Болгария флагы

Болгария флагы
	Болгария флагы
Нигеҙләү датаһы	16 апрель 1879
Дәүләт	Болгария
Юрисдикция таралышы	Болгария
Жанр	Горизонталь өс буйлы флаг[d]
Соотношение сторон	5:3[d]
Төҫ	аҡ, йәшел һәм Ҡыҙыл төҫ
Һүрәтләнгән объект	поле[d]
	Болгария флагы Викимилектә

Болгария флагы — дәүләт символдарының береһе, яҡтары 3:5 булған дүртмөйөшлө туҡымала өс горизонталь тигеҙ буйлы һыҙаттарҙан тора: өҫкө өлөшө — аҡ, уртаһы — йәшел һәм аҫҡы өлөшө — ҡыҙыл.

Флаг төҫтәре һәм уларҙы мәғәнәһе

Төҫ	Аҡ	Йәшел	Ҡыҙыл
HTML төҫтәре	#FFFFFF	#00966E	#D62612

Аҡ төҫ — тыныслыҡ һәм азатлыҡ символы;
Йәшел төҫ — урман һәм ауыл хужалығы;
Ҡыҙыл төҫ — иреклек өсөн кәрәштә ҡойолған ҡан.

Тарих

Тәүге тапҡыр аҡ, йәшел һәм ҡыҙыл һыҙатлы флагты Беренсе болгар легионы 1861-1862 йылдарҙа ҡуллана, әммә уларҙың флагында төҫтәр урынлашыу тәртибе хәҙергегә ҡарағанда, башҡаса була: өҫтә — йәшел, уртаһында — аҡ, аҫта — ҡыҙыл. Шундай уҡ флаг, әммә төҫтәр кире тәртиптә урынлаша, Филлип Тотюҙың ирекле отряды Серб-төрөк һуғышында 1876-1877 йылдарҙа файҙаланыла. 1870 йылдарҙа йәшел-аҡ-ҡыҙыл триколоры Болгар революцион үҙәк комитетының флагы булып китә. 1879 йылдың 16 апрелендә беренсе болгар конституцияһының 23 статьяһында аҡ-йәшел-ҡыҙыл триколор Болгарияның флагы итеп раҫлана . 1947 йылдан алып 1990 йылға тиклем флагтың кантонында Болгар халыҡ республикаһының гербы урынлаша. 1990 йылда яңы конституцияһына ярашлы, герб флагтан алып ташланыла. Шулай итеп, флагтың нисбәте лә үҙгәрә: 2:3-тән 3:5-кә.