Ҡатнашыусы:Alfiya55

Википедия — ирекле энциклопедия мәғлүмәте
Перейти к навигации Перейти к поиску
  1. Аҡбутина Әлфиә Носрат ҡыҙы
  2. Мәҡәләләр
  3. https://xtools.wmflabs.org/ec/ba.wikipedia.org/Alfiya55


Был ҡатнашыусы Башҡорт Википедияһында 5 йыл, 1 көн.
Логотип 2015 йылдың апрелендә Өфөлә үткән   Халыҡ-ара Вики-конференцияла ҡатнашыусы
Asia mark.svg This user contributes to Wikipedia Asian Month

Был ҡатнашыусы Википедияла Азия айлығына ярҙам итте

Логотип 2016—2019 йылдарҙа үткәрелгән
«Башҡортостан 100»
супер марафонында ҡатнашыусы


ba Башҡорт теле был ҡатнашыусының туған теле.
ba-3 Был ҡатнашыусының Башҡорт теле белеме һәйбәт дәрәжәлә.
ru-4 Был ҡатнашыусы урыҫ телен туған теле кеүек белә
Windows logo - 2012.svg
Был ҡатнашыусы Windows ҡуллана



Coat of Arms of Bashkortostan.svg
Был ҡатнашыусы Башҡортостандан



Cat tail ani.gif
Был ҡатнашыусының өйөндә бесәй йәшәү.


Ҡалып:TOCleft

Нисек проектка ярҙам итергә
Тикшереү урындар:
Һайланған эстәлек (кандидаттар):
Башҡа:

яңыртырға | үҙгәртергә


Эске һылтанмаларҙы ҡуйыу өлгөһө[үҙгәртергә | вики-тексты үҙгәртергә]

  • {{comment|һүҙ|тәржемә йә аңлатма}}
  • {{subst:L}}
  • {{10000}}
  • {{Тәржемә ителгән мәҡәлә|ru|Русса исеме|00.08.2018}}
  • {{4РБ100|Alfiya55}}
  • {{Эш өҫтөндә|Alfiya55}}
  • Викидәреслектә мәҡәлә исеме алдынан, категория исеме алдынан префикс (Wb/ba) ҡуймайбыҙ.

Википедиянан → викидәреслеккә һылтанма эшләү өсөн яҙабыҙ:Ер еләге ултыртыу

Викидәреслектән → википедияға һылтанма эшләү өсөн яҙабыҙ: Алмағас ҡорто

Кәрәкле һылтанмалар[үҙгәртергә | вики-тексты үҙгәртергә]

Наградалар[үҙгәртергә | вики-тексты үҙгәртергә]

☆ Орден ☆[үҙгәртергә | вики-тексты үҙгәртергә]

Oxygen480-actions-rating.svg Бер һайланған мәҡәлә
Бер һайланған мәҡәлә яҙған өсөн. --Регион102 (әңгәмә) 11:43, 19 ғинуар 2015 (UTC)

★ Миҙал ★[үҙгәртергә | вики-тексты үҙгәртергә]

Cscr-featuredtopic gold.svg Биш һайланған мәҡәлә
Биш һайланған мәҡәлә яҙған өсөн. --Ryanag (әңгәмә) 03:45, 27 май 2015 (UTC)

☆ Орден ☆[үҙгәртергә | вики-тексты үҙгәртергә]

Bashkortostan Barnstar silver.png
Көмөш орден
Башҡорт Википедияһында мәҡәләләр яҙыу буйынса бик ҙур эш башҡарғанығыҙ өсөн
Алдағы эшегеҙҙә тик уңыштар теләйем һәм 1000 һәм 10000 проектары буйынса
мәҡәләләр яҙырға саҡырам, оло ихтирам менән Ryanag (әңгәмә) 16:43, 1 август 2015 (UTC)

☆ Орден ☆[үҙгәртергә | вики-тексты үҙгәртергә]

Asia medal.svg Азия айлығы-2015
«Азия айлығы-2015» марафонында әүҙем ҡатнашҡанығыҙ өсөн орден. --Ryanag (әңгәмә) 07:59, 13 декабрь 2015 (UTC)

☆ Миҙал ☆[үҙгәртергә | вики-тексты үҙгәртергә]

PODY barnstar.png Ун һайланған мәҡәлә
Ун һайланған мәҡәлә яҙған өсөн. --Ryanag (әңгәмә) 07:51, 16 декабрь 2015 (UTC)

