Пегов Валентин Алексеевич

Пегов Валентин Алексеевич
	Пегов Валентин Алексеевич
Зат	ир-ат
Тыуған көнө	1 ғинуар 1950 (74 йәш)
Тыуған урыны	Урыҫ-Юрмаш, Өфө районы, Башҡорт АССР-ы, РСФСР, СССР
Һөнәр төрө	спортсы

Пегов Валентин Алексеевич (1 ғинуар 1950 йыл) — тренер. РСФСР-ҙың атҡаҙанған тренеры (1987), Рәсәйҙең халыҡ-ара класлы спорт мастеры (2006), дзюдо буйынса бөтә союз категориялы судья (1978). Башҡортостан Республикаһының атҡаҙанған физик культура хеҙмәткәре (2000).

Биографияһы[үҙгәртергә | сығанаҡты үҙгәртеү]

Валентин Алексеевич Пегов 1950 йылдың 1 ғинуарында Башҡорт АССР-ының Өфө районы Урыҫ-Юрмаш ҡасабаһында тыуған.

1977 йылда П. Ф. Лесгафт исемендәге Ленинград физик культура институтын тамамлай.

Спорт менән 6-сы «Геркулес» олимпия резервындағы махсус балалар-үҫмерҙәр спорт мәктәбендә (тренеры Н. Д. Попов) шөғөлләнә.

1972 йылдан башлап 6-сы «Геркулес» олимпия резервындағы махсус балалар-үҫмерҙәр спорт мәктәбендә тренер-уҡытыусы, һуңынан директор урынбаҫары булып эшләй. 1979 йылдан — «Спартак» ирекле спорт йәмғиәтенең Башҡортостан, Рәсәй һәм Үҙәк советтарының тренеры, 1990 йылдан — Башҡортостан Республикаһы йыйылма командаһы һәм Башҡортостан Республикаһының юғары спорт оҫталығы мәктәбе тренеры, 1997—2004 йылдарҙа— Рәсәй паралимпия йыйылма командаһы тренеры.

Спортсы-инвалидтар В. Н. Мичурин, М. Г. Яковлев, О. В. Крецул, С. А. Севостьянов, К. Капитонов, В.Волков, Р. Шәйхаттаров, Ю. Акшинцев, В. Бычков һәм башҡалар В. Пеговтың тәрбиәләнеүселәре булып торалар.

Бер үк ваҡытта Валентин Пегов Башҡорт физик культура институтында, фехтование теорияһы һәм методикаһы, көрәш һәм ауыр атлетика кафедраһы доценты булып эшләй.

Ҡаҙаныштары[үҙгәртергә | сығанаҡты үҙгәртеү]

Рәсәй Чемпионы (2005-07)

Европа чемпионатының көмөш призеры (2005, 2007)

Донъя чемпионатында шәхси зачетта көмөш (2006) һәм бронза (2007) призёр.

Спорт мастерҙары араһында команда зачетында Европа чемпионаты еңеүсеһе (2005) һәм көмөш призеры (2006).

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

2-се дәрәжә «Ватан алдындағы хеҙмәттәре өсөн» орден миҙалы менән бүләкләнә (2002).
Башҡортостан Республикаһының атҡаҙанған физик культура хеҙмәткәре (2000)
РСФСР-ҙың атҡаҙанған тренеры (1987)