Рождество Христово ғибәҙәтханаһы (Балахна)

Википедия — ирекле энциклопедия мәғлүмәте
Перейти к навигации Перейти к поиску
Рождество Христово ғибәҙәтханаһы
Рәсем
Дәүләт Flag of Russia.svg Рәсәй
Административ-территориаль берәмек Балахна[d]
Мираҫ статусы Рәсәйҙең мәҙәни мираҫ объекты[d]
Commons-logo.svg Рождество Христово ғибәҙәтханаһы (Балахна) Викимилектә

Рождество Христово ғибәҙәтханаһы — Балахналағы православие сиркәүе.

Тарих[үҙгәртергә | вики-тексты үҙгәртергә]

XVIxvii быуаттарҙа был урында Рождество ҡатын-ҡыҙҙар монастыры тора, ул 1764 йылда бөтөрөлә. Сатырлы ағас сиркәү беренсе тапҡыр 1620 йылда телгә алына[1]. Рухани Алексей сиркәүҙең төҙөүсеһе була, уны шулай уҡ Список тип йөрөтәләр[2]. Китапҡа 1674—1676 йылда индерелгән яҙыуҙа изгеләндерелмәгән монастырҙың таш ҡорамы иҫкә алына. Сиркәүҙең беренсе бағыусыһы Мәскәү Успение соборы протопопы Кондрат Ильин була.

1937 йылда сиркәү ябылғандан һуң, уның биналарында Балахнин ҡала һатыу ойошмаһы келәттәре тора, улар 1988 йылдың көҙөндә бынан күсерелә. 1989 йылда сиркәү яңынан эшләй башлай. Унда ғибәҙәт ҡылыу һәм төҙөкләндереү эштәре яңынан тергеҙелә.

Йәмиғ сиркәүе Балахнин благочиниеһына ҡарай. Унда балалар йәкшәмбе мәктәбе эшләй, Изге Троица сиркәүе мәхәлләһе балалары бында уҡый. 2010 йылдың авгусынан һәр ай һайын «Вестник православия» гәзите сығарыла[3].

Архитектура[үҙгәртергә | вики-тексты үҙгәртергә]

Биш башлы ғибәҙәтхана ҙур куб формаһында. Башта уның ҡыйыҡтары ялтырауыҡ йәшел черепица менән ҡапланған була. Әммә черепица туҙғанлыҡтан, сиркәүҙе тергеҙгәндә иҫке черепицаны һаҡлап булмай. Төп бинаның дүрт башы баҡыр менән ҡаплана, ә береһе ― тимер менән ябыла.

Ике ҡанаты ла шулай уҡ ябай куб формаһындағы төкәтмә итеп эшләнгән.

Арка өҫтөндәге уйылған ярым түңәрәк соҡорҙарҙа дини темаларға фрескалар ҡуйылған, ә миһраб үҙәгендәге һәм солеялағы иҙәнгә шыма кафель түшәлгән; ҡорамдың төп өлөшөндәге иҙән ХVIII быуатта эшләнгән суйын плитәләр менән ҡапланған.

XVII быуат уртаһында сиркәү менән бергә төҙөлгән ҡыңғырау манараһы 1931 йылда һүтелә[4]. 2011 йылда ул яңынан тергеҙелә.

Иҫкәрмәләр[үҙгәртергә | вики-тексты үҙгәртергә]

  1. Ермолина, Анна Главный храм Балахны. Нижегородские епархиальные ведомости (№ 1 (190) за 2011 год). Тәүге сығанаҡтан архивланған 24 август 2012. 9 август 2011 тикшерелгән.
  2. Балахна: есть ли жизнь в тени Нижнего Новгорода?. balakhna.ru. Тәүге сығанаҡтан архивланған 24 август 2012. 9 август 2011 тикшерелгән.
  3. Газета «Православный вестник». Нижегородская епархия. Тәүге сығанаҡтан архивланған 24 август 2012. 9 август 2011 тикшерелгән.
  4. Вихарев, Александр В Балахне освящены колокола для звонницы храма в честь Рождества Христова (фото). Нижегородская епархия (6 августа 2011 года). Тәүге сығанаҡтан архивланған 24 август 2012. 9 август 2011 тикшерелгән.