Кинйәкәев Әхтәм Рәхмәтулла улы

Кинйәкәев Әхтәм Рәхмәтулла улы
	Кинйәкәев Әхтәм Рәхмәтулла улы
	рус. Ахтям Рахматуллович Кинзикеев; татар. Әхтәм Кинҗәкәев
Зат	ир-ат
Гражданлыҡ	СССР; Рәсәй
Тыуған көнө	1 ғинуар 1922
Тыуған урыны	Бүздәк, Бәләбәй өйәҙе, Өфө губернаһы, РСФСР
Вафат булған көнө	18 ғинуар 2017 (95 йәш)
Һөнәр төрө	ғалим
Эш урыны	ӨДНТУ; Рәсәй дәүләт нефть һәм газ университеты; Гомельский государственный университет имени Франциска Скорины[d]; Октябрҙең 40 йыллығы исемендәге Башҡорт дәүләт университеты
Уҡыу йорто	Рәсәй дәүләт нефть һәм газ университеты
Ғилми дәрәжә	геология-минералогия фәндәре докторы[d]
Маҡтаулы исемдәре һәм башҡа бүләктәре

Кинйәкәев Әхтәм Рәхмәтулла улы (1 ғинуар 1922 йыл — 18 ғинуар 2017 йыл) — ғалим-нефтсе-геолог. Бөйөк Ватан һуғышында ҡатнашыусы. Башҡортостан Республикаһы Фәндәр академияһының мөхбир ағзаһы (1991), геология-минералогия фәндәре докторы (1965), профессор (1969), БАССР-ҙың атҡаҙанған фән эшмәкәре (1982).

Биографияһы[үҙгәртергә | сығанаҡты үҙгәртеү]

Әхтәм Рәхмәтулла улы Кинйәкәев^[1] 1922 йылдың 1 ғинуарында Өфө губернаһы Бәләбәй өйәҙенең Бүздәк ауылында (Башҡортостан Республикаһының Бүздәк ауылы) тыуа.

1951 йылда И. М. Губкин исемендәге Мәскәү нефть институтын тамамлай.

Эш урындары: Өфө нефть институтының өлкән уҡытыусыһы (1951—1956); Татар нефть ғилми-тикшеренеү институтының лабораториялары мөдире (Бөгөлмә ҡалаһы, 1956—1967); И. М. Губкин исемендәге нефть химияһы һәм газ сәнәғәте институтының Татар киске факультетының декан урынбаҫары, деканы (Әлмәт ҡалаһы, 1967—1969); Гомель дәүләт университетының деканы, кафедра мөдире (1969—1973); Башҡорт дәүләт университетының кафедра мөдире (1973—1989), профессоры (1989 йылдан).

Кинйәкәевтең ғилми эшмәкәрлек йүнәлештәре: геология, геофизика. Ул Урал һәм Волга буйының нефтле, газлы, карбонатлы ултырмаларын тикшереү ысулдарын эшләй. Был палеозойҙың стратиграфияһын аныҡлаштырырға, яңы нефтле ҡатламдарҙы табырға мөмкинлек бирә.

Хеҙмәттәре[үҙгәртергә | сығанаҡты үҙгәртеү]

Кинйәкәев Әхтәм Рәхмәтулла улы — 220-ләп фәнни хеҙмәт һәм бер уйлап табыу авторы.

Методы комплексного исследования нефтеносности карбонатных отложений. М.: Недра, 1972.

Эффекты переменного гравитационного поля в капиллярах. Уфа: Гилем, 1997.

Литостратиграфическая характеристика палеозоя платформенного Башкортостана в связи с перспективами открытия залежей углеводородов карбонатных разрезах бездействующих скважин. Уфа: РИО БашГУ, 2005.

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

I дәрәжә Ватан һуғышы ордены (1985),
ике Ҡыҙыл Йондоҙ ордены (1944),
«Батырлыҡ өсөн» миҙалы (1943).

Иҫкәрмәләр[үҙгәртергә | сығанаҡты үҙгәртеү]

↑ КИНЗИКЕЕВ Ахтям (билдәһеҙ). Дата обращения: 2 февраль 2013. Архивировано 13 февраль 2013 года. 2013 йыл 13 февраль архивланған.

Әҙәбиәт[үҙгәртергә | сығанаҡты үҙгәртеү]

Кто есть кто в Республике Башкортостан. Уфа: Башкортостан, 1995

Һылтанмалар[үҙгәртергә | сығанаҡты үҙгәртеү]

Кинйәкәев Әхтәм Рәхмәтулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 28 декабрь 2021)
http://www.anrb.ru/blog/Item/229/15

[1] КИНЗИКЕЕВ Ахтям (билдәһеҙ). Дата обращения: 2 февраль 2013. Архивировано 13 февраль 2013 года. 2013 йыл 13 февраль архивланған.

[1]