Нетребко Анна Юрьевна

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Анна Нетребко
Anna Netrebko - Romy 2013 b.jpg
Анна Нетребко 2013 йылда.
Төп мәғлүмәттәр
Тулы исеме

Анна Юрьевна Нетребко

Тыуған көнө

18 сентябрь 1971({{padleft:1971|4|0}}-{{padleft:9|2|0}}-{{padleft:18|2|0}}) (45 йәш)

Тыуған урыны

Краснодар, РСФСР, СССР

Ил

Рәсәй Рәсәй
Австрия Австрия

Һөнәрҙәре
опера йырсыһы
Йырлау тауышы

лирик-колоратур сопрано[1]

Наградалары
annanetrebko.com
Commons-logo.svg Аудио, фото, видео Викиһаҡлағыста

Анна Юрьевна Нетребко (18.09.1971, Краснодар, РСФСР, СССР) — Рәсәй һәм Австрия опера йырсыһы  (сопрано). Рәсәйҙең халыҡ артисткаһы (2008), Рәсәй Федерацияһы Дәүләт премияһы лауреаты (2004), Кубандең Хеҙмәт геройы (2006).

Биографияһы һәм артислыҡ карьераһы[үҙгәртергә | вики-тексты үҙгәртергә]

Краснодар ҡалаһында, тамырҙары менән Кубань казактарына барып тоташҡан ғаиләлә  үҫә[2]. Әсәһе — инженер, атаһы — геолог. Музыка һәм йыр менән шөғөлләнә. Краснодар крайы Пионерҙар һәм уҡыусылар һарайында «Кубанская пионерия» хорының солисткаһы була[3].

Санкт-Петербург консерваторияһында Тамара Новиченко класында уҡый [4].

1993 йылда М. И. Глинка исемендәге конкурста еңә һәм Мария театрына саҡырыла[5], шунда уны «асҡан» дирижёр  Валерий Гергиев менән киң репертуар башҡара.

1994 йылда Ригаға «Волшебная флейта» бойондороҡһоҙ проектына (Avangarda Akadēmija Рига Бойондороҡһоҙ операһы) Төн Батшабикәһе роленә саҡырыла. Проект авторы һәм режиссёры — Михаил Мамилов, дирижёры — Дэвид Милнс (АҠШ).

1995 йылда Сан-Францискола дебюты була (Людмила, «Руслан и Людмила»).

 Анна Нетребкоға  «Волшебная флейта»ла Памина һәм  «Севильский цирюльник»та Розина ролдәре, шулай уҡ рус операларындағы, атап әйткәндә Глинканың «Руслан и Людмила»һындағы Людмила, Прокофьевтың «Война и мир»ындағы Наташа һәм «Обручение в монастыре» операһындағы Луиза, Римский-Корсаковтың «Царская невеста»һындағы Марфа  партиялары ҙур уңыш килтерә.  Нетребко итальян репертуарында, шул иҫәптән үҙенә хас булмаған бельканто стилендә лә (Вердиҙың «Риголетто»һында Джильда, Пуччиниҙың «Богема»һында Мими, Беллиниҙың «Капулетти и Монтекки»һында Джульетта) уңышлы сығыш яһай.

2002 йылда Нетребко Митрополитен-операла дебют яһай (Наташа, «Война и мир»). Шул уҡ йылда Моцарттың «Дон Жуан» операһында Донна Анна ролендә  Зальцбургтағы фестивалдә Николаус Арнонкур етәкселегендә дебюты була.

2003 йылда Нетребко репертуарына  Джузеппе Вердиҙың «Травиата» операһында Виолетта, «Лючия ди Ламмермур»ҙа төп роль инә, һуңғыһы Los Angeles Operaла башҡарыла, ә Ковент-Гарден сәхнәһенә ул Донна Анна партияһы менән сыға. 

Шул  йылда уҡ Opera Arias, тигән беренсе студия альбомы донъя күрә, ул 2003 йылда академик музыка альбомдарынан иң күп һатылғандарҙың береһе була. 2004 йылда икенсе альбомы — Sempre Libera — сыға.   «Ромео и Джульетта»ла Роландо Вильясон менән парлап сығыш яһауҙары ярайһы уҡ юғары баһалана. Был йырсы менән  Нетребко 2005 йылда  «Любовный напиток»та ла бергә йырлай. Шул уҡ йылды ул Зальцбург фестивалендә Карло Риззи етәкселегендәге оркестр менән «Травиата»ла Виолетта Валери ролен башҡара. 

