Демина-Качони йорто (Таганрог)
| Иҫтәлекле урын | |
Демина-Качони йорто (Таганрог)
Демина-Качони йорто | |
| Файл:Таганрог. Грек урамы, 47 фото 010.jpg | |
| Ил | Рәсәй |
| Ҡала | Таганрог, Грек урамы, 47 |
| Архитектура стиле | кирбес стиле |
| Нигеҙләнгән | 1860-сы йылдарҙың башы |
| Статус | мәҙәни мираҫ объекты |
Демина-Качони йорто — төбәк әһәмиәтендәге мәҙәни мираҫ объекты. Ростов өлкәһе Таганрог ҡалаһындағы Грек урамы, 47-се һанлы йорт. Йорт ике ҡатлы исемен үҙенең билдәле хужалары Качони Маргарита (башҡа мәғлүмәттәр буйынса фамилияһы Качиони тип уҡыла)[1] һәм Демина Александра фамилияларынан алған.
Тарих
[үҙгәртергә | сығанаҡты үҙгәртеү]Грек урамы, 47-се йорт Таганрогта 1860-сы йылдарҙа кирбес стилендә төҙөлгән. Маргарита Качони — йорттоң беренсе хужаһы. Ул Төрөк һуғышында һәләк булған Ҡара диңгеҙ флоты геройы Александр Ликургович Качониҙың тол ҡалған ҡатыны. Александр Ликургович — Ламброс Качониҙың ейәне. 1906 йылда был йортто дворян ҡатын Александр Васильевна Демина һатып алған, бер мәғлүмәт буйынса 1915 йылға тиклем, икенсеһе буйынса — 1925 йылға тиклем йорт хужаһы була. 1926 йылда был йортта Таганрогта йәшәгән поляктарға дөйөм белем биреү мәктәбе эшләй. 27 сентябрҙә биналағы мәктәптә дәрестәр башлана. 1992 йылда йорт архитектура ҡомартҡыһы тип таныла һәм мәҙәни мираҫ объекты булараҡ һаҡлана[2].
Тасуирлама
[үҙгәртергә | сығанаҡты үҙгәртеү]Грек урамынан ҡарағанда ошо урамдағы 2 йорттоң күренеше асыла асыла. Уларҙың тәүгеһе — ике ҡатлы — тарих һәм мәҙәниәт ҡомартҡыһы тип танылған. Уның фасады үҫемлек орнаменты, сандриктар, филенкалар һәм йоҙаҡ таш менән биҙәүле. Икенсеһе — бер ҡатлы — ХIХ быуат уртаһындағы типик йорт булып тора. Уның фронтоны фигуралы, йорт сандриктар, рустовкалы көрәктәр һәм модильондар менән биҙәлгән[3].
Иҫкәрмәләр
[үҙгәртергә | сығанаҡты үҙгәртеү]- ↑ Дом 47. 2017 йыл 21 март архивланған.
- ↑ Объекты культурного наследия 2017 йыл 21 март архивланған.
- ↑ Деминой-Качони дом//Энциклопедия Таганрога