Давыдов усадьбаһы (Мәскәү)

Википедия — ирекле энциклопедия мәғлүмәте
Перейти к навигации Перейти к поиску
Давыдов усадьбаһы
Рәсем
Дәүләт Flag of Russia.svg Рәсәй
Административ-территориаль берәмек Мәскәү ҡалаһы һәм улица Пречистенка[d]
Мираҫ статусы Рәсәйҙең мәҙәни мираҫ объекты[d]

Давыдов усадьбаһы — Мәскәү ҡалаһындағы усадьба, Пречистенка урамы, 17/10 адресы буйынса урынлашҡан. Мәҙәни мираҫ объекты[1].

Тарихы[үҙгәртергә | вики-тексты үҙгәртергә]

XVIII быуаттың икенсе яртыһында төп йортто, баҡса һәм флигелде үҙ эсенә алған усадьба Барыков тыҡрығынан алып Сеченов урамына тиклем булған кварталды биләгән. Төп йорт 1770 йылдарҙа төҙөлгән, был ваҡытта уның хужаһы Мәскәү полицмейстеры Архаров Николай Петрович булған. Бина стиле иртә классицизмға ҡарай. Ошо уҡ ваҡытта төп ихатаны ике яҡтан кәртәләүсе бер ҡатлы флигелдәр төҙөлгән. 1812 йылда янғындан зыян күргән усадьба артабан яңынан тергеҙелә. Йорт ярым түңәрәк тәҙрәле мезонин менән тамамлана, фасады төп инеү урынының ике яғынан ике һәм бер ҡатлы коринф колонналар менән биҙәлгән. 1830 йылда төп йорттоң ҡабырғаларына һәм флигелдәренә төкәтмә төҙөлгән, ә 18691874 йылдарҙа архитектор А. Л. Обер ағас ҡаралтыларҙы таш менән алмаштырып ҡорған[2].

Архаровтан һуң усадьбаны генерал Г. И. Бибиков биләгән. 1835—1837 йылдарҙа усадьба шағир Денис Васильевич Давыдовтыҡы була, уға бында ҡунаҡҡа Александр Сергеевич Пушкин килеп йөрөй. Һуңынан усадьбала С. А. Арсеньеваның ҡатын-ҡыҙҙар гимназияһы урынлаша[2] 1930 йылда йортта Вера Фигнер йәшәгән[3]. Совет осоронда йорт КПСС район комитетына бирелә.

Фасадында Д. В. Давыдов иҫтәлегенә А.Котырев эшләгән мемориаль таҡтаташ ҡуйылған[4].

Әлеге ваҡытта усадьба тергеҙелгән, әммә үҙенсәлекле интерьерҙары юғалған[4], башҡа мәғлүмәттәр буйынса XIX быуат һүрәттәре һаҡланған[5].

Иҫкәрмәләр[үҙгәртергә | вики-тексты үҙгәртергә]

  1. Городская усадьба Бибиковых - Д.В. Давыдова, XVIII-XIX вв.  (рус.). Департамент культурного наследия города Москвы. 21 май 2015 тикшерелгән.
  2. 2,0 2,1 Москва: Энциклопедия, 1997, с. 243
  3. Лица Москвы:Фигнер Вера Николаевна
  4. 4,0 4,1 Усадьба Дениса Давыдова  (рус.). Узнай Москву. 20 май 2015 тикшерелгән.
  5. Москва: Архитектурный путеводитель / Ирина Леонидовна Бусева-Давыдова, Мария Владимировна Нащокина, М. И. Астафьева-Длугач — М.: Стройиздат, 1997. — Б. 285. — 512 б. — ISBN 5-274-01624-3.

Әҙәбиәт[үҙгәртергә | вики-тексты үҙгәртергә]

  • Энциклопедия «Москва», 1997.