Alipay

Википедия — ирекле энциклопедия мәғлүмәте
Перейти к навигации Перейти к поиску
Alipay
Логотип
Нигеҙләү датаһы 2004
Нигеҙләүсе Джек Ма[d]
Хужаһы Ant Financial[d]
Штаб-фатирҙың урынлашыуы Шанхай
Рәсми сайт alipay.com
Commons-logo.svg Alipay Викимилектә

Alipay (ҡыт. 支付宝) — Alibaba Group компанияһы составындағы эре түләү системаларының береһе. 2004 йылда нигеҙләнгән. Төркөм эсендә Alibaba Group тәҡдим иткән продукттар өсөн хисаплашыу тормошҡа ашырыла, уны шулай уҡ 460 меңдән ашыу башҡа компания ла файҙалана[1]. Компанияла заказ хаҡын тура кеҫә телефонынан түләү системаһы эшләнә, шулай уҡ Ҡытайҙың эре кәрәҙле элемтә операторҙарының береһе булған China Unicom менән хеҙмәттәшлек тураһында договор төҙөлә[2][3].

2009 йылдың 6 июленә ҡарата теркәлгән ҡулланыусылар һаны — 200 миллиондан, көндәлек әйләнеш 700 миллион юандән ашып китә[4].

2010 йылдың декабренә ҡарата Alipay түләү системаһында 550 миллион ҡулланыусы теркәлгән, тәүлек һайын 8,5 миллион самаһы транзакция үткәрелә, аҡса эквивалентында ул 385 миллион доллар тәшкил итә. 2011 йыл йомғаҡтары буйынса, электрон түләүҙәр юҫығында Alipay түләү системаһының өлөшө 50 проценттан аша, был яҡынса 46 миллиард долларға тиң.

Alipay 65 финанс ойошмаһы менән хеҙмәттәшлек итә, улар араһында — Visa һәм MasterCard түләү системалары, China Post почта сервисы, China Unicom кәрәҙле элемтә операторы, донъяның һәм төбәктең эре банктары.

Alipay түләү системаһы 2017 йылдың 1 ғинуарынан AliExpress[5] клиенттарын хеҙмәтләндереүҙе туҡтата. 30 АҠШ долларына тиклемге суммалар купонға күсерелә, уларҙы 1 йыл эсендә тотонорға мөмкин була. 30 АҠШ долларынан ашып киткән суммаларҙы эйәһенең банк счетына ҡайтарырға тәҡдим ителә. Бындай ҡайтарыуҙарҙың һәр береһенән минималь комиссия йыйымы кәм тигәндә 15 АҠШ доллары тәшкил итә.

Һылтанмалар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]