Театр майҙаны (Дондағы Ростов)

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Театр майҙаны
майҙан
Дондағы Ростов
Фотография
М. Горький исемендәге Ростов академия драма театры
Дөйөм мәғлүмәт
Ил

Рәсәй Рәсәй

Ҡала

Дондағы Ростов

Район

Пролетар

картала

OpenStreetMap-та
Яндекс. Картала
Карта Google-да


Театр майҙаны — Дондағы Ростов ҡалаһының төп майҙаны. Дондағы Ростовтың Пролетар районында урынлашҡан. Майҙанда Төньяҡ Кавказ тимер юлы Баш идараһы, М. Горький исемендәге Ростов академия драма театры, Стелла-банк кеүек билдәле компанияларҙың офистары урынлашҡан. Төньяҡ-Кавказ тимер юлы идараһы бинаһы (элекке Владикавказ тимер юлы Идаралығы) XX быуат башы йәмәғәт архитектураһы ҡомартҡыһы булып тора. Ул рационалистик йүнәлеш традицияһындағы модерн стилендә төҙөлгән.

Шулай уҡ майҙанда Бөйөк Ватан һуғышында еңеүҙең 40-йыллығына ҡуйылған «Ҡаланы немец-фашист баҫып алыусыларынан азат итеүсе һуғышсыларға» мемориалы урынлашҡан. Һәйкәл 72 метр бейеклектәге, плащ-палатка кейгән грек алиһәһе Никаның стилләштерелгән алтын ялатылған һүрәте төшөрөлгән стела.

Театр менән йәнәшәлә фонтандар ансамбле урынлашҡан, скульптура композицияһының авторы — Вучетич Евгений Викторович. Фонтан квадрат формаһындағы бассейндан ғибәрәт, уртаһындағы постаментта дүрт атланттан торған скульптура төркөмө өҫкә һыу аттырған алдырҙы тотоп торалар. Төркөмдө ауыҙҙарынан горизонталь һыу аттырған тәлмәрйен һәм ташбаҡа фигуралары ултырған тумбалар уратып алған. Ҡалала, йәш скульптор был ер-һыу хайуандарының йөҙөнә ҡайһы бер ҡала башлыҡтарының йөҙ һыҙатын биргән, тигән легенда йәшәй. Скульптура һындары бетондан эшләнгән.

Һылтанмалар[үҙгәртергә | вики-тексты үҙгәртергә]