Juhudi Kilimo

Википедия — ирекле энциклопедия мәғлүмәте
Перейти к навигации Перейти к поиску
Juhudi Kilimo
Тип

шәхси компания

Нигеҙләнгән

2004

Нигеҙләүсе

Алеке Дондо (ингл. Aleke Dondo)

Уранлашыуы

Найроби (Кения)

Төп фигуралар

Бернард Кивава (ингл. Bernard Kivava)

Тармаҡ

Микрокредитлау

Сайт

http://juhudikilimo.com/

Juhudi Kilimo Company Limited[1] — Кениялағышәхси компания, ваҡ фермерҙарға микрокредиттар, беренсе сиратта производство активтары алыуға, бирә, шулай уҡ уларҙың уҡыуын ойоштора[2][3][4][5].

Ойошторолоуы[үҙгәртергә | вики-тексты үҙгәртергә]

Juhudi Kilimo проекты 2004 йылда Алеке Дондо (ингл. Aleke Dondo) тарафынан ул киңәйткән K-Rep Development Agency коммерцияға ҡарамаған ойошмаһының структура өлөшө булараҡ нигеҙләнә. 2009 йылда проект айырым компания итеп үҙгәртелә[6].

Juhudi Kilimo штаб-фатиры Найробиҙа (Кения) урынлашҡан[4].

Алеке Дондо (ингл. Aleke Dondo) Juhudi Kilimoның идеологы, беренсе етәксеһе (CEO) һәм һуңынан директорҙар советының беренсе етәксеһе була[4]. 2010 йылдың октябренән 2015 йылдың апреленә тиклем компанияға Нат Робинсон (ингл. Nat Robinson[4]) етәкселек итә.

2015 йылдың апреленән Бернард Кивава (ингл. Bernard Kivava)[7] компания етәксеһе була.

Компанияны фондлаусы социаль инвесторҙар: Acumen (2011)[8], Grameen Foundation[8], «Асыҡ йәмғиәт» институты (Soros Economic Development Fund), Форд фонды, Рокфеллер фонды, Kiva һ.б.[3].

Эшмәкәрлеге[үҙгәртергә | вики-тексты үҙгәртергә]

Juhudi Kilimo — классик микрокредитлау ойошмаһы, Кенияның төпкөл төбәктәрендәге ваҡ фермерҙарға үтескә аҡса бирә[3][4].

Juhudi Kilimo'ның төп үҙенсәлеге — кредит бирер алдынан фермерҙы уҡытыу[3][4]. Курс үткәндә үтескә дәғүә итеүселәр финанс һәм ауыл хужалығы белемдәре ала, компанияны ойоштороусылар фекеренсә, был белемдәр хужалыҡтың һөҙөмтәлелеген күтәрә һәм ваҡ эшҡыуарҙарға табышлыраҡ эшләү мөмкинлеген бирә[3][4].

Juhudi Kilimo ил эсендә киң ҡулланыла торған ауыл хужалығы продукцияһы етештереүселәрҙе — һөт һыйыры һәм кәзә, ҡош-ҡорт, сусҡа, кролик һәм башҡа мал-тыуар аҫраусыларҙы, балыҡсылыҡ менән шөғөлләнеүселәрҙе финанслай; ауыл хужалығы техникаһы, шул иҫәптән һуғарыу һәм продукция эшкәртеү техникаһы алыуға, транспорт, шул иҫәптән мотоцикл, велосипед һ.б., ауыл хужалығы тауарҙары ташыу транспорты алыуға кредит бирә[3][4].

Үтескә алыусылар менән эш нигеҙҙә «кредит офицерҙары» аша тормошҡа ашырыла, улар үҙҙәренә бирелгән планшеттар аша махсус онлайн платформа аша компания менән бәйләнеш тота[3].

Эшмәкәрлек күрһәткестәре[үҙгәртергә | вики-тексты үҙгәртергә]

2010 йылда Juhudi Kilimo 7 500-ләп фермерҙы финансланы, атап әйткәндә, 1 834 һыйыр һатып алыуға кредит бирҙе, был уртаса фермерға килемдәрен ике-өс тапҡыр арттырырға мөмкинлек асты[2].

2012 йылда Juhudi Kilimo операцион рентабеллелеккә сыға[3].

2013 йылдың мартына Juhudi Kilimo йәмғеһе 10 000 үтес бирә[9].

2014 йылға Juhudi Kilimo 20 120 фермерға бөтәһе 11,7 миллион АҠШ долларынан ашыуыраҡ суммаға кредит бирә[3]. Үтескә бирелгәндең кире ҡайтарылыу кимәле 95 % тәшкил итә[3].

Баһалар[үҙгәртергә | вики-тексты үҙгәртергә]

2011 йылда Шваб фонды Juhudi Kilimo компанияһын асҡан Алеке Дондоны Йылдың социаль эшҡыуары тип атаны[2]. Ул ваҡытҡа Алеке Дондоны «Көнсығыш Африканың микрофинанслау олатаһы» тип йөрөтәләр ине инде[2].

2013 йылдың апреленә Juhudi Kilimo АфрикалаB Lab сертификатлаған беренсе компанияға әүерелде[6].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]