Камалов Атлас Закир улы
| Камалов Атлас Закир улы | |
| Зат | ир-ат |
|---|---|
| Тыуған көнө | 12 август 1950 (74 йәш) |
| Тыуған урыны | Оло Ыҡтамаҡ ауылы, Башҡорт АССР-ы, РСФСР, СССР |
| Биләгән вазифаһы | Башҡортостан Республикаһының халыҡ депутаты |
| Уҡыу йорто | Силәбе дәүләт педагогия университеты |
Камалов Атлас Закир улы (рус. Камалов Атлас Закирович; 12 август 1950 йыл) — СССР, хужалыҡ һәм партия органдары ветераны, ғалим-агроном. 1991—1995 йылдарҙа Мәсетле район хакимиәте башлығы. Ауыл хужалығы фәндәре кандидаты (2005).
1990 йылдың 11 октябрендә БАССР-ҙың ун икенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул иткән Башҡорт АССР-ының 12-се саҡырылыш Юғары Советы депутаты, Һаулыҡ һаҡлау, ветеран һәм инвалидтар эше буйынса комиссия ағзаһы.[1]
Биографияһы
[үҙгәртергә | сығанаҡты үҙгәртеү]Атлас Закир улы Камалов 1950 йылдың 12 авгусында Башҡорт АССР-ының Мәсетле районы Оло Ыҡтамаҡ ауылында тыуған. Милләте башҡорт, юғары белемле — 1979 йылда Силәбе педагогия институтын, 1986 йылда Башҡортостан ауыл хужалығы институтын тамамлаған.
1972 йылда Күмертау педагогия училищеһын тамамлағандан һуң хеҙмәт юлын Мәсәғүт педагогия училищеһының физкультура уҡытыусыһы булып башлай.
1975—1984 йылдарҙа КПСС-тың Мәсетле район комитетында инструктор, «Комсомолец» колхозының парком секретары, Мәсетле районында Фрунзе колхозы рәйесе.
1984—1990 йылдарҙа КПСС-тың район комитетында икенсе секретарь, артабан район халыҡ контроле комитеты рәйесе.
1990 йылдан халыҡ депутаттарының Мәсетле районы Советы рәйесе, Мәсетле районы хакимиәте башлығы. [2]
Мәсетле районы 239-сы Ләмәҙтамаҡ һайлау округынан Башҡорт АССР-ының 12-се саҡырылыш Юғары Советының халыҡ депутаты итеп һайлана. Башҡортостан Республикаһы Юғары Советының һаулыҡ һаҡлау, ветеран һәм инвалидтар эше буйынса комиссия ағзаһы. [3]
Ҡарағыҙ
[үҙгәртергә | сығанаҡты үҙгәртеү]Иҫкәрмәләр
[үҙгәртергә | сығанаҡты үҙгәртеү]- ↑ Выдающиеся люди. Мечетлинский район
- ↑ // Парламентаризм в Башкортостане: история и современность. — Т. 2. — Уфа, 2005.УДК 930 ISBN 5-8258-0204-5
- ↑ Народные депутаты Республики Башкортостан. Двенадцатый созыв. — Уфа, Китап, 1994. — с. 34
Сығанаҡтар
[үҙгәртергә | сығанаҡты үҙгәртеү]- Народные депутаты Республики Башкортостан. Двенадцатый созыв. — Уфа, Китап, 1994. — с. 104
Һылтанмалар
[үҙгәртергә | сығанаҡты үҙгәртеү]
- 12 августа тыуғандар
- 1950 йылда тыуғандар
- Мәсетле районында тыуғандар
- Силәбе дәүләт педагогия университетын тамамлаусылар
- 12-се саҡырылыш Башҡорт АССР-ы Юғары Советы депутаттары
- Башҡорт дәүләт аграр университетын тамамлаусылар
- Башҡортостан райондарының администрация башлыҡтары
- Халыҡ депутаттарының район Советы башҡарма комитеты рәйестәре
- КПСС-тың район комитетының икенсе секретарҙары
- Шәхестәр:Мәсетле районы
- Мәсетле районы башлыҡтары