Ғүмер төймәһе

Википедия — ирекле энциклопедия мәғлүмәте
Перейти к навигации Перейти к поиску

Төйөн табылған ҡалыптар: Ҡалып:Карточка компании Ғүмер төймәһе — Рәсәйҙә беренсе тапҡыр ҡарт кешеләр һәм инвалидтар тиҙ арала ярҙам саҡыра алһын өсөн медицина сигнализацияһы системаһын тәҡдим иткән, 2005 йылда барлыҡҡа килгән Рәсәй стартапы[1][2][3][4][5].

Милекселәре һәм етәкселәре[үҙгәртергә | вики-тексты үҙгәртергә]

Компанияға уның ойоштороусылары — Ирина Линник (коммерция директоры) һәм Сергей Купцов (гендиректор; «Ринтех» директоры) етәкселек итә[2][4].

2014 йылда капиталға Интернет-инициативаларҙы үҫтереү фонды килеп ҡушылғанға тиклем уның 43%-ы — Дмитрий Юрченко (элек — «Төймәнең» гендиректоры), Ирина Линник һәм Александр Мусиенко асҡан «А-Клевер» компанияһыныҡы; 57%-ы "Ринтех"тыҡы (АйТи) була[4].

Эшмәкәрлеге[үҙгәртергә | вики-тексты үҙгәртергә]

Стартап тәүлек әйләнәһенә эшләүсе Ярҙам үҙәге менән бәйләнешкә инеү өсөн уңайлы SOS төймәһе булған телефондар, кулондар, беләҙектәр һәм башҡа ҡулайламалар тарата[1][2][4].

Колл-үҙәк белгестәре, ситуацияға, шылтыратыусының хәленә, һаулыҡ торошона ҡарап, ашығыс ярҙам йәки Ғәҙәттән тыш хәлдәр министрлығы структуралары хеҙмәткәрҙәрен йә полиция саҡырта, йә булмаһа күршеләренә, туғандарына шылтырата[2][4].

Хәүеф хәбәрҙәрен ҡабул итеүҙән тыш, «Ғүмер төймәһе» күҙәтеү аҫтындағы кешеләрҙең йығылыу осраҡтарына, әүҙемлеге кәмеүенә мониторинг яһау хеҙмәтен дә тәҡдим итә.[4]

Килем ҡулайламаларҙы һатыуҙан (2 000-10 000 һум) һәм ҡулланыусылар артабан ай һайын индереп торған түләмдәрҙән[1][2], айына 200—600 һум (2014 йылдың уртаһына), инеп тора[4]

Таратыу[үҙгәртергә | вики-тексты үҙгәртергә]

«Ғүмер төймәһе» «АйТи», МТС, «Альцстор» магазины һәм башҡа компаниялар менән хеҙмәттәшлек итә[2].

МТС салондарында «Ғүмер төймәһен» һатыуҙың пилот айында планлаштырылған 150 дана урынына 11 ҡулайлама һатыла, ә сайт аша һатыу күләме көтөлгәндән 15 тапҡырға кәмерәк булып сыға[4].

«Ринтехтан» инвестиция алғас, «Ғүмер төймәһе» социаль учреждениеларға гаджеттарын һәм эйәрсән хеҙмәттәрен һатыуға кәм тигәндә дүрт дәүләт тендерында еңде, килешеүҙәрҙең дөйөм суммаһы 31 млн һумдан ашыу булды[4]. Был конкурстарҙың өсөһөн — Мәскәү ҡалаһы Халыҡты социаль яҡлау департаментының «1-се хеҙмәт ветерандары пансионаты», дүртенсеһен Түбәнге Новгород хакимиәтенең Хеҙмәт һәм халыҡ менән эшләү идаралығы иғлан иткәйне[4].

Эшмәкәрлек күрһәткестәре[үҙгәртергә | вики-тексты үҙгәртергә]

2014 йылдың июнендә алынған мәғлүмәттәрҙән күренеүенсә, 10 мең самаһы кеше системаны ҡулланыусы булып тора[2].

Компания 2014 йылдың июнендә хәбәр итеүенә ҡарағанда, проект зыянһыҙ эшләй, ә киләһе ике йыл эсендә табышҡа сығыу күҙҙә тотола[1][2].

Тарихы[үҙгәртергә | вики-тексты үҙгәртергә]

Проект 2010йылдың ноябрендә Ирина Линник һәм Дмитрий Юрченко тарафынан асылған[2].

2012 йылда Рәсәйҙең «АйТи» система интеграторы төркөмөнә ингән «Ринтех» компанияһы стартапҡа 35 млн һумдан ашыу аҡса һала[1][2]. CNews мәғлүмәттәре буйынса, был раундтан һуң «Ринтех» "Ғүмер төймәһе"нең 57%-ына эйә була, шулай итеп, компанияның хаҡы 61 млн һумдан ашыуға баһалана[4].

2014 йылдың июнендә Интернет-инициативаларҙы үҫтереү фонды «Ғүмер төймәһе» проектына 45 млн һумдан ашыу аҡса һала[1][2][4].

Наградалары[үҙгәртергә | вики-тексты үҙгәртергә]

Проект төрлө конкурстарҙа еңеү яулай[2].

2011 йылда компания «Йыл стартапы — 2011»-ҙең «Социаль әһәмиәтле иң яҡшы стартап» номинацияһында (Юғары иҡтисад мәктәбе версияһында) наградаға лайыҡ була, «БИТ-2011» конкурсында еңеүселәр иҫәбенә инә һәм Forbes журналының стартаптар конкурсында II урынды яулай[2][3].

2013 йылда «Секрет фирмы» журналы иң перспективалы венчур проекттары рейтингында «Ғүмер төймәһен» беренсе урынға ҡуя[2].

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 1,4 1,5 «ФРИИ вложил 45 миллионов рублей в проект "Кнопка жизни"». Lenta.ru (2014-06-06). 28 октябрь 2014 тикшерелгән.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Кнопка жизни  (рус.). РБК. 25 апрель 2015 тикшерелгән.
  3. 3,0 3,1 Приказ Министерства экономического развития РФ от 24 апреля 2013 г. N 220 "Об организации проведения конкурсного отбора субъектов Российской Федерации, бюджетам которых в 2013 году предоставляются субсидии из федерального бюджета на государственную поддержку малого и среднего предпринимательства субъектами Российской Федерации"  (рус.). Министерство экономического развития РФ (2013-05-14). 25 апрель 2015 тикшерелгән.
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 Владислав Мещеряков Фонд, созданный по инициативе Путина, вложил 45 млн руб. в стартап «АйТи»  (рус.). CNews (2014-06-06). 25 апрель 2015 тикшерелгән.
  5. Кнопка Жизни. Медицинская сигнализация  (рус.). Forbes. 25 апрель 2015 тикшерелгән.

Һылтанмалар[үҙгәртергә | вики-тексты үҙгәртергә]