Жданов Николай Васильевич

Википедия — ирекле энциклопедия мәғлүмәте
Перейти к навигации Перейти к поиску
Жданов Николай Васильевич
Заты ир-ат
Тыуған көнө 1860
Вафат булған көнө 1917
Һөнәр төрө сәйәсмән
Уҡыу йорто Мәскәү университетының медицина факультеты[d]

Жданов Николай Васильевич (1860 — һуң 1917) — земство эшмәкәре, Һамар губернаһынан III Дәүләт думаһы ағзаһы.

Биографияһы[үҙгәртергә | вики-тексты үҙгәртергә]

Шәхси дворян. Бөгөлмә һәм Һамарҙа йорт хужаһы, Һамар губернаһының Бөгөлмә өйәҙендә һәм Өфө губернаһының Бәләбәй өйәҙендә ер биләүсеһе (7000-ләп дисәтинә).

Ул Һамар гимназияһында урта белем ала, ә юғары белемде — Мәскәү университетының медицина факультетында ала.

Табип була. Күп йылдар дауамында Бөгөлмә өйәҙе һәм Һамар губернаһы земство йыйылыштарының гласныйы итеп һайлана Төрлө йылдарҙа була: Бөгөлмә өйәҙенең почетлы мировой судьяһы, төрмә тураһында <b>попечителлек</b> комитетының (Попечительное о тюрьмах общество) өйәҙ бүлексәһе директоры, халыҡ айыҡлығы тураһында попечителлек өйәҙ комитетының ағза-ярыштырыусыһы, епархиаль училище советы өйәҙ бүлексәһе ағзаһы, шулай уҡ Бөгөлмәлә юғары башланғыс училищеһының почетлы попечителе, 2-се ҡала приход училищеһының попечителе һәм Бөгөлмәлә Изге Николай хәйриә йәмғиәте рәйесе.. Надворный советник чинына тиклем етә.

Һамарҙа типография һәм Һамар-Златоуст тимер юлының Шафран станцияһы эргәһендә ҡымыҙ шифаханаһы хужаһы. 1905 йылда Октябрь манифесы иғлан ителгәндән һуң 17 октябрь Союзына инә, Бөгөлмәлә партия бүлеге рәйесе була.

1907 йылда Һамар губернаһынан III Дәүләт думаһы ағзаһы булып һайлана. Октябристар фракцияһы инә. Дәүләт думаһының 8-сы бүлек секретары була. Эскелек менән көрәш саралары тураһында комиссия рәйесе иптәше (4-се сессиянан), янғынға ҡаршы көрәш буйынса саралар тураһында комиссия секретары (5-се сессиянан), шулай уҡ халыҡ мәғарифы буйынса һәм юл бәйләнеше тураһында комиссиялар ағзаһы булып тора.

1917 йылдан һуңғы яҙмышы билдәһеҙ. Өйләнгән була.

Сығанаҡтар[үҙгәртергә | вики-тексты үҙгәртергә]