☆ Орден ☆[үҙгәртергә | вики-тексты үҙгәртергә]

Bashkortostan Barnstar.png
Алтын орден
Башҡорт Википедияһында һайланған һәм яҡшы мәҡәләләр, 1000 һәм 10000 проектары исемлектәренә
ингән мәҡәләләр яҙыу буйынса бик ҙур эш башҡарғанығыҙ өсөн

Алдағы эшегеҙҙә һәм тормошоғоҙҙа тик уңыштар теләйем, оло ихтирам менән Ryanag (әңгәмә) 05:38, 31 ғинуар 2016 (UTC)

Юбилей менән!!![үҙгәртергә | вики-тексты үҙгәртергә]

Ысын күңелдән оло юбилейығыҙ менән тәбрик итәм. Ижади уңыштар һәм ныҡлы һаулыҡ теләйем. --Айсар (әңгәмә) 09:29, 9 октябрь 2015 (UTC)

Иран һәм Тунис викимарафоны[үҙгәртергә | вики-тексты үҙгәртергә]

☆ Миҙал ☆[үҙгәртергә | вики-тексты үҙгәртергә]

BoNM - Iran Hires.png Иран викимиҙалы
«Иран һәм Тунис» һәм «Мириада» проекттары сиктәрендә Иран тураһында күләмле мәҡәләләр яҙғанығыҙ өсөн.

--З. ӘЙЛЕ (әңгәмә) 04:26, 4 июль 2017 (UTC)

☆ Миҙал ☆[үҙгәртергә | вики-тексты үҙгәртергә]

BoNM - Tunisia Hires.png Тунис викимиҙалы
«Иран һәм Тунис» һәм «Мириада» проекттары буйынса Тунис тураһында күләмле мәҡәләләр яҙғанығыҙ өсөн.

--З. ӘЙЛЕ (әңгәмә) 04:26, 4 июль 2017 (UTC)

Әзербайжан айлығы[үҙгәртергә | вики-тексты үҙгәртергә]

Azerbaijan Barnstar (bronze).svg Әзербайжан айлығында әүҙем ҡатнашыуығыҙ өсөн. З. ӘЙЛЕ (әңгәмә) 11:06, 7 декабрь 2017 (UTC)

Рәхмәт билдәһе[үҙгәртергә | вики-тексты үҙгәртергә]

Olympic Barnstar Hires 2.png «Олимпия викимарафоны»
проектынан рәхмәт билдәһе
Olympics.gif Олимпия викимарафоны өсөн яҙылған яңы мәҡәләләр өсөн.
Артабанда Башҡорт Википедияһы киңлектәрендә ижади уңыштар теләйбеҙ, ҙур рәхмәт!

Бүләктәрем[үҙгәртергә | вики-тексты үҙгәртергә]

2017 йылдың 1 сентябренән 2018 йылдың 31 майына тиклем үткән вики-марафондарҙа алған бүләктәрем

Бүләктәрем

Текстарым[үҙгәртергә | вики-тексты үҙгәртергә]





"Башҡортостан ҡыҙы" журналы, №3 (март, 2015)[үҙгәртергә | вики-тексты үҙгәртергә]

Киләсәккә мираҫ[үҙгәртергә | вики-тексты үҙгәртергә]

Википедия – виртуаль донъяның иң күләмле проекттарының береһе. Маҡсаты – Ерҙәге бөтә телдәрҙә тулы энциклопедия булдырыу. Унда ингән һәр мәғлүмәт кешелек тарихына мәңгелеккә инеп ҡаласаҡ. Википедияны төҙөү эшмәкәрлеген «Викимедиа» коммерцияға ҡарамаған партнерлыҡ ойошмаһы координациялай, энциклопедияның мәҡәләләрен донъяның ирекмәндәре яҙа – ысын мәғәнәһендә халыҡсан проект ул. Унда ингән мәғлүмәттәр башҡа телдәргә лә тәржемә ителә. Телде һаҡлау һәм үҫтереү йәһәтенән был проекттың әһәмиәте баһалап бөткөһөҙ ҙур. Бындай проекттан ситтә ҡалыу заман арбаһынан төшөп ҡалыуға тиң булыр ине.

Википедия 2001 йылдың 15 ғинуарында инглиз телендә рәсми асыла. Әлеге көндә 770 телдә эшләнә. Шуларҙың 277-һе үҙ аллы проект статусына эйә. Башҡорт Википедияһы 2005 йылдың 16 апрелендә үҙаллылыҡ ала.

