БигМатур

Википедия — ирекле энциклопедия мәғлүмәте

«БигМатур» («Бигматур») — Өфөнөң музыкаль коллективы, «коммерцияға ҡарамаған, продюсерһыҙ проект»[1].

2008 йылда (вариант: 2009 йылда[2]) ойошторолған. Лидерҙары — бер туған Эрнест менән Марсель Йәнекәйевтәр, төркөм клиптарының авторҙары ла улар. «Егеттәр йырҙарҙы төрлө музыкаль стилдәрҙә ижад итә һәм һөйәрмәндәрен ғәжәпләндереүҙән туҡтамай», — ти интервью алыусы[3], ә икенсе бер интервьюла музыканттар былай ти: «беҙ үҙебеҙҙе ниндәй ҙә булһа стилгә бәйләп ҡуйырға теләмәйбеҙ»[4].

Өфө йәштәренең «AVANTE» премияһының[5] «Иң яҡшы музыкаль төркөм һәм башҡарыусы»[6] номинацияһындағы лауреаты.

Беренсе клип — «Уфа — столица r’n’b» youtube-ҡа һалынған[7]. Эрнест Йәнекәйев әйтеүенсә, «премьера йыры һәм клибы беҙгә танылыу килтерҙе»[8]. Стиль — аранжировкаланған милли музыка мотивтары һәм башҡорт телендәге юлдар ҡатнаштырылған рэп. Марсель Йәнекәйев клипты яҙыу һәм төркөмдө ойоштороу тураһында һөйләгәндә ошоларҙы әйтә: «Тыуған ҡалабыҙ тураһында мәрәкә йыр яҙғыбыҙ килде, ә r’n’b аббревиатураһы беҙҙең осраҡта Республика Башкортостан тип сиселә… Башҡарыу стиле йырҙың исеменә ҡарап һайланды, һуңынан иһә модалы йүнәлешкә тап килтерер өсөн ваҡ-төйәгенә тиклем һәммәһен уйланыҡ»[8]. Был клип Башҡортостан баш ҡалаһының символына әйләнә. Russia Today компанияһы Өфө тураһында репортаж эшләгәндә сюжетҡа видеоклиптың бер өлөшөн һәм музыканттар менән интервьюны ҡуша[9]. «Репортерҙар фекеренсә, беҙҙең эштә башҡорт халҡының бөтә колориты бирелгән, — ти вокалсы Эрнест Йәнекәйев. — Клип республика образын заманса интерпретацияла бирә — ҡурай ҙа бар бында, өсбосмаҡ та, ҡымыҙ ҙа»[8]. Өфө темаһын бер туған Йәнекәйевтәрҙең «Мир глазами Темы» тигән ролик дауам итә[10], ул Артемий Лебедев иғлан иткән конкурста ҡатнаша[11].

«Коллективная любовь» йырына клип ретро-стилдә ижад ителгән. «Беҙ, — ти ағалы-энеле Йәнекәйевтәр интеревьюла, — 70-се йылдарҙа кешеләрҙең ысынында ниндәй булғанын күрһәтергә теләнек. Ниәтебеҙ килеп сыҡты шикелле, сөнки ата-әсәләребеҙ бик маҡтаны». Атмосфера видеотеҙмәһен хасил итеү өсөн 1970-се йылдар антуражы ҡулланыла: кефир шешәһе һәм башҡа һауыт-һаба, винтаж кейем, прическа һәм башҡалар. Төркөм үҙе «Веселые гитары» ВИА-һы тигән исем ала. Клип дүрт көн буйы Черниковкала — «ваҡыт йоғонтоһона сағыштырмаса әҙ бирелгән районда»[12], Орджоникидзе исемендәге мәҙәниәт һарайы артында төшөрөлә. Роликта төшкән берҙән-бер профессионал — Башҡортостан Республикаһы рус дәүләт академия драма театры актеры Валерий Гриньков.

