Василий Кушнарёвтың табыш йорто

Википедия — ирекле энциклопедия мәғлүмәте
Перейти к навигации Перейти к поиску
Иҫтәлекле урын
Кушнарёвтың табыш йорто
ДД ВС Пукшкарева - Пушкинская,51 DSCN0239.JPG
Ил Рәсәй
Ҡала Дондағы Ростов, Пушкин урамы, 51

Василий Кушнарёвтың табыш йорто — Дондағы Ростов ҡалаһында Пушкин урамындағы 51-се йорт. Айырым йорт 1900-сө йылдар башында[1] төҙөлгән. Ул Ростовтың билдәле фабриканты Яков Кушнарёвтың[2] бер туғаны Василий Семенович Кушнаревтың йорто була. Әлеге ваҡытта бина Көньяҡ хәрби округ ҡарамағында. В. С. Кушнарёвтың табыш йорто төбәк әһәмиәтендәге[3] мәҙәни мираҫ объекты статусына эйә.

Тарихы[үҙгәртергә | вики-тексты үҙгәртергә]

Табыш йорто 1900-сө йылдар башында Яков Семёнович Кушнарёвтың тәмәке фабрикаһына яҡын урында төҙөлә. Айырым йорт уның өлкән ағайы Василий Кушнаревтыҡы була. Табыш йортоноң ихатаһынан абруйлы «Буфф» йәйге театр-баҡсаға сығыу урыны була. Кушнарев йортонда ихата яғынан асыҡ верандалы ресторан урынлашҡан.

1920-се йылдарҙа бина дәүләт ҡарамағына күсә һәм Төньяҡ-Кавказ хәрби округы штабына тапшырыла. Кушнарёвтарҙың элекке йортонда ашхана урынлаша. Бөйөк Ватан һуғышы йылдарында бинаның ҡыйығы емерелә, һуңынан уны ҡайһы бер үҙгәрештәр менән киренән эшләп ҡуялар. 2012 йылда Көньяҡ хәрби округ (ЮВО) штабы бинаға реконструкция үткәрә, уның барышында фасад[4] үҙгәртелә һәм ҡыйыҡ яңынан эшләнә.

Архитектураһы[үҙгәртергә | вики-тексты үҙгәртергә]

Табыш йортоноң фасады, шул осорҙағы клуб биналарына хас булғанса, көнсығыш стилендә биҙәлгән. Ике ҡатлы йорттоң цоколе бейек. Өҫкө ҡаттағы тәҙрә уйымдары өҫтән ярым түңәрәк менән тамамлана. Тәҙрәләрҙең аркалы уйымдарының тирәсе парлы византия колонналарына таянған. Фасад бейек кәрниз һәм тәпәш парапет менән тамамлана. Бинаны бик күп көнсығыш орнаментлы һылап яһалған биҙәктәрҙән торған декоратив элементтар биҙәй. Тәүҙә бинаның ҡыйығы өҫтөндә көмбәҙ күтәрелеп тора, ә йорттоң көнсығыш өлөшөндә мәрмәр баҫҡыс була.

Иҫкәрмәләр[үҙгәртергә | вики-тексты үҙгәртергә]

  1. Доходный дом В.С. Кушнарева. voopiik-don.ru. 5 ноябрь 2013 тикшерелгән.
  2. Волошинова Л. Ф. Пушкинская улица — Ростов-на-Дону: «Донской издательский дом», 2000. — Б. 23—27. — (Серия "Судьбы улиц, площадей, зодчих"). — ISBN 5-87688-250-X.
  3. Ростов-на-Дону (объекты культурного наследия регионального значения). Официальный портал Правительства Ростовской области. 23 сентябрь 2013 тикшерелгән.
  4. Елена Слепцова Армия воюет с культурой?. Наше Время (2012-06-06). 6 ноябрь 2013 тикшерелгән.