Сәйәхова Лена Ғәле ҡыҙы

Викидатала элемент тултырылмаған

Сәйәхова Лена Ғәле ҡыҙы (1 ноябрь, 1931, БАССР-ҙың Дәүләкән районы Бик-Ҡарамалы ауылы) - тел белгесе, педагог-методист, педагогия фәндәре докторы (1983), профессор (1985). Башҡорт АССР-ның атҡаҙанған фән эшмәкәре (1987), Рәсәй Федерацияһының атҡаҙанған юғары мәктәп хеҙмәткәре (2007), РСФСР-ҙың халыҡ мәғарифы отличнигы (1986), Башҡортостан Республикаһының мәғариф отличнигы (2001), Рәсәй Федерацияһының почётлы юғары һөнәри белем биреү хеҙмәткәре (2001).

Биографияһы

Сәйәхова Лена Ғәле ҡыҙы 1931 йылдың 1 ноябрендә БАССР-ҙың (хәҙер — Башҡортостан Республикаһы) Дәүләкән районы Бик-Ҡарамалы ауылында тыуа.

1953 — К. А. Тимирязев исемендәге Башҡорт педагогия институтын отличие менән тамамлағандан һуң Дәүләкән районының урта мәктәптәрендә, 1954—1961 йылдарҙа Өфөнөң 47-се урта мәктәбендә уҡытыусы булып эшләй.

1961—1964 — РСФСР Педагогия фәндәре академияһының Милли мәктәптәр ғилми-тикшеренеү институтында аспирантурала уҡый.

1964 — Башҡорт дәүләт университетында эшләй башлай.

1990—2011 йылдар — БДУ-ның рус теле һәм уны уҡытыу методикаһы кафедраһы мөдире.

Эшмәкәрлеге

Фәнни тикшеренеүҙәре лингводидактика, лексикография, лингвокультурология проблемаларына, мәктәптәрҙә һәм юғары уҡыу йорттарында рус телен уҡытыу теорияһына һәм методикаһына арналған. 500-гә яҡын фәнни хеҙмәт, шул иҫәптән рус теле буйынсаса дәреслектәр, уҡытыусылар һәм студенттар өсөн уҡытыу-методик әсбаптар, авторы. Уның етәкселегендә 20 кандидатлыҡ һәм ике докторлыҡ диссертацияһы яҙылған һәм яҡланған.

Наградалары һәм бүләктәре

• Рәсәй Федерацияһы Хөкүмәтенең мәғариф өлкәһендәге премияһы лауреаты (2013).
• Донъяла рус телен пропагандалау һәм уҡытыу йүнәлешендәге актив эшмәкәрлеге өсөн А. С. Пушкин миҙалы менән наградлана.

Хеҙмәттәре

Лексика как система и методика её усвоения. Уфа, 1979;

Русский язык в диалоге культур. М., 2006 (авторҙаш);

Методология и методическая система формирования лингвокультурологической компетенции тюркоязычных учащихся на уроках русского языка. Уфа, 2010.