«The Brightest Star!»[13] йырына эшләнгән клипта BigMaturBoys тигән атама алына. Стиль — европоп. Ул Ғафури районында, Өфөнән 150 километр алыҫлыҡта, 15-16 июлдә төшөрөлә. "Бер туған Йәнекәйевтәрҙең «Самая яркая звезда» тигән видеоһы ай башынан бирле Интернет киңлектәрен яулай. Ҡулланыусылар фекеренсә, «Big Matur» йәнә ғәжәпләндерҙе һәм көлдөрҙө. Ым-ишараның тәьҫирлелеге һәм һағышлы ҡараштар Рәсәй попсаһына яуап кеүек ҡабул ителә. «Big Matur»ҙың яңы клибы бик ирониялы, әммә алдағыһын һис ҡабатламай.[14]

«Это хоккей!»[15] йырына клип Салауат ҡалаһындағы «Салауат» стадионында төшөрөлә. Стиле — рок, музыканттар әйтеүенсә, йырҙың сюжеты уға тап килә: «музыкаль стилде һайлағанда логика ябай ине: хоккей тураһындағы музыка „башлыса рок йүнәлешле булырға тейеш“»[16]. Клипта «Юрматы» командаһының кесе хоккей төркөмө уйынсылары төшә[17]. Был юлы музыканттар Bigmatur Crew тигән атамаға туҡтала.

Һылтанмалар[үҙгәртергә | сығанаҡты үҙгәртеү]

  1. Официальный сайт 2016 йыл 4 март архивланған.
  2. «Веселые гитары» выжили «БигМатур» с уфимской сцены 2016 йыл 27 декабрь архивланған. Статья о создании клипа на песню «Коллективная любовь».
  3. Айгуль Хафизова. Братья Еникеевы: «Конкурировать с татарскими исполнителями мы не будем» 2016 йыл 27 декабрь архивланған.
  4. Профайл группы(недоступная ссылка)
  5. Проект «Big Matur» — «самые яркие звёзды», 17.09.2008(недоступная ссылка)
  6. Светлана Валиева. Bigmatur сыграл в «хоккей». Сайт «Кликни Уфу!» http://proufu.ru/content/view/2554 (битая ссылка, есть кэш)
  7. Элина Усманова. Big Matur снимает клип в Салавате!// «Салаватский нефтехимик». № 51 (4833). 27.12.2008 http://eng.snos.ru/files/file/27.12.pdf(недоступная ссылка)

Иҫкәрмәләр[үҙгәртергә | сығанаҡты үҙгәртеү]

  1. ↑ http://eng.snos.ru/files/file/27.12.pdf(недоступная ссылка)
  2. ↑ Бигматур г.(недоступная ссылка)
  3. ↑ «Веселые гитары» выжили «БигМатур» с уфимской сцены МедиаКорСеть 2016 йыл 27 декабрь архивланған.
  4. ↑ Уфапортал(недоступная ссылка)
  5. ↑ Ежегодная городская молодёжная общественная премия «AVANTE» Комитет по молодёжной политике Администрации городского округа г.
  6. ↑ УфаАРТпортал(недоступная ссылка)
  7. ↑ Уфа — столица R&B! — YouTube
  8. ↑ 8,0 8,1 8,2 Братья Еникеевы: «Конкурировать с татарскими исполнителями мы не будем» МедиаКорСеть 2016 йыл 27 декабрь архивланған.
  9. ↑ Bigmatur on Russia Today channel — YouTube
  10. ↑ Мир глазами Тёмы — YouTube
  11. ↑ tema.livejournal.com/923576.html
  12. ↑ В 2009-м звезды воевали с гриппом и завоевывали зрителя МедиаКорСеть 2017 йыл 11 март архивланған.
  13. ↑ The Brightest Star!
  14. ↑ Уфапортал(недоступная ссылка)
  15. ↑ Это хоккей!
  16. ↑ Bigmatur сыграл в «хоккей» — Кликни Уфу!
  17. ↑ Администрация городского округа город Салават | Официальный сайт " «Это хоккей» 2015 йыл 16 июнь архивланған.
«https://ba.wikipedia.org/w/index.php?title=БигМатур&oldid=1269712» битенән алынған