Митчелл Питер Деннис

Питер Деннис Митчелл
ингл. Peter Dennis Mitchell
Файл:Peter Dennis Mitchell.jpg
Тыуған көнө	29 сентябрь 1920({{padleft:1920|4|0}}-{{padleft:9|2|0}}-{{padleft:29|2|0}})[…]
Вафат көнө	10 апрель 1992({{padleft:1992|4|0}}-{{padleft:4|2|0}}-{{padleft:10|2|0}})[…] (71 йәш)
Ғилми даирәһе	биохимия
Ниндәй өлкәлә танылған	ATФ синтезының хемиосмотик теорияһы авторы
Автограф

Денис Питер Ми́тчелл (ингл. Peter Dennis Mitchell; 29 сентябрь 1920(19200929) Митчем, Суррей — 10 апрель 1992, Бодмин, Корнуолл) — инглиз биохимигы, Химия буйынса Нобель премияһы лауреаты (1978), АТФ синтезының хемоосмотик механизмын асҡан, Q-цикл атамаһы менән билдәле протондар транспорты механизмы идеяһы авторы.

Лондон король йәмғиәте ағзаһы(1974), АҠШ Милли фәндәр академияһының (1977), Франция фәндәр академияһының (1989) сит ил ағзаһы.

Биографияһы

Питер Митчелл 1920 йылдың 29 сентябрендә Митчемда, Суррейҙа тыуған. Атаһы — Кристофер Гиббс Митчелл, дәүләт хеҙмәткәре, әсәһе — Кейт Беатрис Дороти (ҡыҙ фамилияһы — Таплин). Питер Митчелл Король колледжында (Тонтон) һәм биохимия өлкәһендәге һөнәр буйынса тәбиғи фәндәр йүнәлешендә Ғайса (Иисус) колледжында (Кембридж университеты) белем ала.

1942 йылда Кембридж университетының биохимия кафедраһында тикшеренеү эше башлай. 1951 йыл башында пеницилиндың тәьҫире механизмын өйрәнгәне өсөн философия фәндәре докторы дәрәжәһен ала. 1955 йылда уны профессор Майкл Свонн Эдинбург университетының зоология кафедраһында биохимик тикшеренеү подразделениеһы булдырыу өсөн саҡыра, бында ул 1961 йылда өлкән лектор итеп тәғәйенләнә. Митчелл 1963 йылда һаулыҡ торошо буйынса отставкаға китергә мәжбүр була.

Фәнни тикшеренеүҙәре

Фәнни ҡыҙыҡһыныуҙары айырым күҙәнәк эсе ориентирҙары арауығында биохимик реакцияларҙың йүнәлешле булыуын өйрәнеүгә бәйле. Биоэнергетика нигеҙендә ятҡан окисландырып фосфорлаштырыуҙың хемиосмотик теорияһы авторы.

1978 йылда химия буйынса Нобель премияһына лайыҡ була:

Хемиосмотик теория төҙөү һөҙөмтәһендә биологик энергияны күсереү процесын аңлауға индергән өлөшө өсөн

Оригинал текст  (инг.)  

for his contribution to the understanding of biological energy transfer through the formulation of the chemiosmotic theory

— The Nobel Prize in Chemistry 1978 (ингл.). Нобелевский фонд. Дата обращения: 28 август 2012. Архивировано 26 октябрь 2012 года.

Һылтанмалар

• Биография 2015 йыл 29 декабрь архивланған. // Peter Mitchell (1920—1992). Obituary, Photosynthesis Research, Antony Crofts, June 29th. 1992 (инг.)
• Митчелл (Mitchell), Питер Д. 2021 йыл 26 октябрь архивланған. // Лауреаты Нобелевской премии: Энциклопедия: Пер. с англ. — М.: Прогресс, 1992.
• Peter Dennis Mitchell, 29 September 1920 — 10 April 1992 // Biographical Memoirs of Fellows of the Royal Society, 1994, vol. 40, pp. 281—305, plate, by E. C. Slater (инг.)