Байымов Хажиәхмәт Хаживәли улы

Байымов Хажиәхмәт Хаживәли улы
	Байымов Хажиәхмәт Хаживәли улы
Зат	ир-ат
Гражданлыҡ	СССР
Тыуған көнө	10 ғинуар 1950 (74 йәш)
Тыуған урыны	Ишембай районы, Башҡорт АССР-ы, РСФСР, СССР; Ҡарайған ауылы, Урман-Бишҡаҙаҡ ауыл Советы (Ишембай районы), Ишембай районы, Башҡорт АССР-ы, РСФСР, СССР
Һөнәр төрө	энергетик, сәйәсмән
Уҡыу йорто	Томск политехник университеты

Википедияла Байымов фамилиялы башҡа кешеләр тураһында мәҡәләләр бар.

Байымов Хажиәхмәт Хаживәли улы (рус. Баемов Хажиахмет Хаживалиевич; 10 ғинуар 1950 йыл) — муниципаль хеҙмәткәр, хужалыҡ эшмәкәре, инженер-механик, энергетик. Башҡортостан Республикаһының беренсе саҡырылыш (1995—1999) Дәүләт Йыйылышы — Ҡоролтай депутаты^[1]. Милләте — башҡорт.

Биографияһы

Хажиәхмәт Хаживәли улы Байымов 1950 йылдың 10 ғинуарында Башҡорт АССР-ының Ишембай районындағы Ҡарайған ауылында тыуған.

Юғары белемле — 1971 йылда Томск политехник институтын тамамлай.

Хеҙмәт юлын юғары уҡыу йортон тамамлаған 1971 йылда Иркутскиҙағы «Востокэнергоремонт» етештереү предприятиеһында мастер вазифаһында башлай, унда 1973 йылға тиклем эшләй.

1973—1975 йылдарҙа — Совет Армияһы сафында хеҙмәт итә.

1975—1984 йылдарҙа — Башҡортостан энергетика системаһында эшләй: Яңы Стәрлетамаҡ йылылыҡ-электр үҙәгендә (ТЭЦ) ҡаҙанлыҡ машинисы, өлкән машинист, смена начальнигы, начальник урынбаҫары була, йылылыҡ электр станцияһының ҡаҙанлыҡ-турбина цехы начальнигы итеп тәғәйенләнә. Яңы Стәрлетамаҡ йылылыҡ-электр үҙәге йылылыҡ менән тәьмин итеү ҡоролмаларын сафҡа индереүҙә, проект ҡеүәтенә тиклем еткереүҙә һәм уны үҙләштереүҙә ҡатнаша.

1985—1988 йылдарҙа Күмертау йылылыҡ-электр үҙәгендә баш инженер вазифаһында эшләй, артабан предприятиеның директоры итеп тәғәйенләнә. Күмертау йылылыҡ-электр үҙәгенең техник яҡтан ҡайтанан йыһазландырылыуын, ҡорамалын реконструкциялауҙы һәм модернизациялауҙы тормошҡа ашыра, шул арҡала уны файҙаланыуҙың ышаныслылығы һәм хәүефһеҙлеге арта, шартлы яғыулыҡтың сағыштырма ауырлығы 12 процентҡа кәмеүенә өлгәшелә.

1994—1997 йылдарҙа — Күмертау халыҡ депутаттарының ҡала советы рәйесе — ҡала хакимиәте башлығы^[2].

1997 йылдан — Башҡортостан Республикаһы буйынса «Башкиргосэнергонадзор» дәүләт энергетика күҙәтеүе территориаль идаралығы начальнигы^[3].

Йәмәғәт эшмәкәрлеге

1995 йылда Байымов Хажиәхмәт Хаживәли улы Күмертау ҡалаһы буйынса 17-се Күмертау һайлау округынан Башҡортостан Республикаһының беренсе саҡырылыш Дәүләт Йыйылышы — Ҡоролтай депутаты итеп һайланған, Дәүләт Йыйылышы Вәкилдәр Палатаһының Сәнәғәт, төҙөлөш, транспорт, элемтә, энергетика һәм эшҡыуарлыҡ буйынса комиссияһы рәйесе урынбаҫары булған. Был саҡырылыш 1999 йылға тиклем эшләгән^[4].

Шулай уҡ ҡарағыҙ

Башҡортостан Республикаһының 1-се саҡырылыш Дәүләт Йыйылышы — Ҡоролтай депутаттары

Иҫкәрмәләр

Сығанаҡтар

Парламентаризм в Башкортостане: история и современность. Документы и материалы / Сост. В. Г. Азнагулов, З. Г. Хамитова. — Уфа: Башкортостан, 2005. — Т. 2. — ISBN 5-8258-0204-5.

Һылтанмалар

«Шәхестәр» порталы

[1] Баемов Хажиахмет Хаживалиевич 2020 йыл 20 сентябрь архивланған.

[2] Из календаря — 2015: День рождения депутатского корпуса города Кумертау

[3] Баемов Хажиахмет Хаживалиевич 2020 йыл 20 сентябрь архивланған.

[4] Постановление Палаты Представителей Государственного Собрания РБ от 26.04.1995 N ПП-16 «Об утверждении состава Комитета Палаты Представителей Государственного Собрания Республики Башкортостан по промышленности, строительству, транспорту, связи, энергетике и предпринимательству» 2021 йыл 9 апрель архивланған.

[1]

[2]

[3]

[4]