Бонин күгәрсене

	Бонин күгәрсене
Фәнни классификация
Домен:	Эукариоттар
Батшалыҡ:	Хайуандар
Суб-батшалыҡ:	Эуметазойҙар
Тип/Бүлек:	Ике яҡлы - симметриялы
Суб-тип:	Икенсел ауыҙлылар
Тип:	Хордалылар
Клад:	Баш һөйәклеләр
Суб-тип:	Умыртҡалылар
Инфратип:	Башһөйәклеләр
Супер-класс:	Дүрт аяҡлылар
Класс:	Ҡоштар
Ярым класс:	Яңы аңҡаулылар
Отряд:	Күгәрсен һымаҡтар
Ғаилә:	Күгәрсендәр
Ярым ғаилә:	Columbinae
Төркөм:	Күгәрсендәр
Төр:	Бонин күгәрсене
Халыҡ-ара фәнни исеме
	Columba versicolor (Kittlitz, фәндә 1832 йыл)
Һаҡлау статусы
	Юҡҡа сыҡҡан төр; IUCN 3.1 Extinct : 22690218

Бонин күгәрсене (лат. Columba versicolor) —күгәрсендәр^[1] ғаиләһенән юҡҡа сыҡҡан ҡош. Бонин утрауҙарының эндемигы.

Тасуирламаһы

Бонин күгәрсененең оҙонлоғо 45 см. Арҡаһы алтынһыу-ҡуйы ҡыҙыл ялтырауыҡ. Кәүҙәһенең аҫҡы өлөшө аҡһыл һоро. Алғы түш өлөшө йәшел. Өҫкө ябыу ҡаурыйҙары асығыраҡ төҫтә һәм алтынһыу ялтырауығы артығыраҡ. Башының түбә өлөшө тимер йәшел. Соңҡа өлөшөндә төҫ ҡарағусҡыл ҡыҙыл менән йәшелгә күскән булған. Радужиналары ҡуйы көрән. Суҡышы йәшкелт һары. Аяҡтары ҡуйы ҡыҙыл.

Таралыуы

Бонин күгәрсене Бонин архипелагының Накододзима һәм Титидзима утрауҙарындағы урмандарында тереклек иткән булған.

Йәшәү рәүеше

Генрих фон Киттлиц 1828 йылда был төрҙө тапҡас, ул йыш ҡына был ҡоштарҙы ҡара күгәрсендәр (Columba janthina) менән бергә күҙәткән. Бонин күгәрсене, веерлы пальма емештәре менән туҡланған һәм аҙыҡты яңғыҙ йәки парлап эҙләгән.

Нәҫеле ҡороуы

Бонин күгәрсененең юҡҡа сығыуының төп сәбәбе, күрәһең, уға сиктән артыҡ һунар итеүгә бәйле булғандыр. Һуңғы экземпляр 1889 йылда Накододзима утрауында атып үлтерелә. Был ҡоштарҙың 4 тиреһе Японияла Симан префектураһында, Майндағы Франкфурттағы Зенкенберг музейында, Санкт-Петербургтағы Рәсәй Фәндәр академияһының Зоологик институтында һәм Лондондағы Тәбиғәт фәндәре музейында һаҡлана.

Иҫкәрмәләр

↑ Gill F., Donsker D. & Rasmussen P. (Eds.): Pigeons (ингл.). IOC World Bird List (v11.2) (15 июль 2021). doi:10.14344/IOC.ML.11.2. Дата обращения: 16 август 2021.

Әҙәбиәт

Dieter Luther: Die ausgestorbenen Vögel der Welt, 4. Auflage (Die neue Brehm-Bücherei 424). Westarp-Wissenschaften, Magdeburg; Spektrum, Heidelberg, 1996. ISBN 3-89432-213-6

Ҡалып:Недавно вымершие птицы

[1] Gill F., Donsker D. & Rasmussen P. (Eds.): Pigeons (ингл.). IOC World Bird List (v11.2) (15 июль 2021). doi:10.14344/IOC.ML.11.2. Дата обращения: 16 август 2021.

[1]