2004 йылда Нетребко «Дневники принцессы 2» тигән Америка фильмында  үҙе булып уйнай. 

2006 йылдың мартында йырсы Австрия  гражданлығын алыуға ғариза бирә. Әйтеүенсә, ул Венала һәм Зальцбургта йәшәргә йыйына,  Австрия гражданлығы уны виза алғандағы бюрократик процедураларҙан да ҡотҡарыр ине[6]. Австрия ғаризаға 25 июлдә ыңғай яуап бирә, Рәсәй  гражданлығы ла һаҡлана.

2010 йылдың авгусында  «Новая Волна» конкурсында Нетребко  Филипп Киркоров менән бергә «Голос» тигән йырҙы башҡара, шулай итеп, ижадының яңы битен — кроссовер стилен аса. 

2012 йылдың 6 февралендә РФ Президентлығына кандидат, ғәмәлдәге Премьер-министр Владимир Путиндың  [7] ышаныслы кешеһе булараҡ рәсми теркәлә.

Нетребко — «Forbes»  журналы  2011 йыл өсөн төҙөгән донъяға билдәле Рәсәй сәнғәт эшмәкәрҙәре тиҫтәһенең лидеры. Рейтингты төҙөгәндә фигуранттарҙың килеме, шулай уҡ   Google эҙләү системаһында иҫкә алыу йышлығы иҫәпкә алына.  Нетребконың килеме 3,75 миллион доллар тәшкил итә, бер сығышы өсөн  сопрано кәм тигәндә 50 мең доллар ала[8]

Йырсы Сочи Олимпиадаһын асыу тантанаһында Уйындың гимнын башҡара[9].

2014 йылдың майынан ноябренә тиклем «Austrian Airlines» авиакомпанияһының реклама партнёры була[10][11].

2014 йылдың 7 декабрендә Нетребко Донецкиҙың хәрби хәрәкәттәр һөҙөмтәһендә емерелгән  «Донбасс Опера» театрын тергеҙеүгә миллион һум бирә, шул мәлдә Новороссия парламенты рәйесе [12] Олег Царёв менән Новороссия флагы ерлегендә фотоға төшә[13][14]. Австрия Эске эштәр министрлығы был айҡанлы ризаһыҙлыҡ белдерә һәм йырсының ҡылығын тәнҡитләй. Опера йырсыһы «реклама йөҙө» булған «Austrian Airlines» Австрия авиакомпанияһына ла  тәнҡит эләгә[15][16]. Йырсы менән «Austrian Airlines» авиакомпанияһы араһындағы реклама договоры 2014 йылдың 30 ноябрендә үк тамамланһа ла, компания Нетребконың менеджментына аңлатма һорап мөрәжәғәт итә,  был инцидент менән бәйле йырсыға ҡаршы юридик эш-ғәмәлдәр ҡуҙғатылыу мөмкинлеген дә инҡар итмәй [17].

2015 йылдың июнь-июлендә Нетребконың, бас Илдар Абдразаҡовтың, тенор Александр Антоненконың һәм меццо-сопрано Екатерина Губанованың Елена Образцова иҫтәлегенә бағышланған Европа турнеһы үтә. Парижда (Версаль), Венала, Мәскәүҙә, Прагала һәм Барселонала артистар дирижёр Марко Армильято етәкселегендәге  оркестр менән итальян операларынан ариялар башҡара. 7 июлдә Мәскәү консерваторияһындағы концерттың аҙағында унда ҡатнашыусылар Лондонда ауыр сирҙән дауаланып ятҡан баритон Дмитрий Хворостовскийға арналған флэшмоб ойоштора[18][19][20].

Шәхси тормошо[үҙгәртергә | вики-тексты үҙгәртергә]

Анна Нетребко Уругвай баритоны Эрвин Шротт менән йәрәшә[21]. 2008 йылдың 5 сентябрендә Венала улы Тьяго Аруа тыуа[22][23]. 2013 йылдың ноябрендә, алты йыл бергә булғандан һуң, улар айырылышырға ҡарар итә[24][25].

2015 йылдың 29 декабрендә Венала Нетребко Әзербайжан теноры Юсиф Әйвазовҡа (1977 йылғы) кейәүгә сыға[26][27].

 2017 йылға ҡарата Нетребко  Венала һәм Нью-Йоркта йәшәй.

