Михайлов Виктор Александрович

Википедия — ирекле энциклопедия мәғлүмәте

Ҡалып:ФИО

Михайлов Виктор Александрович
Тыуған көнө

14 ноябрь 1935({{padleft:1935|4|0}}-{{padleft:11|2|0}}-{{padleft:14|2|0}}) (88 йәш)

Ғилми дәрәжәһе

юридик фәндәр докторы

Михайлов Виктор Александрович (14 ноябрь 1935, Манойлин утары, Клеть районы, Волгоград өлкәһе) — юрист, енәйәт суды эшмәкәрлеге һәм криминалистика тактикаһы өлкәһе белгесе; Воронеж дәүләт университетын тамамлаған (1962), юридик фәндәр докторы, диссертацияһы иҫкәртеү саралары темаһына яҙылған (1996); Рәсәй ЭЭМ-ның Идара итеү академияһы профессоры (1992); милиция полковнигы һәм РФ-ның атҡаҙанған фән эшмәкәре (1998).

Биографияһы[үҙгәртергә | сығанаҡты үҙгәртеү]

Виктор Михайлов 1935 йылдың 14 ноябрендә Сталинград (хәҙер Волгоград) өлкәһенең Клеть районы Манойлин утарында тыуған. 1962 йылда ул Ленин комсомолы исемендәге Воронеж дәүләт университетының юридик факультетын отличие менән тамамлаған, 1968 йылдың ғинуарындаСССР эске эштәр органдарында эшләй башлай. 1968 йылдың июнь айында «Прокурорский надзор за прекращением уголовных дел на предварительном следствии в советском уголовном процессе» темаһына кандидатлыҡ диссертацияһын яҡлай. Уның ғилми етәксеһе профессор Владимир Чугунов була. Шул уҡ йылда В. А. Михайлов юридик фәндәр кандидаты була.

1980 йылда Михайлов фәнни-педагогик эш менән СССР Эске эштәр министрлығы академияһында (артабан — Рәсәй Эске эштәр министрлығы идаралығы академияһы) шөғөлләнә башлай. 1992 йылда ул ошо академияла енәйәтте тикшереү органдары идаралығы кафедраһының профессоры булып китә, идара итеү академияһы өлөшө булып тора. 1996 йылдың июлендә Рәсәй Эске эштәр министрлығы идаралығы академияһында «Меры пресечения в уголовном судопроизводстве» темаһына докторлыҡ диссертацияһын уңышлы яҡлай — юридик фәндәр докторы була; РФ Эске эштәр министрлығының енәйәтселек менән көрәш проблемаларын суд ваҡытында һәм судтан алда хәл итеүҙе комплекслы тикшереүҙең фәнни мәктәбен ойоштора. 2002 йылдың ноябрендә милиция полковнигы дәрәжәһендә отставкаға сыға.

2004—2009 йылдар дәүерендә Михайлов Дәүләт идаралығы университеты ҡарамағындағы Эшҡыуарҙарҙы яҡлау институтының хоҡуҡи дисциплиналар кафедраһында профессор була. 2009 йылда Рәсәй таможня академияһының енәйәт-хоҡуҡи дисциплиналар кафедраһы профессоры була. 1992 йылдан башлап шул уҡ ваҡытта Рәсәй Сит ил эштәре министрлығы Мәскәү дәүләт халыҡ-ара мөнәсәбәттәр институтының (МГИМО) һәм Г. В. Плеханов исемендәге Рәсәй иҡтисад академияһының профессоры булып эшләй. «Публичное и частное право» юридик журналының баш мөхәррире була. 1968 йылдан алып СССР эске эштәр министрлығының тәфтиш хеҙмәткәрҙәре өсөн фәнни-ғәмәли конференциялар һәм семинарҙар үткәрә, шулай уҡ совет юғары юридик уҡыу йорттарының профессорҙары һәм уҡытыусыларының фәнни-теоретик конференцияла рын үткәреүҙә ҡатнаша.

Михайлов Мәскәү ҡалаһының Ленинград район халыҡ судынаһәм Мәскәү ҡала судына заседатель булып һайлана. Михайлов СССР ЭЭМ-ның Юғары тикшереү мәктәбенең һәм РФ ЭЭМ Идара итеү академияһының ғилми советы ағзаһы, СССР ФА һәм Рәсәй ФА ЭЭМ-ның Дәүләт һәм хоҡуҡ институтындағы диссертация комиссияһы ағзаһы була. Эштә ҡатнашыусыларҙың ғилми-консультатив совет ойоштороусылар булып РФ Эске эштәр министрлығыныңтәфтиш департаментының ғилми-консультатив советының эшендә ҡатнаша һәм Рәсәй Дәүләт думаһының хәүефһеҙлек комитеты советының эксперты була — РФ федераль закондары проекттарына экспертиза үткәрә, шулай уҡ Рәсәй Юғары суды, пленумдары сығарған ҡарарҙар проектына ла экспертиза яһай.

2009 йылда Михайлов Рәсәй Педагогия һәм социаль фәндәр академияһының мөхбир ағзаһы була. Бынан өс йыл алда Ҡырғыҙ Республикаһы Эске эштәр министрлығы академияһының почетлы профессоры була. 1998 йылдың ноябрендә уға «Рәсәй Федерацияһының атҡаҙанған фән эшмәкәре» тигән маҡтаулы исем бирелә.

Эштәре[үҙгәртергә | сығанаҡты үҙгәртеү]

Виктор Михайлов 450-нән ашыу ғилми хеҙмәт авторы һәм авторҙашы булып тора, шул иҫәптән 18 монография,11дәреслек һәм 37 уҡыу әсбаптары авторы; «Публичное и частное право» журналының 27 баҫмаһын әҙерләп сығарған; уның етәкселегендә 24 кандидатлыҡ һәм 7 докторлыҡ диссертацияһы яҡланған:

  • «Уголовно-процессуальные меры пресечения в судопроизводстве Российской Федерации» (М., 1997);
  • «Методологические основы мер пресечения» (М., 1998);
  • «Криминалистика» (М., 1999);
  • «Правоохранительные органы России» (М., 2001);
  • «Судебная экспертиза по новому законодательству России» (М., 2003);
  • «Уголовное судопроизводство» (М., 2004).

Иҫкәрмә[үҙгәртергә | сығанаҡты үҙгәртеү]

Әҙәбиәт[үҙгәртергә | сығанаҡты үҙгәртеү]

  • Видные ученые-юристы России (Вторая половина XX века) : энцикл. словарь биографий : по состоянию на 1 авг. 2004 г. / Рос. акад. правосудия; под ред. В. М. Сырых. — Москва : Рос. акад. правосудия, 2006. — 547 с. : портр.; 30 см; ISBN 5-93916-056-5.

Һылтанмалар[үҙгәртергә | сығанаҡты үҙгәртеү]