Википедия — ирекле энциклопедия мәғлүмәте
Дрейссеналар (лат. Dreissena, рус. Дрейссены ) — ике ҡабырсаҡлы моллюсктар ғаиләһе. 10-дан артыҡ төрө билдәле. Дрейссеналар ҡабырсағы йәшкелт-һары төҫтә, 3—5 см оҙонлоҡта, алғы өлөшө осланған. Личинкалары — иркен йөҙөүсе велигерлар. Һыу аҫты предметтарына беркетелеү өсөн махсус шайыҡса бүлеп сығарыусы махсус биҙҙәре менән башҡа ҡабырсаҡлы моллюскларҙан айырыла. Үрсемле, ныҡ булыуҙары арҡаһында Дрейссеналар, 1 м2 га 16 меңгә ҡәҙәр үрсеп, 10 м тирәнлеккә ҡәҙәр колониялар барлыҡҡа килтерә. Дрейссеналар колониялары гидротехник ҡоролмаларҙың - һыу ағыҙғыстар, торбалар эшен ҡыйынлаштыра.
- Жизнь животных. М., 1968. Т. 2; Краткий определитель водных беспозвоночных Среднего Поволжья. Казань, 1977.
