Владимир Спиваковтың Халыҡ-ара хәйриә фонды

Википедия — ирекле энциклопедия мәғлүмәте
Перейти к навигации Перейти к поиску
Владимир Спиваковтың
Халыҡ-ара хәйриә фонды
Тип

Хәйриә фонды

Нигеҙләү йылы

1994

Нигеҙләүселәр

Владимир Спиваков (президент)

Урыны

Рәсәй Рәсәй, Мәскәү

Веб-сайт

spivakov.ru

Владимир Спиваковтың Халыҡ-ара хәйриә фонды — 1994 йылдың майында барлыҡҡа килгән коммерцияға ҡарамаған хәйриә ойошмаһы, уны скрипкасы һәм дирижёр Владимир Спиваков ойошторған. Владимир Спиваков фондының эшмәкәрлек йүнәлештәре — музыкала һәм һынлы сәнғәттә ҙур һәләттәре асылған балаларға ярҙам итеү, таланттарын үҫтереү, Рәсәйҙә һәм сит илдәрҙә уларҙың ижади үҫешен ойоштороу. Тағы бер йүнәлеш — мәҙәни ҡиммәттәрҙе һаҡлау һәм үҫтереү, төрлө яҡлап хәйриә булышлығы күрһәтеү. Фонд 2005 йылдан Jeunesses Musicales International халыҡ-ара ойошмаһының Рәсәйҙәге вәкиле һәм ағзаһы булып тора.

Фонд талантлы йәш музыканттарға, бейеүселәргә, рәссамдарға ярҙам итә, улар өсөн оҫталыҡ кластары, концерттар, турҙар һәм күргәҙмәләр ойоштора. Фонд стипендиаттары халыҡ-ара һәм Рәсәй конкурстарында, фестивалдәрендә ҡатнаша. 1994 йылдан фонд — Францияның Кольмар ҡалаһында үткәрелә торған Халыҡ-ара Музыка фестивален ойошторошоусы һәм уның даими ҡатнашыусыһы.

Фонд Мәскәү, Санкт-Петербург, Себер, Урал, Украина, Белоруссияның һ. б. музыка мәктәптәренә, сәнғәт мәктәптәренә һәм художество мәктәптәренә дамим ярҙам күрһәтә. 1998 йылдың 11 июнендә Владимир Спиваковтың Халыҡ-ара хәйриә фонды бүлексәһе Башҡортостанда асыла. Шунан бирле бер нисә тиҫтә һәләтле бала уның ярҙамында музыкаль белемен һәм оҫталығын үҫтерҙе, Владимир Теодорович уларҙы сифатлы музыка ҡоралы менән тәьмин итте. Музыка сәнғәтен үҫтереүгә индергән өлөшө, әүҙем йәмәғәт һәм хәйриә эшмәкәрлеге өсөн Владимир Спиваков 2013 йылда «Башҡортостан Республикаһы алдындағы хеҙмәттәре өсөн» ордены менән бүләкләнде.

В. Спиваковтың Халыҡ-ара хәйриә фонды мәғариф, фән, сәнғәт һәм мәҙәниәт менән бәйлелектәге бик күп төрлө социаль программаларға булышлыҡ күрһәтә. Фонд шулай уҡ балаларҙың һаулығы өлкәһен дә иғтибарҙан ситтә ҡалдырмай, етем, инвалид балаларға, балалар йорттарына һәм дауаханаларына ла ярҙамын бүлә.

