Kоlibri Kapital
| Kоlibri Kapital | |
 | |
| Тип |
Социаль эшҡыуарлыҡ предприятиеһы |
|---|---|
| Нигеҙләнгән |
2000 |
| Уранлашыуы | |
| Тармаҡ |
Микрофинанслау |
| Сайт | |
}} Kоlibri Kapital — Норвегияныңүҫеш илдәрендә фәҡир ҡатламдарға микрофинанс кредиттары биреү өлкәһендә эшмәкәрлек алып барыусы инвестициялау компанияһы. 2000 йылда асылған, штаб-фатиры Ослолаурынлашҡан[1].
Концепцияһы[үҙгәртергә | вики-тексты үҙгәртергә]
Kаlibri Kapital — үҙ акцияларын сығарып, улар менән Swedbank интернет-магазины аша Норвегияның эске баҙарында сауҙа итеүсе инвестицион компания[2]. Акциялар һатыуҙан килгән аҡсаны компания үҫеш илдәрендә микрофинанслау институттары асыуға һала[3], ә улар үҙ клиенттарына льготалы шарттарҙа кредит бирә. Кредит ҡайтарылғандан һуң, аҡса, ҙур булмаған процент өҫтәлеп, Kаlibri Kapital'ға ҡабат әйләнеп ҡайта, шул рәүешле компания үҙ акцияларын тотоусыларға дивидендтар ҙа түләү мөмкинлеген ала[3]. 40 000-дән ашыу кеше компания акционеры булып тора[3].
Компания һайлаған йүнәлешкә ярашлы кредиттар үҫеш илдәрендәге үҙ эшен асҡан фәҡирҙәргә эшмәкәрлеген йәйелдереү йәки йәшәү йә торлаҡ шарттарын яҡшыртыу өсөн бирелә. Кредиттар шәхси активтар, мәҫәлән, ювелир изделиелар, көнкүреш техникаһы менән йә булмаһа үтескә алыусылар төркөмө тарафынан тәьмин ителә ала. Кредиттар, ҡағиҙә булараҡ, ҡыҫҡа ваҡытҡа һәм ҙур булмаған күләмдә бирелә.
2012 йылға компанияның әйләнештәге капиталы 21,2 миллион Норвегия кронаһы тәшкил итә[4].
Компания нигеҙҙә Латин Америкаһы, Азия һәм Африка илдәрендә кредит бирә.
2015 йылға компания үҙенең аҡсаһын түбәндәге төбәк микрофинанс институттарына һала:
- D-FRIF (Боливия)
- Funbodem (Боливия)
- La Sagrada Familia (Боливия)
- D-MIRO (Эквадор)
- Georgian Credit (Грузия)
- Stromme Microfinance East Africa (Уганда, Кения, Танзания һәм Көньяҡ Судан)
Компания мәғлүмәттәренә ҡарағанда, 10 000 кронаға алынған акциялар 30 фәҡир ғаиләгә 5 йыл буйы ярҙам итә[5].
Иҫкәрмәләр[үҙгәртергә | вики-тексты үҙгәртергә]
- ↑ Kolibri Kapital ASA
- ↑ Historien/Bli med på en kort reise gjennom SpareBank 1-alliansens historie
- ↑ 3,0 3,1 3,2 Kolibri Kapital — en ekte Korsveisak
- ↑ Kolibri Kapital ASA is a Norwegian investment company founded in 2000 by Misjonsalliansen and Korsveistiftelsen
- ↑ Kolibri Kapital er inne i en spennende fase, og har store ambisjoner om vekst og økt utlån de neste årene
