Айб (мәктәп)

Айб
Нигеҙләү датаһы	2011
Менеджер/директор	Пахчанян, Арам Бенгурович[d]
Девиз тексы	իմա և արա
Дәүләт	Әрмәнстан
Административ-территориаль берәмек	Ереван
Уҡыусылар һаны	396
Рәсми сайт	aybschool.am
Айб Викимилектә

«Айб» мәктәбе (әрм. «Այբ» դպրոց) — Еревандағы уҡыу йорто. 2011 йылда «Айб» мәғариф фонды тарафынан асыла, үҙенең юридик статусы буйынса фонд (рәсми атамаһы «белем биреү үҙәге „Айб“ фонды») һәм хөкүмәткә ҡарамаған структура булып тора. Мәктәп менән етәкселекте Рубен Арутюнян етәкләгән Попечителлек советы тормошҡа ашыра. «Айб» мәктәбе — Әрмәнстандың дәүләткә ҡарамаған өлкәлә тәүге социаль проекты: уҡыусыларҙың 75 проценты йыл һайын стипендия ала (уҡыуға түләү өсөн компенсация). Мәктәп директоры Саакян Давид.

Тарихы һәм эшмәкәрлеге

«Айб» мәктәбе («Айб» мәғариф үҙәге) — «Айб» фондының иң күләмле проекттарының береһе. Ул Ереван ҡалаһының Арабкир ҡала административ округында 6.5 гектар майҙанды биләй. Адресы: Тбилиси шоссеһы урамы 11 / 11. Үҙәк өс баҫҡыслы система буйынса — башланғыс (1—4 кластар), урта (5—9 кластар) һәм өлкән мәктәп (10—12 кластар) буйынса белем алған 800 уҡыусыға иҫәпләнгән.

Белем биреү программаһы

«Айб» мәктәбендә уҡытыу «Арарат бакалавриат» 2021 йыл 13 июнь архивланған. ы мәғариф программаһы буйынса алып барыла.

«Арарат бакалавриат» 2021 йыл 13 июнь архивланған. ы — ул донъя стандарттарына тап килгән конкурент һәләтле уҡыу программаһы.

Программаның халыҡ-ара партнёры — Кембридж университетының һәм Лондон университет ы колледжының халыҡ-ара белем баһалау үҙәге.

Миссияһы

«Айб» мәктәбе белемле, юғары әхлаҡлы, үҙенең үҙенсәлеген һәм яуаплылыҡ тойғоһон белгән йәш быуын формалаштырыуҙы үҙенең миссияһы тип иҫәпләй.

Девизы

«Айб» мәктәбенең девизы — «Има ев АРА» / «Аңла һәм эшлә».

Был девизда (боронғо әрмән теленән тәржемә иткәндә «Аңла һәм эшлә») «Айб» мәктәбе философияһы дөйөмләштерелгән.

Архитектура

«Айб» үҙәге — үҙенең инфраструктураһы менән үҙенсәлекле ҙур булмаған ҡаласыҡ: мәктәп, фән һәм технологиялар үҙәге, фаблабом, сиркәү һәм аралашыу үҙәге, балалар баҡсаһы, спорт комплексы, йәшел зоналар һәм башҡалар. "Айб"тың башланғыс, урта һәм өлкән (дөйөм майҙаны 7000 квадрат метр) мәктәптәре заманса технологиялар менән йыһазландырылған. Алдағы йылдарҙа яңы бүлексәләр төҙөләсәк һәм файҙаланыуға тапшырыласаҡ. «Сторакет» архитектура студияһы менән булдырылған мәғариф ҡаласығының проекты һәм генераль планы раҫланған да инде. 2017 йылда яңы уҡыу йорто — В корпусы файҙаланыуға тапшырыла.

Проектлы уҡытыу

Уҡытыу проекты (Project-based learning) — Арарат бакалавриаты уҡыу планының (куррикулум белем биреү) мөһим үҙенсәлектәренең береһе. Ул махсуслаштырылған проект «эшләп уҡыйым» принцибына таянып эш итә. Уҡытыу моделе 2015 йылда «Айб» мәктәбендә индерелә.

Ошо форматҡа ярашлы уҡыусылар команда формалаштыра һәм йәмғиәт алдында торған реаль бурыстарҙы хәл итеүгә йүнәлтелгән ҙур масштаблы, оҙайлы проекттарҙы тормошҡа ашыра. Проекттарҙы тормошҡа ашырыу барышында уҡыусыларҙа бер нисә оҫталыҡ һәм күнекмәләре үҫешә: эшлекле фекерләү, яуаплылыҡ тойғоһо, команда эшенең күнекмәләре, ваҡыт менән идара итеү оҫталығы, эште планлаштырыу һәм уны өҫтөнлөктәргә ярашлы бүлеү һәм башҡалар.

Стипендия системаһы

«Айб» мәктәбе — мәғариф өлкәһендә хөкүмәткә ҡарамаған социаль проект. Ата-әсәләрҙең финанс мөмкинлектәренә ҡарамайынса барлыҡ уҡыусылар өсөн тигеҙ мөмкинлектәр булдырыу өсөн, "Айб"тың өлкән мәктәбендә стипендиялар системаһы эшләп килә. Йыл һайын "Айб фонды"нан өлкән мәктәп уҡыусыларының 75 проценттан ашыуы стипендия (уҡыу өсөн түләүгә компенсация) ала.

Һылтанмалар

• • Официальный сайт
  • Школа Айб
  • Школа будущего для Армении 2020 йыл 19 февраль архивланған.
  • 3 образовательных проекта, которые изменят будущее Армении 2020 йыл 11 ғинуар архивланған.