Бекеме Масаде

Википедия — ирекле энциклопедия мәғлүмәте
Перейти к навигации Перейти к поиску
Бекеме Масаде
ингл. Bekeme Masade
Bekeme Masade.jpg
Тыуғас бирелгән исеме:

Илобекеме Чикодили Масаде

Эшмәкәрлек төрө:

социаль эшҡыуар

Тыуған көнө:

19 август 1982({{padleft:1982|4|0}}-{{padleft:8|2|0}}-{{padleft:19|2|0}}) (36 йәш)

Тыуған урыны:

Лагос, Нигерия

Гражданлығы:

Нигерия Нигерия

Бекеме Масаде (ингл. Bekeme Masade; 19 август 1982, Лагос) — Нигерия эшҡыуары, яҙыусыһы һәм йәмәғәтселек менән бәйләнештәр белгесе. «CSR-in-Action» тигән социаль предприятиеның нигеҙләүсеһе һәм башҡарма директоры[1].

Масаде кеше ресурстарына идара итеү һәм хеҙмәт мөнәсәбәттәре өлкәһендәге уңыштары өсөн Лондондың Королева Мария университеты наградаһына лайыҡ була[2].

Биографияһы[үҙгәртергә | вики-тексты үҙгәртергә]

Масаде 1982 йылдың 19 авгусында Лагоста тыуа, Бениндың федераль дәүләт ҡатын-ҡыҙҙар колледжын тамамлай. Масаде ғаиләһе менән Лагоста йәшәй һәм бизнес йүнәлешле «CSR-in-Action» социаль платформаһына идара итә, ул корпоратив социаль яуаплылыҡҡа, ҡатын-ҡыҙҙар һәм йәштәр хоҡуҡтарын һәм мөмкинлектәрен киңәйтеүгә, Нигерияла тотороҡло үҫешкә бағышланған.

2005 йылдың февраленән декабренә тиклем Масаде Нигериялағы"Adroit Studios" компанияһында шоуҙарҙы алып барыусы һәм йәмәғәтселек менән бәйләнештәр белгесе булып эшләй. Артабан ул Лагоста "Galaxy Television"да «Musique Graffiti» алып барыусыһы була. 2006 йылда The Guardian британ гәзитенең мөхәррир ярҙамсыһы булып эшләй башлай. 2007 йылда ул, Бөйөк Британияла Кингстон короллек районында торлаҡ төҙөлөшө проекттары координаторы һәм йәмәғәтселек менән бәйләнештәр белгесе булараҡ, сит илдәрҙә эшләү тәжрибәһен ала. Унан һуң Нигерияла «PHB» банкында ISO стандарттарын (Бизнес-процестарҙы камиллаштырыу) индереү буйынса мөдир була.

Масаде 2010 йылда Монреалдә Бөтә донъя энергетика конгресы, 2011 йылда Копенгагенда"United Nations Global Compact Local Network Meet", Нью-Йоркта «Clinton Global Initiative» кеүек халыҡ-ара форумдарҙа һәм БМО-ның Генераль Ассамблеяһында делегат була, «The Nigeria Economic Summit Group» 17-се саммитында доклад менән сығыш яһай.

Социаль эшҡыуар булараҡ, ул Нигерияла йәштәргә булышлыҡ итеүсе төрлө социаль саралар үҙәгендә була[3][4]. 2009 йыл аҙағына «CSR-in-Action» һәм «RedBee Limited» тигән ике компанияны нигеҙләй. RedBee Limited — маркетинг сиселештәре менән шөғөлләнеүсе берләштерелгән компания. «CSR-in-Action» Африкала социаль этиканы, социаль яуаплылыҡты һәм корпоратив идараны пропагандалаусы социаль предприятие булараҡ теркәлгән, фирманың шулай уҡ Көнбайыш Африкала беренсе һәм берҙән-бер корпоратив социаль яуаплылыҡ онлайн порталы бар. Тотороҡло бизнес һәм корпоратив социаль яуаплылыҡ булдырыу буйынса күп һанлы хеҙмәттәре өсөн Масаденың «CSR-in-Action» фирмаһына БМО-ның Иҡтисади һәм социаль советында консультант статусы бирелә[5].

Уны Нигерияла корпоратив социаль яуаплылыҡ һәм тотороҡло үҫеш мәсьәләләре буйынса идея лидеры тип һанайҙар. 2014 йылдың майында Масаде «CSR-in-Action» Нигерия эшҡыуарҙарының тотороҡло үҫеш буйынса беренсе кәңәшмәһен үткәрҙе. Был сарала Нигерия иҡтисадының төрлө тармаҡтарынан 33 бизнес-лидер ҡатнашты[6][7][8][9][10][11].

Иҫкәрмәләр[үҙгәртергә | вики-тексты үҙгәртергә]

  1. CSR-in-Action. csrinaction.org. 25 май 2015 тикшерелгән.
  2. 30 February 2011/43526.html Queen Mary University London. qmul.ac.uk. 25 май 2015 тикшерелгән.
  3. Keynote-speakers. 234give.com. 25 май 2015 тикшерелгән.
  4. Thistle praxis. sustainableconvos.com. 25 май 2015 тикшерелгән.
  5. CSnews. csnewsng.com. 25 май 2015 тикшерелгән.
  6. Sweet Crude Reports. sweetcrudereports.com. 25 май 2015 тикшерелгән.
  7. Plans to set-up nigerian business council underway. blueprint.ng. 25 май 2015 тикшерелгән.
  8. BusinessWorld. businessworldng.com. 25 май 2015 тикшерелгән.
  9. Vanguard Newspapers http://www.vanguardngr.com/2014/05/nigeria-business-leaders-set-development-council/
  10. Nigerian ceos pledge joint action on sustainable development. tribune.com.ng. 25 май 2015 тикшерелгән.
  11. Mutiu sunmonu hosts 25 business-leaders at roundtable on sustainable development. CSR-in-Action. 25 май 2015 тикшерелгән.