Сколл фонды

Skoll Foundation
Сколл фонды
Фонд Сколла
	Skoll Foundation; Сколл фонды; Фонд Сколла
Тип	коммерцияға ҡарамаған халыҡ-ара фонд
Нигеҙләү йылы	1999
Нигеҙләүселәр	Джеффри Сколл
Урыны	Пало-Альто, Калифорния, АҠШ
Төп фигуралар	Джеффри Сколл
Эшмәкәрлек өлкәһе	социаль эшҡыуарлыҡ
Милек	512 млн АҠШ доллары (2011)
Веб-сайт	skollfoundation.org

Сколл фонды (ингл. Skoll Foundation) — АҠШ-та теркәлгән коммерцияға ҡарамаған халыҡ-ара фонд; социаль эшҡыуарлыҡ менән шөғөлләнә — үҫеш кисереүсе илдәрҙә һаулыҡ һаҡлау һәм мәғариф тармаҡтарын инвестициялай^[2].

Ойошторолоуы

Сколл фонды 1999 йылда барлыҡҡа килә, уны нигеҙләгән Джеффри Сколл, eBay'ҙан китеп, компаниялағы өлөшөн 2 млрд АҠШ долларына һатҡас, был сумманың яртыһын Фондҡа һала һәм уның етәсеһе була^[3].

Фондтың штаб-фатиры Пало-Альтола (Калифорния, АҠШ ) урынлашҡан.

«Сколл фонды селтәренә» 2014 йылда түбәндәгеләр инә^[3]:

Лондондағы Оксфорд университетының бизнес-мәктәбе эргәһендәге Фәнни Skoll Centre for Social Enterpreneurship;
Skoll World Forum on Social Enterpreneurship;
Social Edge онлайн форум-общинаһы;
Социаль эшҡыуар-новаторҙарҙың эшен дәртләндереү һәм үҫтереү буйынса Skoll Awards for Social Enterpreneurship грант программаһы.

Эшмәкәрлеге

Мөһим социаль бурыстар араһында Сколл фонды тирә-яҡ мөхиттең тотороҡлолоғона, һаулыҡ һаҡлауға, үҙ-ара түҙемле мөнәсәбәттәргә һәм кеше хоҡуҡтарына, иҡтисади һәм социаль тиңлеккә, тыныслыҡ һәм хәүефһеҙлеккә ҙур әһәмиәт бирә^[3].

2014 йылда Фонд климат үҙгәреүенә, ядро ҡоралы таралыуға, глобаль эпидемияларға, Яҡын Көнсығыштағы конфликтҡа һәм һыу ресусртары етмәүгә айырыуса ҙур иғтибар бүлде^[3].

Гранттар программаһы буйынса өс йыл буйына Сколл фонды һәр проектҡа 1 миллионғаса доллар бүлә һәм уларҙың «тәжрибә-сәнәғәт һынауы» кимәленә сығыуына өлгәшергә тырыша, артабан улар тормошҡа ашырылырға һәм киң таратылырға тейеш буласаҡ^[3].

Сколл фонды Global Impact Investing Network’тың ағзаһы булып тора.

Эшмәкәрлек күрһәткестәре

2000—2010 йылдарға Сколл фонды социаль эшҡыуарлыҡҡа булышлыҡ итеүсе иң эре ойошмаларҙың береһе булып тора^[4]^[5] һәм венчур филантропияһының иң йоғонтоло үҙәктәре иҫәбенә инә. Уның булышлығы менән башҡа ойошмаларҙан, программаларҙан һәм форумдарҙан тотош бер селтәр барлыҡҡа килде^[3].

2010—2011 йылдар мәғлүмәттәре буйынса, Сколл фондының 512 млн долларҙан ашыу күләмдә үҙ активтары була^[1].

