Күңелле кейеҙ

Википедия — ирекле энциклопедия мәғлүмәте
Перейти к навигации Перейти к поиску
Күңелле кейеҙ
рус. Весёлый войлок
Нигеҙләнгән

2008

Нигеҙләүсе

Павел Гаврилов һәм Лия Виснапу

Уранлашыуы

Рәсәй Рәсәй: Рыбинск,
Ярославль өлкәһе

Төп фигуралар

Павел Гаврилов һәм Лия Виснапу

Тармаҡ

халыҡ кәсебе

Продукция

кейеҙ баҫып, кейеҙҙән сувенирҙар

Сайт

http://www.vvoilok.ru/

Күңелле кейеҙ социаль эшҡыуарлыҡ өлкәһендә эшләүсе Рәсәйкомпанияһы, Ярославль өлкәһенең Рыбинск ҡалаһында урынлашҡан[1]. 2008йылда ирле-ҡатынлы Павел Гаврилов һәм Лия Виснапу тарафынан нигеҙләнгән[2]. Компания, кейеҙ баҫып, кейеҙҙән сувенирҙар эшләүҙә махсуслаша[1].

Тарихы[үҙгәртергә | вики-тексты үҙгәртергә]

«Күңелле кейеҙ» тигән социаль предприятие ойоштороу идеяһы Гавриловтарға Оксфам фонды семинарҙарына йөрөгәндән һуң килә[1].

2006 йылда биҙәүсе рәссамдар Павел Гаврилов менән Лия Виснапу кейеҙҙе ҡоролай баҫыу технологияһы менән тәү тапҡыр ҡурсаҡ театры өсөн декорациялар эшләгәндә таныша. 2008 йылда был халыҡ кәсебе менән ҡыҙыҡһыныусылар өсөн ижади оҫтахана асыу ниәте тыуа[2], һөҙөмтәлә тәжрибәле оҫталар етәкселегендә кешеләргә кейеҙҙән уйынсыҡтар яһарға һәм артабан һатырға мөмкинлек бирер ине. 2008 йылдың ғинуарында аҡсаға ҙур мохтажлыҡ кисергән, ләкин өйөн оҙаҡҡа ҡалдырып китә алмаған күп балалы һәм инвалид бала тәрбиәләгән 15 әсәнән торған беренсе төркөм барлыҡҡа килә[3].

Апрелдә тәүге эштәр Мәскәүгә күргәҙмәгә ебәрелә һәм ҙур һорау таба. Күргәҙмәлә хеҙмәттәшлек тураһында оҙайлы килешеүҙәр ҙә төҙөлә[2].

Бынан һуң уларҙың проекты «Беҙҙең киләсәк» фонды ойошторған социаль эшҡыуарлыҡ конкурсында еңеү яулай. Был фондтан 300 000 мең һумлыҡ грант алып, шуға үҙҙәренең 200 000 һумын өҫтәп, бизнес асалар[4]. Йәш әсәләрҙе генә түгел, йәштәрҙе һәм пенсионерҙарҙы ла йәлеп итергә тырышалар, ләкин был ынтылыштары уңыш тапмай[1].

Концепция[үҙгәртергә | вики-тексты үҙгәртергә]

Ғәҙәттә йылына өс мәртәбә кейеҙселеккә өйрәнеү буйынса төркөмдәр туплана. Уҡыу мөҙҙәте — ике ай, өйрәнеү өсөн бөтә кәрәк-яраҡ уларға түләүһеҙ тәҡдим ителә. Артабан кешеләр компанияға ирекле график булынса эшләй, эш күләмен дә үҙҙәре билдәләй. Килешеүҙә Гаврилов дизайны буйынса эшләнгән әйберҙәрҙе үҙ аллы һатыуҙы тыйыу ҡарала[5].

Хеҙмәткәрҙәр менән иҫәпләшеү факт буйынса яһала. Эш хаҡы норма-сәғәт системаһы буйынса түләнә. Компания хужалары теге йәки был моделде эшләү өсөн күпме сәғәт кәрәклеген хисаплап сығарған, гонорар шуның буйынса иҫәпләнә. «Күңелле кейеҙ» хеҙмәткәрҙәре нигеҙҙә айына 3000 — 15 000 һум ала.

Компания клиенттары — Мәскәүҙәге бүләктәр магазиндары, китап магазиндары, сувенир лавкалары, сәскә магазиндары[1], бензин ҡойоу станциялары[6]. Яйлап продукция Рәсәй төбәктәренә лә сыға. Бүләк сауҙаһының миҙгелдәргә бәйлелеге лә һатыу күләменә ҙур йоғонто яһай. Тауар йылдың икенсе яртыһында, айырыуса Яңы йыл алдынан үтемле була[1].

Бер клиентҡа уртаса 30 000 һумлыҡ тауар ваҡ партиялар менән оҙатыла, тауар оҙатыу йышлығы — кварталға бер тирәһе. Бер берәмек продукцияның хаҡы — 800—1000 һум. Компанияның тауар әйләнеше — йылына 1,5 миллион һум самаһы. Килем 20%-лап тәшкил итә[1].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]