Шөкөр, Башҡорт Википедияһы бар, үҫә, тулылана. Быйыл уға 10 йыл тула. Юбилей айҡанлы «Вики-һабантуй-2015» тигән саралар йыйылмаһы ғәмәлгә ашырыла башланы. Әле ирекле энциклопедияға мәҡәләләр яҙыу һәм башҡа телдәрҙә булғанды тәржемә итеү буйынса конкурс бара. Башҡорт Википедияһында теркәлеп, был бәйгелә һәр кеше ҡатнаша ала. Еңеүселәргә аҡсалата бүләктәр ҡаралған.

Йәнә «Вики-Һабантуй-2015»тең логотибын, Башҡорт Википедияһының тантаналы логотиптарын эшләү, Викигид проектында башҡортса һөйләшлек төҙөү сараларын ойош- тороу күҙҙә тотола. Ә 24 – 26 апрелдә «Википедия һәм мәғлүмәт йәмәғәтселеге» тигән халыҡ-ара асыҡ ғилми- ғәмәли конференция үтәсәк. Унда белемде ирекле таратыу теорияһы һәм ғәмәлиәте, идеологияһы һәм технологияһы мәсьәләләре, башҡа виртуаль белем сығанаҡтары темалары ҡараласаҡ. Сарала донъя кимәлендә билдәле ҡунаҡтар ҡатнашыуы көтөлә. Әйтәйек, Викимедиа фондының Телдәр комитеты ағзаһы, программист, лингвист Әмир Аарони (Израиль) ҡатнашыусылар исемлегенә теркәлгән. Рәсәйҙең төрлө төбәктәренән Википедияның башҡа телдәрҙәге проекттарын эшләүселәр, шулай уҡ үҙебеҙҙең энциклопедияны ижад итеүсе ирекмәндәр сығыш яһаясаҡ. Ошо юҫыҡтағы уй-фекерҙәре, тәҡдимдәре менән уртаҡлашырға теләгән һәр кем был конференцияла ҡатнашыу мөмкинлегенә эйә.

Башҡорт Википедияһының 10 йыллығына арналған сараларҙың сығымдарына Һөбә йыйыу иғлан ителгән, ярҙам итергә теләге булған һәр кем үҙ өлөшөн индерә ала. Башҡортостан ауыл-ҡасабалары, ҡалалары тураһындағы бүлекте тулыландырыу айырыуса көнүҙәк эш булып тора. Башҡорт Википедияһын булдырыуҙа әүҙем эшләгән ғалимә Гүзәл Ситдиҡова был ғәмәлде атҡарыу тәртибен аңлата: «Гуглда Башҡорт Википедияһынан ауыл-ҡасабағыҙҙы, ҡалағыҙҙы атамаһы аша эҙләп алығыҙ ҙа, асылғас, иғтибар менән ҡарап сығығыҙ. Мәҡәләне тотош асып та, бүлектәрен генә асып та төҙәтергә, тулыландырырға була. Нисек асырғамы? Өҫтә Үҙгәртергә тигән яҙыу күрерһегеҙ. Шуға баҫһағыҙ, мәҡәләгә инәһегеҙ. Теләгән нәмәне яҙып ҡуйырға була. Бүлек өҫтөндәгеһе шул бүлекте генә аса. Яҙып бөткәс, Яҙҙырып ҡуйырға тигән функцияға баҫаһығыҙ». Башҡорт Википедияһына ҡарата бөтә мәғлүмәтте, һылтанмаларҙы «Бәйләнештә» сайтындағы vk.com/bash_wikipedia битендә табырға була. Интернетта донъя күләмендәге проекттарҙан беҙгә тағы ла йәһәтерәк Гугл тәржемәсеһенә ҡушылыу фарыз. Әле унда дүрт төрки тел ингән. Эш, Башҡорт Википедияһы администраторы Рөстәм Нурыев әйтеүенсә, «бер нисә йыл ваҡыт талап итәсәк. Бының өсөн миллиондарса һөйләмдән, һүҙбәйләнештән торған бол төҙөргә, бер нисә тел менән параллель булған текстар базаһы эшләргә кәрәк». Википедияны киләһе быуындарға иң ҡиммәтле мираҫыбыҙ итеп эшләйек. Үҙен башҡорт тип һанаған, башҡорт телендә һөйләшкән йә башҡорт телен өйрәнергә теләгән, халҡының тарихы, ижады, шәхестәре, эшмәкәрлеге менән ҡыҙыҡһынған һәр кем өсөн ул оло хазина булыр.

