Проект:Башҡортостан ауылдары 2022

Краснокама районы Ҡыҙғау ауылы

Башҡортостан ауылдары 2022 — Башҡортостан ауылдары тураһында яҙылған мәҡәләләрҙе яҡшыртыу, байытыу маҡсатында үткәрелгән вики-марафон. Вики-марафон барышында ауыл тарихы, географик урыны, тирә-яғындағы иҫтәлекле урындары, тәбиғәт ҡомартҡылары, ауылда тыуып-үҫкән билдәле шәхестәр, тарихи әҙәбиәткә инеп ҡалған факттар, батша ревизияһы мәғлүмәттәре, ауылда яҙып алынған фольклор тураһында мәғлүмәттәр яҙыласаҡ.

Маҡсаты — ауылдар тураһында мәҡәләләрҙе файҙалы, ҡыҙыҡлы һәм уҡымлы итеү.

Башлана: 15 март 2022

Тамамлана: 15 май 2022

Ойоштороусылар[вики-тексты үҙгәртергә]

WMF логотипы
Башҡортостан викимедиасылары төркөмө

Ҡағиҙәләр[вики-тексты үҙгәртергә]

Текст-мәғлүмәт энциклопедик стилдә яҙылырға, автор хоҡуҡтары һаҡланырға тейеш.
Мәҡәләләр уҡыу өсөн уңайлы, компакт биҙәлгән булырға тейеш. Оҙон-оҙон текстар ҡуйыу, артыҡ күп фотолар менән мауығыу кәрәкмәй.
Башҡортостан ауылдары тураһында яҙылған мәҡәләгә өҫтәлгән һәр 1 КБ мәғлүмәт өсөн (һылтанмалар һәм сығанаҡтар ҙы ла иҫәпләп) — 1 мәрәй.
Һәр өҫтәмә һылтанма йәки сығанаҡ өсөн (Әсфәндийәров китабы, Уфаген сайты, Башҡортостан энциклопедияһы, Материалы по истории Башкирской АССР, Рәсәй империяһында ревизиялар, 1917 йылға ауыл хужалағын иҫәпкә алыу, ауыл тураһында китап, матбуғатта сыҡҡан мәҡәләләр, Башҡорт халыҡ ижады, видеофильмдар) — 1 мәрәй.
Фото өсөн бер ауылға — 4 мәрәй, үҙ эшең булһа нисә фото булыуына ҡарамаҫтан. Викимилектә булған фотоны мәҡәләгә ҡуйған өсөн бер ауылға — 1 мәрәй, нисә фото булыуына ҡарамаҫтан.
Викидатаға мәғлүмәт өҫтәгән өсөн (нигеҙләнгән йылы, беренсе мәртәбә телгә алынған, фото, милли составы, социаль селтәрҙәр һәм башҡалар) бер ауылға — 1 мәрәй.
Был ауылды башҡа кеше эшләгән тип ҡарау дөрөҫ түгел, теләгән ауылға мәғлүмәт (ревизия, фото һәм башҡалар) өҫтәргә була.
10 ауылдың тарихын яҙған ҡатнашыусылар финалға үтә.
Приз фонды (яҡынса 115 мең һум) финалға үткән ҡатнашыусыларға йыйған мәрәйҙәренә бәрәбәр бүленә. Википедияла стажы 2 йылдан кәмерәк булғандарға (2020 йылдың 15 мартынан һуң теркәлгәндәргә) дәртләндереү өсөн приз фондынан 1000 һум өҫтәлә.