Бүләктәре һәм премиялары[үҙгәртергә | вики-тексты үҙгәртергә]

  • М. И. Глинка исемендәге  Бөтә Рәсәй вокалсылар конкурсы лауреаты (Смоленск, 1993)
  • Н. А. Римский-Корсаков исемендәге II Халыҡ-ара йәш опера йырсылары конкурсы лауреаты  (Санкт-Петербург, 1996)
  • Рәсәйҙең «Casta diva» опера премияһы лауреаты (1998)
  •  Санкт-Петербургтың «Алтын софит» иң юғары театр премияһы лауреаты (1999)
  • Опера сәхнәһендә рус һәм донъя классикаһы образдарын ватан вокал мәктәбен данлар кимәлдә талантлы кәүҙәләндергән өсөн Рәсәй Федерацияһының әҙәбиәт һәм сәнғәт өлкәһендәге 2004 йылғы Дәүләт премияһы лауреаты  (2005)[28]
  • «Музыкальная Америка» журналының «Йыл музыканты» премияһы лауреаты (2007).
  • Рәсәйҙең халыҡ артисткаһы (2008 йылдың феврале)[29][30].
  • «Иң яҡшы ҡатын-ҡыҙ башҡарыусы» номинацияһында 2008 йылғы Classical BRIT Awards премияһы лауреаты [31][32].
  • «Кубандең Хеҙмәт геройы» миҙалы (Краснодар крайы, 2006 йылдың 4 майы)[33]
  • German Media Award (2006)[34]
  • «Голос» йыры өсөн «Алтын граммофон» (2010Филипп Киркоров менән бергә)[35]
  • Echo-Klassik[de] — йыл ҡатын-ҡыҙ йырсыһы (2004, 2005, 2014)[36]

«Gramophone» журналының дан залына индерелгән[37].

Дискография[үҙгәртергә | вики-тексты үҙгәртергә]

CD[үҙгәртергә | вики-тексты үҙгәртергә]

  • 1997 — Глинка: Руслан и Людмила, Philips;
  • 1998 — Прокофьев: Обручение в монастыре, Philips;
  • 2001 — Прокофьев: Любовь к трём апельсинам, Philips;
  • 2003 — Прокофьев: Избранные произведения, Decca;
  • 2003 — Оперные арии, Deutsche Grammophon; шулай уҡ  SACD, CIS-edition форматтарында ла сыҡҡан
  • 2004 — Sempre Libera, Deutsche Grammophon; шулай уҡ SACD, CIS-edition форматтарында ла сыҡҡан
  • 2005 — Виолетта — Арии и дуэты из «Травиаты» Джузеппе Верди, Deutsche Grammophon;
  • 2005 — Верди: Травиата, Deutsche Grammophon
  • 2005 — Прокофьев: Обручение в монастыре, Deutsche Grammophon;
  • 2006 — Моцартовский альбом, Deutsche Grammophon;
  • 2006 — Русский альбом, Deutsche Grammophon
  • 2007 — Дуэты (с Роландом Вильясоном), Deutsche Grammophon
  • 2008 — Souvenirs Deutsche Grammophon
  • 2008 — Винченцо Беллини: опера «Капулетти и Монтекки» (Джульетта), дирижёр — Фабио Луизи, Deutsche Grammophon
  • 2010 — In The Still Of Night Анна Нетребко и Даниэль Баренбойм. Романсы.
  • 2013 — Verdi/Верди; Deutsche Grammophon
  • 2013 — Britten War Requiem, Deutsche Grammophon
  • 2014 — Giovanna d’Arco, Deutsche Grammophon
  • 2014 — R. Strauss: Vier letzte Lieder & Ein HeldenlebenDeutsche Grammophon
  • 2015 — Tchaikovsky: Iolanta, Deutsche Grammophon
  • 2016 — VerismoDeutsche Grammophon

DVD[үҙгәртергә | вики-тексты үҙгәртергә]

  • 1997 — Глинка: Руслан и Людмила, Philips;
  • 1998 — Прокофьев: Обручение в монастыре, Philips;
  • 2004 — The Woman, The Voice, Deutsche Grammophon;
  • 2005 — Traviata Salzburger Festspiele. Deutsche Grammophon
  • 2006 — Прокофьев: Обручение в монастыре (Salzburg Fest. 2005), Deutsche Grammophon;
  • 2006 — Г. Доницетти: Любовный напиток, Virgin;
  • 2006 — The Berlin Concert: Live from the Waldbühnen (A. Netrebko, R. Villazon, P. Domingo), Deutsche Grammophon;
  • 2008 — Джакомо Пуччини: опера «Богема» (Мими), дирижёр — Бертран де Билли