Сколл фонды ярҙамын алыусылар араһына, мәҫәлән, Джон Вудтың (ингл. John Wood) Room to Read ойошмаһы инә, ул донъяның иң ярлы төбәктәрендә китапханалар, мәктәптәр төҙөй һәм уларҙың тәьминәте менән шөғөлләнә^[3]. Атап әйткәндә, үҙенә күрһәтелгән ярҙам арҡаһында Room To Read 2010 йылда 10 меңенсе китапханаһын аса алды, бер меңенсе мәктәпте төҙөнө һәм Girls>>Education программаһы аша 10 меңенсе ҡыҙыҡайға ярҙам итте^[3].

Сколл фонды шулай уҡ түбәндәгеләргә ярҙам итте һәм билдәләне: B Lab, Barefoot College, Blue Ventures, Ceres, CrowdRise, Digital Divide Data, Educate Girls, Friends-International, Fundación Capital, KickStart International, M-KOPA, Medic Mobile, Proximity Designs, Slum Dwellers International, VisionSpring, Water & Sanitation for the Urban Poor, Ижтимағи һәм экологик эштәр институты, Экологик хәүефһеҙлек фонды һәм башҡа бик күп ойошмалар, уларҙы ойоштороусылар һәм етәкселек итеүселәр.

Иҫкәрмәләр

↑ ^1,0 ^1,1 Allen Grossman, Sarah Allpeby, Caitlin Reimers. Venture P hilanthropy: Its Evolution and Its Future (ингл.). Harvard Business School (13 июнь 2013). Дата обращения: 25 май 2015. 2015 йыл 25 май архивланған.
↑ Эдвин Дерджи. Джеффри Сколл (Исчезающий вид: 6 самых богатых холостяков Америки) (урыҫ). Forbes (19 сентябрь 2013). Дата обращения: 21 апрель 2015.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 Фридрих Фурман. Как работает филантропия в США. Идеи и практика, ресурсы и организация. — Litres, 2015. — ISBN 978-5-4577-4885-1.
↑ Джоанна Мэйр и Кейт Гэнли Социальное предпринимательство: инновации для устойчивого развития (рус.). — 2010. — С. 109-120. Печатается по: Johanna Mair and Kate Ganly Social Entrepreneurs: Innovating Toward Sustainability (инг.) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — С. 103-109.
↑ Дэвид Борнстейн. Как изменить мир: Социальное предпринимательство и сила новых идей. — Москва: Альпина Паблишер, 2012. — 499 с. — ISBN 978-5-9614-1741-8.

Һылтанмалар

Рәсми сайт: skollfoundation.org.
Twitter: SkollFoundation.

[impetus-pef.org.uk.venture-1] 1,0 ^1,1 Allen Grossman, Sarah Allpeby, Caitlin Reimers. Venture P hilanthropy: Its Evolution and Its Future (ингл.). Harvard Business School (13 июнь 2013). Дата обращения: 25 май 2015. 2015 йыл 25 май архивланған.

[forbes.ru.khol-2] Эдвин Дерджи. Джеффри Сколл (Исчезающий вид: 6 самых богатых холостяков Америки) (урыҫ). Forbes (19 сентябрь 2013). Дата обращения: 21 апрель 2015.

[furm-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 Фридрих Фурман. Как работает филантропия в США. Идеи и практика, ресурсы и организация. — Litres, 2015. — ISBN 978-5-4577-4885-1.

[its-4] Джоанна Мэйр и Кейт Гэнли Социальное предпринимательство: инновации для устойчивого развития (рус.). — 2010. — С. 109-120. Печатается по: Johanna Mair and Kate Ganly Social Entrepreneurs: Innovating Toward Sustainability (инг.) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — С. 103-109.

[born-5] Дэвид Борнстейн. Как изменить мир: Социальное предпринимательство и сила новых идей. — Москва: Альпина Паблишер, 2012. — 499 с. — ISBN 978-5-9614-1741-8.

[1]

[2]

[3]

[4]

[5]