Гастелло һәйкәле (Мәскәү)
| Гастелло һәйкәле | |
| Дәүләт |
 Рәсәй |
|---|---|
| Административ-территориаль берәмек | Мәскәү |
| Бағышланған | Николай Францевич Гастелло[d] |
 | |
Гастелло һәйкәле — Бөйөк Ватан һуғышы осорондағы билдәле лётчик, Советтар Союзы Геройы, һуғыштың дүртенсе көнөндә үҙенең самолетын фашист танктары колоннаһына йүнәлтеп һәләк булған Николай Францевич Гастеллоға арналған мемориал. Һәйкәл 1985 йылда Мәскәүҙә, Гастелло урамы башында (Сокольники районы), уның Русаковская урамы менән киҫешкән ерҙән алыҫ түгел ҡуйыла. Скульпторы Борис Алексеевич Мачков (1931—1990 йылдар).
Тасуирлама
[үҙгәртергә | сығанаҡты үҙгәртеү]Н. Ф. Гастелло һәйкәле лётчиктың бронза бюсынан ғибәрәт, башында осоусылар шлемы, күҙлек, ә баш скульптураһы артында ялҡын телдәре. Бюст аҫҡа ҡарай тарая барған цилиндрик колонна формаһындағы постаментҡа ҡуйылған, унда ике гранит ҡанат урынлашҡан. Колонна өҫтөндә ҙур хәрефтәр менән «Гастелло» тигән яҙыу бар.
Һәйкәлдең төҙөлөү тарихы
[үҙгәртергә | сығанаҡты үҙгәртеү]Бер ваҡыт Гастелло урамы буйлап йөрөгәндә, Борис Алексеевич, унда лётчик Гастеллоның геройлығын мәңгеләштереүсе һәйкәл кәрәк тип хәл итә. Район ултырышында скульптура проекты тәҡдим ителә, ул үткәрелмәй, ҡайһы бер иҫкәрмәләр индерелә. Борис Алексеевич барлыҡ иҫкәрмәләрҙе иҫәпкә ала һәм Гастелло образын тыуҙыра, ул әлеге көндә лә шул уҡ исем менән аталған урамды биҙәп тора. Был скульптура, уның башҡа күп скульптуралары кеүек, Сокольники районына бүләк ителә (бәләкәй һеңлеһе Нина Алексеевна хәтирәләренән).
Һылтанмалар
[үҙгәртергә | сығанаҡты үҙгәртеү]- Памятник Николаю Гастелло. onfoot.ru. Дата обращения: 12 октябрь 2013. 2013 йыл 9 май архивланған.
- Памятник Николаю Францовичу Гастелло. Гид Москва (8 октябрь 2010). Дата обращения: 12 октябрь 2013. 2013 йыл 17 октябрь архивланған.