Әлфиә АҠБУТИНА.


Викиконференцияға докладым[үҙгәртергә | вики-тексты үҙгәртергә]

КОМПЬЮТЕР ТӨШӨНСӘЛӘРЕНӘ БАШҠОРТСА АТАМАЛАР ЭҘЛӘЙБЕҘ[үҙгәртергә | вики-тексты үҙгәртергә]

Акбутина А.Н.,
Российская Федерация, Республика Башкортостан, г. Уфа.
Член Союза журналистов РФ и РБ.

Википедия – виртуаль донъяның иң күләмле энциклопедик проекттарының береһе. Унда ингән һәр мәғлүмәт кешелек тарихына мәңгелеккә инеп ҡаласаҡ. Википедиялағы мәғлүмәттәр башҡа телдәргә лә тәржемә ителгәнлектән үҙебеҙҙе донъяға танытыу йәһәтенән Википроекттар беҙгә бик ҙур ярҙам күрһәтә ала. Бындай проекттан ситтә ҡалыу заман арбаһынан төшөп ҡалыуға тиң булыр ине. Шөкөр, Башҡорт Википедияһы бар, үҫә, тулылана. Телде һаҡлау һәм үҫтереү йәһәтенән дә проекттың әһәмиәте баһалап бөткөһөҙ ҙур. Башҡорт Википедияһы проектының береһендә – Викиһүҙлектә - мин байтаҡ йылдар элек теркәлһәм дә, ваҡыт булмау сәбәпле эшендә әүҙемлек күрһәтә алманым. 2013 йылда Башҡорт проекттарына ҡушылдым. Илдар Кинйәбулатов ойошторған ВКонтакте сайтының интерфейсы тәржемәһен башҡарҙыҡ. Хаҡлы ялға сыҡҡас, Википедияла ла, Башҡорт проекттарында ла эшләргә ваҡыт була башланы. Илдар Кинйәбулатов Башҡорт китапханаһы проектына саҡырҙы, унан Интернет һәм компьютер терминдары терминологияһы тигән тармаҡта координаторлыҡ бурыстары йөкмәтелде. Әле мөмкин булған тиклем терминология менән эшләйем. Селтәрҙән рус һәм инглиз телдәрендәге терминдарҙы йыйыу менән мәшғүлмен, терминдар тәржемәһен дә иғтибарҙан ҡалдырмаҫҡа тырышам. Скайп тәржемәһендә, Википедия терминдары буйынса ВКонтактелағы чаттарҙа барған бәхәстәр һөҙөмтәһендә теге йәки был термин буйынса күпселек тәҡдим иткән варианттарҙы һүҙлеккә индерәм, ҡайһы берҙә үҙем дә бәхәс темаһы тәҡдим итәм. Әлегә Викитерминология менән Интернет һәм компьютер терминологияһы айырым-айырым үҫеш кисерә. Уларҙың бер-береһе менән тығыҙыраҡ хеҙмәттәшлек итеүе, терминдарҙы стандартлаштырыу бурысы алдыбыҙҙа тора. Сөнки әлегә бер үк терминдың төрлөсә алыныу осраҡтары байтаҡ. Тимәк, уларҙы унификациялау, бер базаға туплау – өлгөрөп еткән мәсьәлә.

Терминдар тәржемә итеүҙә төрлө йәштәге, төрлө тармаҡта уҡып йә эшләп йөрөгән, төрлө ҡараштарҙа торған, техник һәм тел йәһәтенән төрлө әҙерлекле кешеләр ҡатнаша. Ләкин уларҙың байтағын компьютер тигән үҙәк төшөнсә тирәһендә булған бөтә терминдарға башҡортса эквивалент табырға ынтылыш берләштерә. Был ынтылыш шул тиклем көслө, хатта рус теленән генә түгел, ғәрәп, фарсы телдәренән ингән һүҙҙәрҙе лә ҡулланмаҫҡа тырышыу тенденцияһы көсәйә.