Фондтың эше[үҙгәртергә | вики-тексты үҙгәртергә]

Фондың 14 йыллыҡ эшмәкәрлеге дәүерендә:

  • 8000-дән ашыу бала ярҙам алған.
  • Рәсәй ҡалаларында һәм сит илдәрҙә 5000-дән ашыу концерт, шул иҫәптән «Виртуозы Москвы» дәүләт камера оркестры һәм Рәсәй Милли филармония оркестры ҡатнашлығындағы концерттар, ойошторолған.
  • 1000-ләп бала ҡатнашлығында 400-ҙән ашыу художество күргәҙмәһе үткәрелгән.
  • Йәш рәссамдарҙың эштәренән 8 каталог нәшер ителгән.
  • 2000 самаһы кеше Фонд стипендиаты булып тора.
  • 1000-дән ашыу кеше Фонд программаларында даими ҡатнаша.
  • Фонд программаларында ҡатнашыусыларҙың 400-ләбе — халыҡ-ара конкурстар һәм фестивалдәр лауреаты.
  • Йыл һайын Рәсәйҙә һәм сит илдәрҙә «Музыка класы» һәм «Йәштәр — йәштәргә» тигән программалар сиктәрендә оҫталыҡ кластары үткәрелә.
  • 300 самаһы музыка ҡоралы бүләк ителгән.
  • 200-ләп кешегә медицина тикшереүе үтеүгә аҡса бүленгән һәм 90 хирургик операция яһалыуға булышлыҡ ителгән. Правдинский етемдәр приюты фондына (Мәскәү өлкәһе Новая Деревня ҡасабаһы), Рәсәй балалар клиник дауаханаһына һәм Измайлово балалар ҡала клиник дауаханаһына даими ярҙам күрһәтелә.
  • 1999 йылдан бирле В. Спиваковтың Халыҡ-ара хәйриә фондының Балалар адаптацияһы һәм реабилитацияһы үҙәге эшләй.
  • Фонд вәкиллектәре Рәсәйҙең күп ҡалаларында, яҡын һәм алыҫ сит илдәрҙә, атап әйткәндә, Францияла, Хорватияла, Скандинавия илдәрендә, эшләй.
  • Фонд «Һәләтле балалар — Рәсәйҙең киләсәге» дөйөм Рәсәй ижтимағи хәрәкәтен ойоштороусыларҙың береһе булды. БДБ илдәре ҡатнашлығында Волга буйы Йәштәр симфоник оркестры ойошторолдо. Етемдәр йорттарында «Шәфҡәтлелек мәктәптәре» асыу программаһы хупланды.

• В. Спиваков фондының Әрмәнстанда, Башҡортостанда һәм Болгарияла бүлексәләре бар.

  • Фонд стипендиаттары Кольмар ҡалаһындағы (Франция) халыҡ-ара фестивалдә даими ҡатнаша.

Фондтың иң ҙур һәм әһәмиәтле проекты булып «Мәскәү дуҫтарын ҡаршылай» халыҡ-ара фестивале һанала, унда 2004 йылдан башлап 5000-дән ашыу бала ҡатнашты ла инде. Йәш таланттар Мәскәүҙең иң яҡшы концерт майҙансыҡтарында сығыш яһау мөмкинлеген ала. 2008 йылда V юбилей фестивале «Шәфҡәтлелек осоро» девизы аҫтында үтте, ул ижад һәм хәйриәлек идеяларын берләштерҙе.

Фондтың Башҡортостандағы эштәре[үҙгәртергә | вики-тексты үҙгәртергә]

  • В Уфе на гала-концерте «Созвездие талантов» состоялась презентация фонда Владимира Спивакова. «Башинформ» мәғлүмәт агентлығы, 2016, 2 апрель. (рус.)[1].
  • Юные художники из Башкортостана стали стипендиатами Фонда Владимира Спивакова. «Башинформ» мәғлүмәт агентлығы, 2016, 2 апрель. (рус.)[2].

Фонд эшмәкәрлегенә баһалар[үҙгәртергә | вики-тексты үҙгәртергә]

  • Спиваков Фонды программаларына эләккән йәш музыканттар үҙҙәренең ижади үҫешендә уларҙың әһәмиәтен бик юғары баһалай. Мәҫәлән, грузин пианиносыһы Лука Окросцваридзе билдәләүенсә, Спиваков менән осрашыу, быға тиклем ул күп сығыш яһап, үҙ илендә билдәлелек яулаған булһа ла, уның тормошон тағы ла яҡшыраҡ яҡҡа үҙгәрткән[3].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]