Иҫкәрмәләр[үҙгәртергә | вики-тексты үҙгәртергә]

  1. Петербургский театральный журнал. Прекрасная Анна
  2. Анна Нетребко: Я никогда не ходила по струнке. Татьяна Павловская, Краснодар. «Российская газета» — Неделя № 4070 от 19 мая 2006 г.
  3. Огонек: «Я против себя не пойду»
  4. О Тамаре Новиченко
  5. Биография певицы на сайте Мариинского Театра
  6. Galina Stolyarova, «National Treasure».
  7. Постановление ЦИК РФ № 96/767-6, 6 февраля 2012
  8. Илья Морозов. Анна Нетребко - самый известный деятель искусства из России  (урыҫ.). kbanda.ru (30.10.2011). 16 сентябрь 2012 тикшерелгән.
  9. Вести FM, 7 февраля 2014
  10. Анна Нетребко стала новым лицом Austrian Airlines | Новости шоу бизнеса и музыки NEWSmuz.com
  11. Austrian Airlines не в обиде на Нетребко | РИА Новости Украина
  12. Новороссия — конфедеративный Союз народных республик, в состав которого входят самопровозглашённые ДНР и ЛНР.
  13. Олег Царев: «Анна Нетребко пожертвовала на восстановление „Донбасс оперы“ миллион рублей» // Rusvesna.su. — 2014. — № 08.12.2014.
  14. Анна Нетребко пожертвовала миллион рублей донецкому оперному театру. korrespondent.net (2014-12-09). 9 декабрь 2014 тикшерелгән.
  15. Австрия критикует оперную певицу Нетребко за контакты с ДНР. Газета.Ru (2014-12-10). 10 декабрь 2014 тикшерелгән.
  16. Aufregung um Netrebko  (нем.). Телерадиокомпания ORF (2014-12-09). 9 декабрь 2014 тикшерелгән.
  17. AUA: Weltweiter Shitstorm dank Netrebko  (нем.). austrianaviation.net (2014-12-09). 9 декабрь 2014 тикшерелгән.
  18. Бесценный багаж виолончелиста
  19. Нетребко и другие оперные «звезды» посвятят концерт в Москве 7 июля памяти Образцовой
  20. «Moscow Nights», 7-сезон, лето 2015
  21. Ангел А. — Югополис, 18.09.2011
  22. Анна Нетребко — «Труду-7» № 197, 24 Ноября 2011 г.
  23. Нетребко назвала первенца Тьяго Аруа
  24. Анна Нетребко рассталась со своим гражданским мужем - уругвайским баритоном  (урыҫ.). Вести.Ru (25.11.2013). 29 ноябрь 2013 тикшерелгән.
  25. Анна Нетребко рассталась с гражданским мужем  (урыҫ.). 7days.ru (25 ноября 2013). 29 ноябрь 2013 тикшерелгән.
  26. Анна Нетребко вышла замуж за Юсифа Эйвазова  (урыҫ.). Elle (2015-12-29). 29 декабрь 2015 тикшерелгән.
  27. Юсиф Эйвазов  (урыҫ.). ВокругТВ (2015-10-15). 29 декабрь 2015 тикшерелгән.
  28. Указ Президента РФ от 06.06.2005 № 641 «О присуждении Государственных премий Российской Федерации 2004 года»
  29. Анне Нетребко присвоили звание «Народная артистка России».. Тәүге сығанаҡтан архивланған 3 июнь 2012.
  30. Известия.Ру: Путину показали необыкновенный концерт.. Тәүге сығанаҡтан архивланған 17 февраль 2012.
  31. Информация на официальном сайте премии.
  32. Анна Нетребко стала лауреаткой премии Classical BRIT Awards.
  33. В Краснодаре отметили 5-летие учреждения медали «Герой труда Кубани» // новости на портале ЮГА
  34. Salzburger Festspiele | Biografie Anna Netrebko
  35. Анна Нетребко и Филипп Киркоров — Голос / Золотой граммофон 2010  (урыҫ.). video.yandex.ru. Тәүге сығанаҡтан архивланған 15 февраль 2013. 12 февраль 2013 тикшерелгән.
  36. Анна Нетребко стала певицей года в Германии. Трибуна (2014-08-27). 27 август 2014 тикшерелгән.
  37. Gramophone Hall of Fame  (инг.). Gramophone. 2 ғинуар 2016 тикшерелгән.

Һылтанмалар[үҙгәртергә | вики-тексты үҙгәртергә]