Был күренештең кире яғы ла, ыңғай яҡтары ла бар. Хилафлыҡты шунда күрәм: терминдар мотлаҡ башҡорт телендә яңғырарға тейеш тигән принцип менән эш ителһә, улар араһында таныш булмаған йә, таныш булып та, бөтөнләй өр-яңә мәғәнә алған һүҙҙәр күп буласаҡ. Һөҙөмтәлә был терминдар тупланмаһының үҙенә аңламалы һүҙлек кәрәк булып, бик һирәктәр генә уны ҡулланасаҡ. Үтә яңы яңылыҡ халыҡты өркөтәсәк, әлбиттә. Уның ҡарауы отошло яҡтары күберәк.

Беренсенән, башҡорт теле бөтә донъя өсөн һуңғы осор ҡаҙанышы булған өр-яңы компьютер һәм интернет терминдары иҫәбенә байыясаҡ.

Икенсенән, был терминдарҙың күпмелер өлөшө ошо тармаҡтың тар белгестәре өсөн генә кәрәк булһа, байтаҡ өлөшө бик киң ҡулланыуға сығасаҡ, сөнки уларҙы һәр кемгә отоп алырға, көндәлек тормошонда файҙаланырға тура килә. Башҡа бер тармаҡтың да терминдары, һөнәри лексикаһы компьютер терминдары шикелле киң ҡулланыуға инә алғаны юҡ ине әле, улар һәр ваҡыт ниндәйҙер һөнәр эйәләренең тар ғына файҙаланыуында булды. Компьютер техникаһы, мобиль ҡорамалдарҙы хәҙер кешелек кесе йәштән тигәндәй тотонғанлыҡтан уның терминдары ла халыҡ аңына һәм теленә һәғәтендә үк инә бара. Ошо сәбәпле, компьютер менән үҙ телендә “һөйләшеүселәр” ни тиклем күп булһа, мөмкин тиклем ҙур күләмдә ижад ителгән башҡортса терминология ла йәштәрҙең тел белеү һәләтен арттырасаҡ.

Шулай булғас, компьютер терминдарын тәржемәләп, халыҡҡа тәҡдим итеү – бик мөһим эш. Әлбиттә, рус теле беҙгә ҙур конкуренция барлыҡҡа килтерә. Башҡортса белмәгән йә икмәк-тоҙлоҡ ҡына белгән йәштәр компьютер менән тик русса аралаша. Телде яҡшы белгәндәр араһында ла русса интерфейстарҙан башҡортсаға күсмәүселәр күп, быны раҫлаған һандар бар.

Халыҡты башҡортса интернетҡа күсереү проблемаһы, әлбиттә, бик ҡатмарлы. Уны хәл итеү юлдары ла барҙыр. Был йәһәттән донъяла ныҡлы хакимлығын урынлаштырған бер тенденция өмөтләндерә: хәҙер һәр кемдең үҙ тамырҙарын, үҙ телен, мәҙәниәтен, йолаларын белергә тейешлеге бәхәсһеҙ ҡабул ителә торған аксиомаға әйләнеп бара, үҙ телеңде белмәү хупланмай. Беҙҙең йәштәр араһында ла, кемеһе – эске талаптарынан сығып, кемеһе – быны мода тип ҡабул итеп булһа ла, үҙ теленә, шул иҫәптән компьютер терминдарына, иғтибарлыраҡ ҡарай һәм уларҙы ҡуллана башлар, тип ышанырға кәрәк. Һәр хәлдә халыҡта ундай ихтыяж тыуған мәлгә беҙҙең терминологик һүҙлектәр ҙә, тәржемә ителгән интерфейстар ҙа әҙер торасаҡ.

Шул уҡ ваҡытта компьютер – ул бар донъяны яулап алған интернациональ күренеш, шулай булғас, унда интернациональ һүҙҙәрҙең бөтәһенән дә баш тартып бөтөү мөмкин түгел. Айырыуса беҙҙә теге йәки был терминдың мәғәнәһен яҡынса ғына булһа ла атарлыҡ һүҙ табылмау осраҡтары, тәбиғи, әҙ түгел.

