Башҡорт полктары һәйкәле

Википедия — ирекле энциклопедия мәғлүмәте
Һәйкәл
Башҡорт полктары һәйкәле
Ил Рәсәй Федерацияһы
Урыны Башҡортостан, Сибай ҡалаһы
Нигеҙләнгән 2012 йыл
Бейеклеге 7,5 метр
Материал бронза

Башҡорт полктары һәйкәле1812 йылғы Ватан һуғышында ҡатнашҡан башҡорт полктарына бағышланған һәйкәл. Башҡортостан Республикаһы Сибай ҡалаһында урынлашҡан.

Рәсәйҙең 1812 йылғы Ватан һуғышында еңеүенә 200 йыл тулыуына арналған Башҡортостанда тәүге һәйкәл.

Тарихы[үҙгәртергә | сығанаҡты үҙгәртеү]

1812 йылғы Ватан һуғышы башланғас, башҡорттар тарафынан 20 полк ойошторолған, шуларҙың өсөһө хәҙер Сибай ҡалаһы урынлашҡан урында — Ҡарағайлы йылғаһының Төйәләҫкә ҡушылған ерҙә формалашҡан.

Башҡорт полктарына бағышланған һәйкәл 2012 йылдың 12 октябрендә тантаналы рәүештә асылған. Һәйкәлдең авторы – В. И. Кириллов етәкселегендәге ижади коллектив[1].

Һәйкәл Сибай ҡалаһының Таусылар проспекты менән Ф.Белов урамы киҫелешендәге скверға ҡуйылған.

Тасуирлама[үҙгәртергә | сығанаҡты үҙгәртеү]

Һәйкәл атҡа атланған башҡорт яугиры скульптураһынан ғибәрәт. Яугир ҡулында ян тотҡан.

Бронзанан яһалған һәйкәлдең бейеклеге — 3,5 метр. Ә ул ҡуйылған постаменттың бейеклеге 4 метр тәшкил итә. Постамент гранит менән йөҙләнгән, уға башҡорт һәм рус телдәрендә «1812 йылғы Ватан һуғышында ҡатнашҡан легендар Башҡорт полктарына бағышлана» тип яҙылған таҡтаташтар эленгән.

Галерея[үҙгәртергә | сығанаҡты үҙгәртеү]

Иҫкәрмәләр[үҙгәртергә | сығанаҡты үҙгәртеү]

  1. Рөстәм Хәмитов эш сәфәре менән Сибайҙа булды // Башҡортостан Республикаһы Башлығының рәсми сайты.

Әҙәбиәт[үҙгәртергә | сығанаҡты үҙгәртеү]