икән сит ерҙәрҙән Виктор Павлы,

«Хәҙер был ер — беҙҙеке бит», — тиерҙәр инде.

Ҡорт саҡҡандыр шул ҡарттарҙың бармағына,

Һатҡандар бит Сонтор үҙәк тамағын да.

Ашап-туйып сумғас ерҙәрҙең ҡаймағына,

Ахырында, зәм-зәм һыуы, тиерҙәр инде.^[1]

Иҫкәрмәләр

↑ ^1,0 ^1,1 ^1,2 Риф Сулейманов. Жемчужины народного творчества Урала. Уфа. Китап.1995. Т.8000/стр.248

Һылтанмалар

Әҙәбиәт

Риф Сулейманов. Жемчужины народного творчества Урала/Уфа. Китап/1995/стр.248/страницы: 64, 184/ББК 85.92.

.

[Әхмәр_ауылы_бәйете-1] 1,0 ^1,1 ^1,2 Риф Сулейманов. Жемчужины народного творчества Урала. Уфа. Китап.1995. Т.8000/стр.248

[1]