Терминдарҙы тәржемә итеүҙең ғилми яҡтан эшләнгән әҙер методикаһы юҡ, шуға беҙ ул методиканы эш барышында үҙебеҙ ижад итәбеҙ. Чатта фекер алышабыҙ, бәхәсләшәбеҙ, һәр кем үҙ вариантын тәҡдим итә, уны яҡлап, һүҙлектәргә, башҡа төрки телдәрҙә нисек алыныуына һылтана. Был йәһәттән Гугл-тәржемәсе ярҙамға килә – терминдың төрөк, ҡаҙаҡ, үзбәк, әзери, татар телдәрендә нисек алынғанын барлап сығабыҙ. Инглиз теленән тура башҡортсаға әйләндереп ҡарау алымы ла ҡулланыла, туранан-тура тәржемә иткәндә тапҡыр ғына килеп торған һүҙ табыу осраҡтары ла булғыланы. Һүҙҙең этимологияһын, төрлө мәғәнәләрен ентекләп күҙҙән үткәрәбеҙ.

Тағы шуныһы: “ҡәҙимге бер һүҙ ҙә инде был, тәржемәһе лә бар, тотабыҙ ҙа ошолай тип алабыҙ”, тип еңел генә тылмаслап та булмай, сөнки ул – термин, һәм дөрөҫ, теүәл аналогты табыу өсөн уның артында ятҡан техник-технологик күренеште, процесты аңлау талап ителә. Уныһын тәфсирләп ҡараһаң, быны түгел, бөтөнләй икенсе һүҙ табыу зарурлығы асыҡлана.

Тәржемәлә ҡатнашыусылар араһында тағы ла диалект һүҙҙәрен, ҡулланылыштан төшөп ҡалған һүҙҙәрҙе киңерәк ҡулланыу тәҡдиме йыш ишетелә. Тик был осраҡта үрҙә телгә алынған проблема килеп тыуыуы көн кеүек асыҡ, йәғни аңлайышһыҙ һүҙҙәрҙең кешене беҙҙең тәржемәнән тиҙ биҙҙереү ихтималлығы ҙур. Шунлыҡтан әлегә ундай һүҙҙәрҙе күпләп ҡулланыу – үҙмаҡсат түгел, ләкин киләсәктә телебеҙҙе сит һүҙҙәрҙән азат итеү буйынса эшмәкәрлек дауам итер һәм диалектизмдар, архаизмдар араһынан ҡайһы берҙәренең заманса яңһыраш алыуы, яңыса тормош башлауы бик тә ихтимал. Интернет-терминдар өлкәһе ғилми ҡараш талап итә, улар һәр яҡлап тикшерелһә, беҙҙең тәҡдим иткән варианттарға фәнни баһа бирелһә, тағы ла яҡшыраҡ булыр ине. Ләкин был эш менән шөғөлләнә торған ғалимдарҙың да төрлө яҡлап белемле булыуы шарт. Лингвист булыу ғына етмәй, техник һәм технологик күренештәрҙе аңлап эш итеү, инглиз телен дә белеү мөһим буласаҡ бындай эшкә тотонаһы фән белгесенә. Бәлки, шул сағында тәржемә методикалары ла барлыҡҡа килер, бөтә эш ғилми талаптарға ярашлы алып барылыр ине.

Юғиһә эш барышында эмоцияларға буйһоноп китеү осраҡтары ла булғылай. Йәғни теге йәки был һүҙгә аналог эҙләгәндә оҡшай-оҡшамай, ҡолаҡҡа ята-ятмай тигән критерий өҫкә сығып киткеләй. Әлбиттә, был һис тә дөрөҫ түгел. Интернет терминдары шикелле аныҡ һәм теүәл төшөнсәләр менән эш иткән өлкә берәмектәре тураһында һүҙ барғанда бындай критерий ҡулай түгел генә түгел, хатта зарарлы.

Компьютер һәм интернет технологиялары бер көнгә лә үҫештән туҡтамай, шунлыҡтан бындай технологик революция шарттарында һәр күренешкә тәғәйен термин сығып торорға тейеш. Компьютер технологияларын инглиз телле мөхит эшләй, шунлыҡтан терминдар ҙа инглиз телендә хасил була ла башҡа телдәргә күсеү процесын башлай. Тимәк, был бер ваҡытта ла туҡтамай торған күренеш буласаҡ. Терминдарҙы башҡорт теленә тәржемә итеү менән дә бер генә быуын шөғөлләнмәҫ әле.

Компьютер терминдары системаһын үҫтереүҙә ҡатнашырға ниәт иткән һәр кем беҙҙең проекттарға ҡушыла, был мөһим эшмәкәрлеккә үҙ өлөшөн индерә ала. Викиһүҙлектә лә, Башҡорт проекттарындағы Терминология бүлегендә лә эш етерлек.

25.04.2015